مساء الخير على الجميع
الا وش علوم الجبليات والمواكر
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته,,
صبحت ومساك الله بالرضا يابوعبدالله,,
في علوم طيبه راح تعجبك انتظر لي كم يوم واجيك بموضوع عنها,,
ومشكور على (الكسره) وبيض الله وجهك,,
تحياتي لك,,
السلام عليكم
وين الناس؟؟؟؟
الاختبارات الظاهر لها دور هههههههه
المهم الله يوفق الجميع وينجون ونباركلهم
ونبي نحرك الخيمه شوي بهالسالفه
مرت من السنين طالع الوالد يدور القرقس هو الربع وانا هكاليوم ماني معهم
للأسف كنت ادرس ووقت اختبارات الحمدلله اللي فكنا منها
نرجع للسالف المهم مذكور لهم اجوال قرقس ورايحين بيرثعون فيه وطبعا معهم
وجو المنطقه ولقو الذكر وصادو الربع ويم انتبهو الى الطير قدامهم يبي من صوايب القرقس ويقدمون يمه
الى يوم شلع ووقع ورى هكالحزم ياولد ياولد عطنا الدربيل ودربلو عليه
الا وش تشوف المنطح عضم مغتر الطير والله العالم انه قرناس
وكل كاقربوله طار وراه ويدقون على حدى الربع بالديره ناوي يجيهم قالو الحق
عندنا طير وجب معك حمام الشبك معنى المهم وصلهم الرجال
ويهدوله حمامه وعلى طول وهو يهد وياخذ الحمامه ويبدأ ينقل ويزرون عليه الموتر
الى يوم فك الحمامه العلم قالو مهنا الى نحط ثقاله وهنا بدأ الخطأ
وش نحط ثقاله قالو حد من الربع حط مفتاح رقم 20 عشانه ثقيل ههههههه الدعوه انقلبت ورشه
المهم المنطقه حزوم ويربطون السبب ويربطون المفتاح فيه
ويهدون الحمامه ويهد الطير ويضف الحمامه ويقدمون عليه ويشلع بالحمامه
لوهي شلعت الندم هههههههه وتبدى القرشه من المفتاح بالحزوم
والطير يفك الحمامه ويتنحر الشمس طار قلبه والله العالم انه طلع من الحدود وهو ما التفت وراه ههههههه
والحمدلله على كل شئ وطرح الطيور يبيلها خبره
اما مفتاح 20 ههههههههههههه
والله كل ماتذكرته مت من الضحك .
واخير تقبلو تحياتي.
ههههههههههههه
اضحك الله سنك ياحامد اقول والله يازينك ويازين سواليفك...
ومفتاح عشرين ههههههه عزالله ماالومهم وهاك القرناس شوفه يكفي ,,
والخبره بالطرح خلها على جنب كل الدعوه حظوظ وتوافيق من الله,,
انا بعطيك نسبه عن الخبره وعن التوفيق اللي كاتبه الله,,
لاطرحت طير اعرف تماما ان نسبه توفيق الله 99%
والخبره 1%
وانا صارلي موقف ماراح انساه ابد
طول عمري وماراح يصدقه ولاطاروح في الدنيا وهي معجزه وتوفيق من الله
حادثه ماعمرها صارت وعزالله مضرب مثل والله لاكتب شي لعبده,,
والله ماينرد واعذرني يالغالي على عدم ذكرها...
هههههههههههه
و الله ل قطعت بطني
أضحك الله سنك
بو نواف تحمسنا للموقف و تشوقنا له و بالنهايه
ما بتعلمنا
يا ذيب تراني توني جديد بالصقاره و نبي اللي يحمسنا من
المواقف و القصص
لاني تحطمت من جبليه عجزت اطرحها مكانها صعب و الجبال اللي حولها فيها خير من الحمام و الوباره
بس معذور يالذيب و ابد تراني أمزح أمعك يوم قلت
بالنهايه ما بتعلمنا
مشكور ياحامد .. عزالله انك وفيت معنا
بواجبك تجاه هذه الخيمة
سالفة جميلة .. تشكر عليها ..
