خيمة مكشات .. واستراحة صقار

[بن محجن]

سلطان 1
لا هنت اخوي بن محجن وعلمك غاانم وزي ما قلت
الناس للناس والكل بالله
وما سويته من طيب بتعينه قدااامك ان شالله لو طال الزمن
.

هلا وغلا أخوي
بيض الله وجهك وتحياتي الغاليه لك
ويجعلك سالم

ــــــــــــــــــــــــــــــــــــــــــــــــــ ـــــــــــــــــــــــــــــــــــــ

خالد الرشيدي

وعليكم السلام ورحمة الله وبركاته
علومك غانمه يابن محجن
عزالله اسم الموضوع فيه محله
ماقصرت والله عطاك علي قد نيتك
وبيض الله وجهك والله يكثر من امثالك
.
يا مرحبا بأهـل الكــويت
بياض وجهه وتسلم يا بو جابر وأسعدني مرورك
وتحياتي الغاليه

ــــــــــــــــــــــــــــــــــــــــــــــــــ ــــــــــــــــــــــــــ

القرناس المهاجر
يامرحبا تراحيب المطر .. حي الله بن محجن
انورت الخيمه .. لاهنت على السالفه الطيبة
القصه معروفه .. وصاحبها معروف من ربعنا
ومعروفك لازال عندنا ثابت والله يعيننا على رد الجميل
وهذي عوايد الرجال الطيبين ..ولاهي غريبه عليكم
وسبحان الله يومك تجملت .. يسر الله لك امرك وعاد لك طيرك
استمتعنا بالسالفة .. شكراً ولاهنت
.
هلا وغلا بـــــــ المعزب
ونور الخيمه من راعيها ولا هنوا الربع
ومافـي أي شــــــك بك وبربـعــك .
وعلى ماسمعت أن للوكريه مكتوب بها قصيده
ان كان تعرفها فأرجوا منك تمتعنا بها
ودعواتي لك بالتوفيق
وبلغ تحياتي..

ــــــــــــــــــــــــــــــــــــــــــــــــــ ــــــــــــــــــــ

ذراع الذيـب
كمال وجمال وانشهد انكم منبع الطيب وساسه انت واخوانك وعيال عمك وكل من خواكم,,
هذي هي عوايدكم عسا ربي يرزقكم بالطيور النادره ويجعلكم كل سنه تظفرون بالزين وان,,
شالله هالسنه اجيك وابارك لك على الطير الطيب اللي تبي تطرحه بأذن الله,,
وسلامي لكم جميعا,,
.
هــــــــــــــــــــــــــــــلا ويــــــــــــــــــــــــا مرحـــــــــــــــــــــــبا
يابو حـــرب
ويشهد الله يسعدني ردك
وبيض الله وجهك ويجعلك دوم سالم
وان شاء الله تمهد النادر ويجعلها عاده كل سنه
وســــــــــــلامـــــــك وصـــــــل
وتحياتي الغاليه
.
.
.
ودمتم ســــــــــــــــالمين

بن محجن
19/6/1432هـ

[القرناس المهاجر]

أمسي هالوجية الطيبة بَ الخير يَ مال الخير


أنا والله من يوم إني صغير وأنا ودي بطير لآكن ماحصل لاخبرة ولا شيء والحمدلله على كل حال

أبغاكم تنصحوني من وين ابدأ والله قريت كل شيء وتعلمتة عن الصقور بالنت لاكن للاسف بارض الواقع ماحصل لي والسبب اني مالقيت احدن اعرفه صقار يعني اللي يقربون لي ما اشوف صقارة

وماودي أشتري لي طير قيمتة عالية وانا للحين ماتمكنت منه بقوه

سؤالين يَ النشاما فيه طير بحدود ألف وتحت ؟؟
والسؤال الثاني الطير كم يستهلك من لحم يعني كل يوم حمامه ولا دجاجه ولا نص أتمنى تفيدوني؟؟

وجزيتم كل خير

يالله انك تحييه

بنظري انك بحاجه للمارسة اكثر من القراءه
لأن تعلم المقناص مثل الرياضيات لابد من التطبيق على الواقع
اتذكر صديق الله يوفقه ..
اهديت عليه طير فقال للولد حقه روح ونا ابوك
جيب قفص البلابل اللي ماتت وهات شوية حب هههههههههههه

