لاإله إلا الله
احم احم .. ياجماعة الربع ههههه
اسعد الله جميع اوقاتكم
عسى ماشر .. وينكم ياشباب
الخيمه خاليه .. الظاهر الشباب هاجرواا هههههه
على كل حال حبيت اسلم عليكم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يالربع وينكم معاااااااااااااد لكم صوت ولا حس ؟
وين السواالف والقصص اللي تنومس 0
ياهلا والله بالربع هههههههه اما هاجرو حلوه يابو عبدالله كلن على همه سرى
المهم خذلك سالف على الطاير
هذولى ربعنى قانصين حباري طبعا المهم ويدوجون ولا عينو شئ ومادرو الا واحد من الربع
يصوت بالجهاز يالربع عندي طير والله العالم انه حر وحش
جيناااااااااااااااااااااااااااااااااااك
وين الطير قال هذا هو على الحزم وما ودي اقربله لما تقربون ونحاولبه
قااااالو الربع خير ماسويت المهم جهز الحمامه وين الشبك قااالو يجيب الله شبك ماهنى شئ
الراي يالربع قالو ماهنى الا نهد للطير حمامه ونخليه يعلف واذا شبع نهد عليه طيرك يافلان
قال ماهي مشكله المهم هد الحمامه الا الطير تقل مبشرن بالحمامه ويوم قرب الطير الا به سبوق
يالربع الطير مصقور لاكن به وحاشه ممرحن بالخلى
الطير طرح الحمامه ويوم بدأ ينتف قال واحد من الربع انا ابا انزل على الطير وعلى كفي طيري اغديني امسكه على حمامته قالو الربع شورك وهدايت الله تم وعليهم هواء صلف المهم يوم نزل من الموتر واثر اخونا بالله
ماجود سبوق الطير والطير يوم حس بالهواء وهو يفل جنحانه وهو يرقى للسماء وش الدبره
طق الارض دق بوري راااح الطير يرقى ولانوى النزول من الهواء غصب عليه
المهم والطير اللي هم يحاولونه يترك حمامته وهو يلقط الارض واخذله شوي الا يوم نطح الهواء وبدأيرقى عمودي والحق طير الرجال وعلقه وجبه للأرض لما حولبه وامكنو الطيور لا تذابح والله يستر عليهن ويقظبون كل
الاثنين ياسبحان الله شئ عجيب ويلقون حجل على الطير ويدقون على راعيه ويجي يستلم الطير
ويوم جاء تقول نازلين عليه من السماء وماسكين طيره اثر الرجال له كم يوم غادي طيره ومتبهذل
والحمدلله على العقلاء
وسلامتكم ,,,
ا
ياهلا ومرحبا اخوي ابو ناصر
اميييييييييييين
وعزالله اني متعجب من هالسلفه لحد الان سبحان الله
والله اني والم لاكن اللي مايكتب عسير
الموسم اللي عدى قبل شهرين تقريبا وقت القميري وانا ادوج العصر بالاثل
عااد معروف الاثل لاتنشدوني عنه
ويوم قربت من مقطير الاثل الى القوقسي يطير وليا اقبل على الاثل ديور
عجيب وش فيه ؟؟؟؟؟
المهم قلت احسن خلني ليا لقت شئ اضمن انها قميريه المهم معي اخوي اصغر مني
قال شف شف شيهانه ويوم التفت الى الشوفه اللي تسرك
شيهانه بحريه قرناسه الظاهر انها 17 ب17
الوكااد انها راهيت بالحيل والوقت حول المغيب ولاني متولم لاشبك ولاحمام
والبيت يبيلي نص ساعه رايح جاي المهم مالك بالطيب نصيب
وهكا الليله الله لايعيدها انواع الحلوم مارقدت هههههههه
اسعدني مرورك .
............
