السلام عليكم ورحمة الله
بصراحه القسم هذا فتح شهيتي لوضع مبتكراتي وان كانت موجوده مسبقا لاعضاء قبلي
ولكن تختلف الطريقه من شخص لاخر
هذا موضوع نزلته من فتره في احد المنتديات وحبيت انكم تشاركوني فيه
لتعم الفائده للجميع
الموضوع منقول من منتدى اخر ولكن انا صاحب الموضوع
**************************
السلام عليكم ورحمة الله وبركاته
هذي فكره مره سهله وهي عباره عن مصباح للرحلات عملي وبسيط جدا
واليكم الشرح
نجيب قاعدة اريال ( انتل ) حق الكنوود ( اجهزه الراديو للسيارات )
اللي هو هذا
لاحظ انه مزود بمغناطيس ليسهل تركيبه وتنزيله من سقف السياره
يعني ما يحتاج مسامير ولا شي
ونركب فوقه نقاص من عند محل السباكه مثل اللي ظاهر في الصوره
بعدين نجيب نبل ابو سنّه عشان يكون قاعده للماسوره
وهو بهذا الشكل
ونركب عليه ماسوره بلاستيك سميكه مقاس نص بوصه بطول 40 او 50 سم
بعدين نجيب قطعه ماسوره ثانيه بنفس المقاس وبطول 60 سم ونركب عليها
لمبه حق الطرادات المقاومه للماء ( تجدونها عند محلات زينة السيارات بسعر ارخص لان محلات التجهيزات البحريه يبالغون في سعرها )
ونركبها بهذا الشكل
طبعا هناك كوع زاويه 90 بين قطعتي الماسوره
نقطع راس السلك اللي يركب في الولاعه وندخل السلك داخل الماسوره الين يطلع من الجانب الاخر
راح يكون شكل اللمبه العام بعد شبك المواسير كذا
وبعد ما نركب عليها القاعده ام مغناطيس في الاسفل بالشكل هذا
هذا راح يكون شكلها النهائي
فيه شغله مهمه وما ننساها وهي فتح ثقب في اخر الماسوره جنب القاعده ونخرج السلك منها
وطبعا الاهم من ذلك هو عقد عقده في السلك لضمان عدم سحبه في الماسوره اثناء التركيب
وتكون بهذا الشكل
وهذا راح يكون شكلها بعد ما ركبتها فوق سقف السياره ( التنده )
وش رايكم بس ههههههههههههههههههه
نرجع لشغله مهمه وهي كيف راح يكون شكل اللمبه اثناء التخزين او عند الانتهاء من استخدامها
اولا من عند الكوع ابو 90 درجه نفك عنه الماسوره بهذا الشكل
ونخلي كل العده مع بعض متجاوره بحيث ما تاخذ مكان في العفش
بهذا الشكل
طبعا نفك قاعدة الاريال ونبدا نلف السلك على اللمبه
الين يكتمل لف السلك حولها كانه حبل ربط
طبعا انا رحت لمحل تفصيل الاشرعه وفصلت لها شنطه بالمقاس المناسب
شايب ورايق هاه ؟ ههههههههههههههه
وهذا هو شكل الشنطه وانا شايلها لاحظ خفة الوزن وصغر المقاس
اهم مافي شغلات وعدد الرحلات هو العوامل التاليه
صغر الحجم عشان ماتاخذ معك عفش يبهذلك في التحميل والتنزيل
خفة الوزن
ما يكلف كثير
عموما ارجو ان تحوز الفكره على اعجابكم
وانشا الله اذا فيه شي ثاني قريب راح انزله لكم هنا
وشاكر لكم حسن المتابعه
اخوكم هادر
********************
وهذه بعض الصور لاستخدام اللمبه في رحلاتي
ملاحظه
تم اسيبدال الكوع ابو زاويه 90 بكوع زاويه مفتوحه كي تكون الاضائه اشمل للمكان
اليكم الصور
رد مع اقتباس
المشاركة الأصلية كتبت بواسطة سرهيد الساحات العربية
