السبب هذه المواقع اللتي أفسدت علينا البر والبحر وكل شيء حتى أنها بدأت تنهش من عقائد كثير منا بسبب التوقعات والتخبطات حتى أن كثير منا أصبح لايعتمد ألا على التوقعات وترك التعلق بالرب المغيث ويتساءل الكثير منا (هاه وش يقول مكشات بكره فيه مطر فيه عج فيه طيور فيه وفيه........الخ؟؟) طلعت من موضوعك لكن أنا منقهر مثلك
تروح تكشت بفياض الصمان أعزكم الله تكشت بأقرب محرقه أحسن ,,,,,,,,
السبب الرئيسي هالمواقع
قبل مايشتهرن هاالمواقع والبر زين ونظيف والصيد متوفر والمطر ماندري الا هو جاي ....
أما هالحين الله المستعان الحصاني بالبر انتهت القرطه والذيب الظبان الجرابيع الواحد ماهمه إلا نفسه تقل بمجاعه
يروح الواحد للبر معه كل الخيرات من لحم ودجاج ومعلبات ويلقاله ضب ولا جربوع ولا حمره وام سالم وقوقسيه ويشبهر تقل ثور هايج ويصيد هالخلق عاد ليته ياكلهن الظب ياخذ عكرته والباقي مايلزمه والقوبعه مايشتهيه ضعيفه مابه شحم وهكذا ,,,,
آسف على الاطاله::: بالمختصر هذه المواقع هي السبب الرئيسي والوحيد والأوحد في القضاء على البيئه
صحيح إن الغالبيه رجال ويؤلمهم هذا الكلام لكن هذا الواقع وكم شاهدنا من مناظر مؤسفة لإفساد الطبيعه من قطع الطلح والسدر والغضا
والله ثم والله مارديت هذا الرد الغير مرتب والمشتت إلا من ظيقة ومغثة بالصدر
الله يصلح الجميع ،،
أكيد الرد يبي يحذف أو العضويه لكن أنا قلت اللي بالقلب والحمد لله