قلت يابو فلان الظاهر اني هونت ههههههه
_____________________
.
والطير نقلته ماتجي الا بعد التعلم والممارسه ثم بعدها تنقل الطير
ونصيحتي لك حاول تتعرف على اصحاب الهواة ممن هم بمنطقتك حتى تكتسب منهم الخبرة .. وهي بسيطه طالما انك مهتم بها

بالنسبة للإستهلاك بسيط الطير له وجبتين فطور وعشاء
ممكن حمامه تقسمها للوجبتين وممكن سمانه بالصباح والاخرى بالليل
تحياتي لك ويامرحبا بك بيننا

[القرناس المهاجر]

القرناس المهاجر
يامرحبا تراحيب المطر .. حي الله بن محجن
انورت الخيمه .. لاهنت على السالفه الطيبة
القصه معروفه .. وصاحبها معروف من ربعنا
ومعروفك لازال عندنا ثابت والله يعيننا على رد الجميل
وهذي عوايد الرجال الطيبين ..ولاهي غريبه عليكم
وسبحان الله يومك تجملت .. يسر الله لك امرك وعاد لك طيرك
استمتعنا بالسالفة .. شكراً ولاهنت
.
هلا وغلا بـــــــ المعزب
ونور الخيمه من راعيها ولا هنوا الربع
ومافـي أي شــــــك بك وبربـعــك .
وعلى ماسمعت أن للوكريه مكتوب بها قصيده
ان كان تعرفها فأرجوا منك تمتعنا بها
ودعواتي لك بالتوفيق
وبلغ تحياتي..

بن محجن

19/6/1432هـ

ارحب يالغالي سلمت وبارك الله فيك
وسلامك وصل ويسلم عليك صاحب الوكرية
ويدعي لك بظهر الغيب كلما جات سالفتك وعلومك الطيبة

بالنسبة للقصيده سبق نشرها في حينه بهذه الخيمة
وهذي هي على هذا الرابط

تلبية لطلبك اضغط هنا

[سوآد الليل]

يالله انك تحييه

بنظري انك بحاجه للمارسة اكثر من القراءه
لأن تعلم المقناص مثل الرياضيات لابد من التطبيق على الواقع
اتذكر صديق الله يوفقه ..
اهديت عليه طير فقال للولد حقه روح ونا ابوك
جيب قفص البلابل اللي ماتت وهات شوية حب هههههههههههه

قلت يابو فلان الظاهر اني هونت ههههههه
_____________________
.
والطير نقلته ماتجي الا بعد التعلم والممارسه ثم بعدها تنقل الطير
ونصيحتي لك حاول تتعرف على اصحاب الهواة ممن هم بمنطقتك حتى تكتسب منهم الخبرة .. وهي بسيطه طالما انك مهتم بها

بالنسبة للإستهلاك بسيط الطير له وجبتين فطور وعشاء
ممكن حمامه تقسمها للوجبتين وممكن سمانه بالصباح والاخرى بالليل
تحياتي لك ويامرحبا بك بيننا [/CENTER]

ههههههههههههه عسى بس مآلزم على الحب

والله لآ يهيينك يَ بعدي على الإفادة جزاك الله خير

[ذراع الذيب]

السلام عليكم ورحمة الله وبركاته,,
مسيت بالخير يالمهاجر,,

ماشالله تبارك الله قصيده وافيه من شاعر وافي ابي اسألك يالمهاجر العمر يسمح,,
للمشاركه بشاعر المليون والله انك لاتحط بصمتك بمسرح شاطي الراحه بالقصيد هناك,,
والقصيده في مجال الشعر الشعبي نوعين قصيده موزونه ومقفاه ولانضلمها نقول فيها من الشعر شي ...

لاكن لاقريتها وجيت بنص القصيده,,
واكتشفت انها طويله تقول ياطولها طولاه حتى ولوكانت قصيره نفس الشعور يجيك وانت تقراها,,

وفيه نوع من القصايد لاجيت تقراها تاخذك معاها تبحربك في جوها ....

