خيمة مكشات .. واستراحة صقار

[راعي طلاع]

عزالله انك صادق

ما تذكر محاوره حبيب وبن شايق يوم يقول راعي الساحل يعرف الرطوبه

وافهم يا فهيم .

[راعي طلاع]

ما اقول الا

عسى الله يزين الامور

ابشر بسعدك لا تضيق تبيها ارض ولاسما............

[أبو أمين]

ابو امين عندي سوال طال عمرك والمشاهد الجير المهجن مع شاهين جبلي وش يسمونه لانه في خلط كبير بنها وبين خلط الجير مع الوكري

الجير مع الجبلي يسمونه طال عمرك جير باربري ( باربري ولا لويس فيتون ههههههه)

الجير مع طير يشبه الوكري اسمه بيريرا يسمونه جير بيريرا

الجير مع الوكري يسمونه جير لنر

وسلامتك والمشاهد .

[@السيف@]

ههههههههههههه لا تخاف يابو سيف ان بعنا مافيها شي في حال جات القيمه الطيبه

وان ما وافقت قفلنا الموضوع وهونا واللي يقفل موضوعه حيه دليل انه ماهوب مقتنع

بالبيع الموت راعي الديزل يقعد فالمعارض سنين وهو معروض واول السوم زين وبعد

سنين يباع بنص سومته ولا البنزين ما يطول عرضه لكثرة الطلابه اما باع وملا جيبه

ولا ركب على ظهره وروح ويمبعده عن الديزل ..............

عين بعينك راعي طلاع ليه تكابر علي التفاريخ مثل ماقلتلكم التفاريخ لها وقت وتنتهي علومها مثل المطر علي صبخه لا تنبت ولا تنشرب

[أبو أمين]

ابشر بسعدك لا تضيق تبيها ارض ولاسما............

وافي يابو محمد

الامور سهلات ان شاء الله

[طيب ساس]

الجير مع الجبلي يسمونه طال عمرك جير باربري ( باربري ولا لويس فيتون ههههههه)

الجير مع طير يشبه الوكري اسمه بيريرا يسمونه جير بيريرا

الجير مع الوكري يسمونه جير لنر

وسلامتك والمشاهد .

مشكور على المعلومات المفيده
بس هل جربته يا بو امين نجحات او نسبة نجاحه
ونتاج المزارع كثير منها

[@السيف@]

التفاريخ فيها نسبه من الحر كبيره وهذا الي خلانا نكره ندور الجير

ونا اخوك الجير الوحش وماهو تفريخ اتمني نقلته هذا هواي

[@السيف@]

ابو امين كيف الحال بشر كيف طيورك متي النقله

[طيب ساس]

ونا اخوك الجير الوحش وماهو تفريخ اتمني نقلته هذا هواي

انا اقصد اتفاريخ حر من حر ماقصد الجير وصلتك المعلومه

وطيور الي عرضه ابو محمد ماهيب طيوره كله الربع عدا شواش

[أبو أمين]

مشكور على المعلومات المفيده
بس هل جربته يا بو امين نجحات او نسبة نجاحه
ونتاج المزارع كثير منها

تجربه ما جربته ولاني حريص عليه لكن لا يمنع اني اجربه مع الأيام

لكن يمدحونه مدح قوي بالحيل

اما الانتاج الظاهر انه قليل

[راعي طلاع]

عين بعينك راعي طلاع ليه تكابر علي التفاريخ مثل ماقلتلكم التفاريخ لها وقت وتنتهي علومها مثل المطر علي صبخه لا تنبت ولا تنشرب

اذا انتهت ادر انها نهاية ايضا صقارتي معها ولسبب واحد وحيد ماني معين طير اصيل

يطربني او ينسيني الجير............

[أبو أمين]

ابو امين كيف الحال بشر كيف طيورك متي النقله

يا مرحبتين وسهلين

انا طيب والطيور طيبه والنقله مع رمضان ان شاء الله

علومك يالطيب ؟

[راعي طلاع]

ابو سيف ترى الطيور اللي عرضت مؤخرا مالي فيها غير شواش ولا كلها ما اعدها الا طيوري

ولكنها في الحقيقه طيور خوياي وانا لاني اصغرهم خادمهم وشفرتهم وقت التحدي والمعاند..........

[راعي طلاع]

والله يابو امين الباربري من جربها مدحها وزي ما قلت مدحها قوي ولكن وجودها شبه معدوم

لسبب انت ذكرته قلة الانتاجيه عاد المشكله اذا كانت ناجحه فهي اقل تكلفه على المزارع من

جيرة الشاهين ..............

[أبو أمين]

صحيح الباربري كفو وناجح

لكن ما مثل الجير شاهين في المهجنات والطلب عليه قوي

من ناحيتي انا احرص على البيور والجير شاهين وجير حر 78 وجير بيريرا

ههههههههههه قولي وش بقيت .