لكنها .. ليست الأولى من نوعها
فقد حصلت معي لكن الله جاب الطير هههههه
قرناسه تامة اتعبتني لين خلص الشبك والثقاقيل
وآخر شبكه طلعت لها خيط من الشبه
والثقالة مفتاح البواجي والعجل
وطرحتها والرزق لاالله كتبه يجي
وخويكم ماله نصيب والا ماكان راح منهم
شكراً ولاهنت
وانت يابو ناصر عطني السالفه ولو عالخاص ههههه
صدق من قال الحلال مايضيع
هاذ الكلام بدايه الموسم الطيور ما لها اسبوعين طالعه من الربطه
ورايح بعد العصر للمدعى المهم مالكم بي الطويله
وانا موجه على المدعى الا يوم عارضتني ذيك الحمامه سواديه وجاء في نفسي شي ودي اهد عليها
والطير اللياقه 20في الميه ولا به صفره ولا امداني احط الريشه
قلت في نفسي ماهوب رايح بعيد ان شاء الله خله يطلق جناحه شوي
وانا اهد والله يوم ساق معها وهي السوقه ويريد الله ونضيعه
وندوره حنا والربع كلهم لين غابت الشمس واصلي من بكره الفجر في المدعى
وملواح واهد الطيور كوده يجي عليها لكن ماش وثلاث ايام على ذا الحال
لين دب اليئس في نفسي
ويدق على واحد من العيال مادرى بي السالفه
يوم جيت ابقوله يوم قال ماسمعه بي الطير االمقضوب حولك
قله وشو من طير ومن الى طرحه وينه فيه وينخرش الرجال قال وش فيك عساء ماطمعتافيه
قلت لا بلله بس طيري غادي واخافه هو
ويعطيني رقم الى قاضب الطير
والمفاجئه صار واحد من الديره واعطيه اوصاف الطير
واروح استلمه منه الله يجزاه خير
وهاذي سالفتي قلت ابشارك معهم
هلابك ياصقار الجنوب,,
ومرحبابك يالغالي يالله حيه...... معك ابوناصر يالغالي ماهو ابونواف هههههه,,
الله يستر جينا للطلبات هههههههه والجبليه تبي تطرحها علفها كل يوم قمري كل ماجاتك,,
اعطيها طيار بدون شبكه الين تعود عليه بعدين عطها بمهمل طويل بشبكه,,
والله يكرمك بها وابشر بالعلوم اللي تسرك وتحياتي لك,,
هلابك يالمهاجر ,,
ومرحبابك يالغالي يالله حيه.... هههههههه ان شالله بعد كم سنه هههه,,
تحياتي لك,,
هلابك يالرشيدي,,
ومرحبابك يالغالي يالله حيه..... عاش من شاف هالمعرف,,
والحمدلله على السلامه وجعلك سالم وغانم تحياتي لك,,
هلابك ياخوي,,
ومرحبابك يالغالي يالله حيه.... لاهنت على هالسالفه الطيبه,,
امتعتنا بها يالنشمي والحمدلله على العقلان وبأنتظار جديدك الطيب,,
تحياتي لك,,
السلام عليكم ورحمه الله وبركاته
مساكم الله بالخير
مشاء الله منورين الاستراحه يا الوجيه الطيبه....والله بردتوا علينا
بهالسوالف الطيبه الي توسع الخاطر والذكريات الحلوه
الله لايهينكم جميع وبيض الله وجيهكم
.................
وانا ابذكرلكم سالفه صارت معي من هالسنيات كنت قانص انا ومعاي اثنين من الربع اول الموسم وسبحان الله وكانت ليلتها ضارب علينا السمان بصوره مو طبيعيه المهم كبسناها الساعه 7 الصبح وتاخرنا
على المقناص المهم وحنا ندوج وسبحان الله ونلقى جيب من بعيد فوقه ثلاث طيور تلعب توهمنا فيهم يوم الرجال راعي الجيب كبس بالنور علينا المهم نصيناه ولا الرجال الي عنده وحوش اثنين ومعاهن حقبي المهم سبحان الله طير شرق وطير غرب الرجال ساق على طير طبعا هذا اول وحش اشوفه على ارض المقناص وحنا سقنا على طير طبعا الطيور هالوقت عالفه وشبعانه تلعب لعب و نحذفله حمامه ويطلبها ينشها من الذنيبا ويخليها تروح ويعيد عليها لين احترف عنها
واحذفله قطاة وسبحان الله ولا طلبها مع ان الوحش ما يلاعب على القطى نزل الطير بين ضلعان وضيعناه وساعه كامله ندوره تقريبا فقدنا الامل لين سبحان الله خطف من قدامنا وحنا نسايره ونحذفله حمامه ولا طلبها حاولنا معاه لين نزل المهم ثقلنا له حجله ونرميها له ويقابلها ونبعد عنه ويمكن نص ساعه الي مخمره فيه الحجله يوم نطت وهو يطلب ويهد سبحان الله ويعلف الراس ووندورعليه لين صار بينه وبينه يمكن مترين او اقل سبحان الله تمثلنا فيه وقام يكرك علينا ((طبعا الطير فرخ لو قرناس شي ثاني )) ونقزه ويضف الحجله هي وثقالتها مسافه 100 متر تقريبا ولا لسعته العيون طبعا الشبكه شبكه سوق وهذا خطأ ماكانت في الخبره الكافيه لصنع الشبك المهم سبحان الله الطير ما حام الين ساعه 11 ونص وكان اول الموسم والجو كان حار ومالله قسمه لنا وكان يوم صعب علينا وخصوصا انه كان اول المشوار والحمد الله رضينا بلي الله كاتبه.
وتقبلوا تحياتي
سبحان الله وبحمده سبحان الله العظـــــــــيم
الذين يشاهدون الموضوع الآن: 1 (0 من الأعضاء و 1 زائر)