وكنها اسحرتك تمشي بين العروق,,
الين تصل القلب وتخلي بعض الاحيان شعر راسك يقف ايه والله اقوله وانا صادق ولاانتهيت,,
من قرايتها تقول في نفسك ياليته طول وبعدين تكتشف انها فوق عشرين بيت هههه سبحان الله,,
ماتدري انك قريت هالكلام مره وهالشعور دايم يجيني لاقريت قصيدك والله اني مااجامل ابد,,
وموفق خير وبأنتظار قصيدك الرائع وتستاهل كل خير يابن محجن,,

[سلطان 1]

ذراع الذيب يالله حيه الربع اشوف مالهم حس ولا مشااركااااات بالسوالف نبيهم
يتحفونا بالسوالف الطيبه 0
يالقرناااااس المهااجر عطنا من سوالفك الطيبه 0

[ذراع الذيب]

ذراع الذيب يالله حيه الربع اشوف مالهم حس ولا مشااركااااات بالسوالف نبيهم

يتحفونا بالسوالف الطيبه 0

يالقرناااااس المهااجر عطنا من سوالفك الطيبه 0

البقاء والعمر والطويل يابوفيحان....
والله هالخيمه زانتك بوجودك ايه والله الظاهر ابي اسوي لكل واحد دعوه بهالخيمه
وكلن يجيب لنا سالفه ويالمهاجر عليك طلب قوي هالايام

[سوآد الليل]

أبي لي طير وليتي مآبغيتة!

هذا سلمكم الله الوالد عقب ماتمصلحت معه ورحت لمه واسولف له عن الصقور ووش كثر يآخذن العقل ( بيوصل له إنه ودهـ بصقر )

وإسترسل الوالد وقال لي هالسالفة وقلت بقولها لكم

وبداها أبوي بِـ : مرهـ رايح أبي لي طير وليتي مابغيتة!

نخش ب السالفة يقول مرهـ قبل 20 - 25 سنه عمرهـ 70 الله يطول بعمرهـ ويحفظه

يقول رحت لجبال وشفت فيها طير يقول وياخذ عقلي ذاك الطير وصرت كل يوم اروح هناك ابي اصيدة ولا يحصل

ويقول عقب ماحاولت به حول ( 8 ايام ) وانا مسنتر له ولا يحصل يقول رحت له من بعد الفجر وماصدته الا الظهر

يقول واستانس وافل الحجاج وارجع للديرهـ يقول مبسوط ومستانس أقوى شيء وطآير ب الطريق من الوناسة يقول مادريت الا اللي دخل بصدام الموتر يقول وانا اضرب فرمل الا الطير اللي معي لزق ب المسجل خخخخخخ يقول وامسكه وامسح عليه الحمدلله ماجاهـ شيء يقول تطمنت عليه ونزلت بشوف وش هاللي صدمته يوم نزلت واشوفه الا اللي انا صادمه

تتوقعون وشو ؟؟

يقول طير حر ياخذ العقل متنتف على الصدام ويجلس يقاطع واقوم واشيلة بيدي وامسح عليه واجلس اناضر له لييين الله خذا روحه وهو بحضني وجلست اتحسر عليه

وسمى طيرهـ هذاك : صدآم يقول لاني كنت باخذهـ وصدمت هذاك ,وصدام مات قبل 10 سنين الظاهر

واسفين كان طولت على شرواكم الطيبة

[القرناس المهاجر]

السلام عليكم ورحمة الله وبركاته,,

مسيت بالخير يالمهاجر,,

ماشالله تبارك الله قصيده وافيه من شاعر وافي ابي اسألك يالمهاجر العمر يسمح,,
للمشاركه بشاعر المليون والله انك لاتحط بصمتك بمسرح شاطي الراحه بالقصيد هناك,,
والقصيده في مجال الشعر الشعبي نوعين قصيده موزونه ومقفاه ولانضلمها نقول فيها من الشعر شي ...

لاكن لاقريتها وجيت بنص القصيده,,
واكتشفت انها طويله تقول ياطولها طولاه حتى ولوكانت قصيره نفس الشعور يجيك وانت تقراها,,

وفيه نوع من القصايد لاجيت تقراها تاخذك معاها تبحربك في جوها ....

وكنها اسحرتك تمشي بين العروق,,
الين تصل القلب وتخلي بعض الاحيان شعر راسك يقف ايه والله اقوله وانا صادق ولاانتهيت,,
من قرايتها تقول في نفسك ياليته طول وبعدين تكتشف انها فوق عشرين بيت هههه سبحان الله,,
ماتدري انك قريت هالكلام مره وهالشعور دايم يجيني لاقريت قصيدك والله اني مااجامل ابد,,

وموفق خير وبأنتظار قصيدك الرائع وتستاهل كل خير يابن محجن,,

ارحب ياذراع الذيب .. وحياك لله يالغالي
اما شاعر المليون فلالي فيه ..