مساء الخير على الجميع
الا وش علوم الجبليات والمواكر
سبحان الله العضيم شف وش لون
دار الوضع الا الطير اللي تبون
تقضبونه يحول بطيركم ويقول خذو
طيركم يالربع 0 الله يبيض وجهك اخوي
حااامد على هالسااالفه 0
السلام عليكم ورحمة الله وبركاته,,
صبحت ومساك الله بالرضا يابوعبدالله,,
في علوم طيبه راح تعجبك انتظر لي كم يوم واجيك بموضوع عنها,,
ومشكور على (الكسره) وبيض الله وجهك,,
تحياتي لك,,
السلام عليكم
وين الناس؟؟؟؟
الاختبارات الظاهر لها دور هههههههه
المهم الله يوفق الجميع وينجون ونباركلهم
ونبي نحرك الخيمه شوي بهالسالفه
مرت من السنين طالع الوالد يدور القرقس هو الربع وانا هكاليوم ماني معهم
للأسف كنت ادرس ووقت اختبارات الحمدلله اللي فكنا منها
نرجع للسالف المهم مذكور لهم اجوال قرقس ورايحين بيرثعون فيه وطبعا معهم
وجو المنطقه ولقو الذكر وصادو الربع ويم انتبهو الى الطير قدامهم يبي من صوايب القرقس ويقدمون يمه
الى يوم شلع ووقع ورى هكالحزم ياولد ياولد عطنا الدربيل ودربلو عليه
الا وش تشوف المنطح عضم مغتر الطير والله العالم انه قرناس
وكل كاقربوله طار وراه ويدقون على حدى الربع بالديره ناوي يجيهم قالو الحق
عندنا طير وجب معك حمام الشبك معنى المهم وصلهم الرجال
ويهدوله حمامه وعلى طول وهو يهد وياخذ الحمامه ويبدأ ينقل ويزرون عليه الموتر
الى يوم فك الحمامه العلم قالو مهنا الى نحط ثقاله وهنا بدأ الخطأ
وش نحط ثقاله قالو حد من الربع حط مفتاح رقم 20 عشانه ثقيل ههههههه الدعوه انقلبت ورشه
المهم المنطقه حزوم ويربطون السبب ويربطون المفتاح فيه
ويهدون الحمامه ويهد الطير ويضف الحمامه ويقدمون عليه ويشلع بالحمامه
لوهي شلعت الندم هههههههه وتبدى القرشه من المفتاح بالحزوم
والطير يفك الحمامه ويتنحر الشمس طار قلبه والله العالم انه طلع من الحدود وهو ما التفت وراه ههههههه
والحمدلله على كل شئ وطرح الطيور يبيلها خبره
اما مفتاح 20 ههههههههههههه
والله كل ماتذكرته مت من الضحك .
واخير تقبلو تحياتي.
ههههههههههههه
اضحك الله سنك ياحامد اقول والله يازينك ويازين سواليفك...
ومفتاح عشرين ههههههه عزالله ماالومهم وهاك القرناس شوفه يكفي ,,
والخبره بالطرح خلها على جنب كل الدعوه حظوظ وتوافيق من الله,,
انا بعطيك نسبه عن الخبره وعن التوفيق اللي كاتبه الله,,
لاطرحت طير اعرف تماما ان نسبه توفيق الله 99%
والخبره 1%
وانا صارلي موقف ماراح انساه ابد
طول عمري وماراح يصدقه ولاطاروح في الدنيا وهي معجزه وتوفيق من الله
حادثه ماعمرها صارت وعزالله مضرب مثل والله لاكتب شي لعبده,,
والله ماينرد واعذرني يالغالي على عدم ذكرها...
هههههههههههه
و الله ل قطعت بطني
أضحك الله سنك
بو نواف تحمسنا للموقف و تشوقنا له و بالنهايه
ما بتعلمنا
يا ذيب تراني توني جديد بالصقاره و نبي اللي يحمسنا من
المواقف و القصص
لاني تحطمت من جبليه عجزت اطرحها مكانها صعب و الجبال اللي حولها فيها خير من الحمام و الوباره
بس معذور يالذيب و ابد تراني أمزح أمعك يوم قلت
بالنهايه ما بتعلمنا
الذين يشاهدون الموضوع الآن: 1 (0 من الأعضاء و 1 زائر)