الا ليت الشباب يعود يوماً
.................................................. ....................... فأخبره بما فعل المشيبُ

ولا لنا في التنافس حض ونصيب .. ونحمد الله على كل حال
وانا اشكرك على إعجابك .. وتشجيعك
ادري ان قصائدي تأتي على مافي قلبك فتحركه
ومثلك ماينلام .. أسأل الله لنا ولك التوفيق
وشكراً على الإطراء

[بن محجن]

القرناس المهاجر

الطـــير لآهــديته احــــذر تخـــليه
.................................................. ........ عن ســاقته خـــلك وكــثف ثبـــاتك

ولاتتركه بالأرض والشمس تكويه
.................................................. ........ وتبعــــد ولاتكــثر عــليه التفــــاتك

تراه يكفـخ لآبــدى الكون يدعـــيه
.................................................. ........ ويقــــول ياهـذا الفضـا ياحـــــلآتك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

كفو والله يالذيب عشت وصح لســـــانك
قصيده بالصميم
وجعل من جابك بالجنه

وتحياتي الغاليه للكل..

بن محجن
20/6/1432هـ

[@السيف@]

الشكر ثم الشكر لكل من اتحفنا ولكن فيه كم عضو عندهم قنابل عنقوديه تحتوي علي سواليف كل ما تعيد قرايتها تحس انه جديده ونا ما اقصدك ياذراع الذيب انت والقرناس المهاجر وعلي قول المثل اللي علي راسه بطحه يحسس عليها لكن الله الله فينا لا تبخلون عطونا وارفعوا عنا حرارة الصيف والغربه

[ذراع الذيب]

الشكر ثم الشكر لكل من اتحفنا ولكن فيه كم عضو عندهم قنابل عنقوديه تحتوي علي سواليف كل ما تعيد قرايتها تحس انه جديده ونا ما اقصدك ياذراع الذيب انت والقرناس المهاجر وعلي قول المثل اللي علي راسه بطحه يحسس عليها لكن الله الله فينا لا تبخلون عطونا وارفعوا عنا حرارة الصيف والغربه

هههههههههههههههه
والله انت يابوسيف عندك سالفه عباره عن قنبله ثري كوارتر
نوويه وذريه وهيدروجينيه مهجنه ههههههههه يبليها موضوع مستقل

[القرناس المهاجر]

مره رحنا نسوي استكشاف لهدة الجبليات وكنا شباب مفعمين بالحماس والحيوية ..
كانت وجهتناعلى المملحة ..الله يسقيها من ديره
عاد نبي نشوف هو به طيور هدت ونبي نشوف البكاك جات بالشواري البحرية
اللي بذيك الديرة .. لانها تشكل عملية جذب للطيور .. وكان حرس الحدود
في تلك الفترة يستنكرون اي حركه على الشاطئ لقلة المشاة ..
ونا وخويي صغار ماعندنا اثباتات ولارخصة قياده ههههه
عاد تشوف ايدينا على قلوبنا خايفين يمسكونا
المهم يوم توسطنا الصبخه ونشوف ذاك الشاص مشبك ..
قلنا هذا جيب الدورية .. والله بلشنا ندور للمخرج نبي ننحاش
إلا والشاص يبرم محله ..شوي إلا وفيه واحد
نزل من الموتر ويجري ويمسك حاجه من الأرض ..

أهااا تأكدنا منه .. وعرفنا انه قناص وطرح له طير ..
واحنا من الفرحه نتوجه له بسرعه
عاد يوم وصلنا والا هو قناص معروف الله يرحمه
من سكان بحره ومعه اولاده ومعهم بالموتر اربعه وكارى
كلها ندر ممهدة توها مطروحه .. تقول مثاليث حرار

شوي إلا ونسمع صوت الموتر اللي مهو طبيعي
نلتفت يمه إلا وهو جيب شراع من خوياهم يطرد وكري
ضاف حمامه والله العظيم كنه عقاب
المهم طرحوه .. ورحنا يمه وباركنا له
والا ومعهم ثلاثه توهم ممهدينها ..
اصبح المجموع سبعه وكارى في ساعه واحده وموقع واحد
وكلها طيور الجزيرة اصايل من جبال الحجاز

ولو معنا زريق وشباك كان دورنا وطرحنا
لكن هدفنا اللي نبحث له وجدناه وعرفنا ان الطيور هدت

عاد رجعنا ذاك اليوم مبسوطين ومقيالنا شغل وتجهيز ..
نسوي الشباك ونولم الزريق .. وبدينا المقناص وطرحنا ذيك السنة كل خير ..
من فروخ جبليات ووكارى .. ومن كثر مانطرح سرنا نسوي
تصفية وعتق هههه كل خميس نطلع للشاطئ ونطلق اللي مايناسب معنا
لأن الطيور متوفره والسوق مابه سوق ..
والقنوص قلة ومعروفين ... اييييه الله يسقيها من ايام
تقبلوا تحياتي ,,

[alrshedi]

مره رحنا نسوي استكشاف لهدة الجبليات وكنا شباب مفعمين بالحماس والحيوية ..
كانت وجهتناعلى المملحة ..الله يسقيها من ديره
عاد نبي نشوف هو به طيور هدت ونبي نشوف البكاك جات بالشواري البحرية
اللي بذيك الديرة .. لانها تشكل عملية جذب للطيور .. وكان حرس الحدود
في تلك الفترة يستنكرون اي حركه على الشاطئ لقلة المشاة ..
ونا وخويي صغار ماعندنا اثباتات ولارخصة قياده ههههه
عاد تشوف ايدينا على قلوبنا خايفين يمسكونا
المهم يوم توسطنا الصبخه ونشوف ذاك الشاص مشبك ..
قلنا هذا جيب الدورية .. والله بلشنا ندور للمخرج نبي ننحاش
إلا والشاص يبرم محله ..شوي إلا وفيه واحد
نزل من الموتر ويجري ويمسك حاجه من الأرض ..

أهااا تأكدنا منه .. وعرفنا انه قناص وطرح له طير ..
واحنا من الفرحه نتوجه له بسرعه
عاد يوم وصلنا والا هو قناص معروف الله يرحمه
من سكان بحره ومعه اولاده ومعهم بالموتر اربعه وكارى
كلها ندر ممهدة توها مطروحه .. تقول مثاليث حرار

شوي إلا ونسمع صوت الموتر اللي مهو طبيعي
نلتفت يمه إلا وهو جيب شراع من خوياهم يطرد وكري
ضاف حمامه والله العظيم كنه عقاب
المهم طرحوه .. ورحنا يمه وباركنا له
والا ومعهم ثلاثه توهم ممهدينها ..
اصبح المجموع سبعه وكارى في ساعه واحده وموقع واحد
وكلها طيور الجزيرة اصايل من جبال الحجاز

ولو معنا زريق وشباك كان دورنا وطرحنا
لكن هدفنا اللي نبحث له وجدناه وعرفنا ان الطيور هدت

عاد رجعنا ذاك اليوم مبسوطين ومقيالنا شغل وتجهيز ..
نسوي الشباك ونولم الزريق .. وبدينا المقناص وطرحنا ذيك السنة كل خير ..
من فروخ جبليات ووكارى .. ومن كثر مانطرح سرنا نسوي
تصفية وعتق هههه كل خميس نطلع للشاطئ ونطلق اللي مايناسب معنا
لأن الطيور متوفره والسوق مابه سوق ..
والقنوص قلة ومعروفين ... اييييه الله يسقيها من ايام
تقبلوا تحياتي ,,

والله ياخوي الغالي اني قريت السالفه اكثر من مره واحسن انك تقول
ليت الشباب يعود يوما ( حق الشياب هل مثل ) هههههه
تسلم والله يمناك علي هل سالفه الي تذكرك فالماضي والواضاع
والطرح الي متوفره بكثر لقلت الناس والمعاند

[سلطان 1]

يالقرناااااس المهااااجر والله انك اسم على مسمى اثرك قد لعبت في مواااكر الطيور واخذت حقكك منها مير اقول جعل هااااك الايااام تعود وانت ومن يقراا بأتم صحه وعااافيه 0

ملاحضه \ ما علقت على قعودي قصدي \ كراااون السعد \ في سالفتي المااضيه 0