المشاركة الأصلية كتبت بواسطة أبو أمين
مرحبا يالربع تصدقون ودي اكتبلكم سالفه لكن عجزان وما ادري وش اختار لكم
لكن اخذوا السالفه هذي
في يوم من الأيام كنت انا وواحد يعرف نفسه ههههههههه (سلطان1)
ندوج وقت الكراوين وندور وكلنا على موتر واحد هو يسوق وانا الرديف
المهم ومتشفقين على جرته لكن جره الكروان محقا تلعب فيك وتحوس راسك وتتعومس وتخليه
لكن معي واحد الله لا يبلانا هوايته جمع الطوابع والدوجه على الكروان هههههههههههه
طبعا قبل ما يجي الجهاز الصوايه قليل الي يقنص الكروان بحكم انه متعب ويبغاله قناص صح فلذلك
تربيت انا مع العود (سلطان1) على الدوجه على الكروان وعدم الملل منه حتى بعد ما جاء الجهاز لسى ندور
فالمناطق الي ما جاها الصوت حق الجهاز يعني بالعربي اذا في كروان فالديره بيطلع وابليس ملعون ههههههههههههههه
وفي هذا والله فائده عظيمه والصبر مفتاح اربع طعش ههههههههههه .
نرجع لسالفتنا طبعا الحبارى من يوم تعين جرتها تعينها لكن الكروان !!!! معصي هههههههه لانه ما يمشي سيده يقعد
يلف ويدور ويطير ويلعب فالارض لعب يعني الغشيم لو يشوف جره كروان في شعيب يحسبه جول لكنه واحد .
المهم وحنا ندوج قلت له: ابشر بجرته .... قال: بعدي ..... الا والله جرته جديده
المهم مالكم فالطويله الكروان هذا غير الكراوين الباقيه مسنا حول 7 كيلو مروح ولا عليه من احد واحيانا يجي في
ارض عزاز ما تعطي قصص فلازم واحد منا يحول ينقل جرته واكثر واحد نزل انا ههههههههههههههه لانني شباب
اللهم عيناه فالاخير طاب شبك وطلع الماخوذ مستوطن وعارف الديره لكن ابشركم رجعنا بيوتنا مكسرين ومتعومسين
وريحنا اليوم الي بعده من السواه الي سواها فينا واليوم الي بعده جبنا اجله ههههههههههههههههههه .
عيناه وهدينا عليه وعرفنا انه مستوطن من عده نقاط :-
1- كراعينه زرق ما هيب صفر
2- ضعيف ورايح فيها من الجوع بحكم الربيع الي عندنا هههههههههههه .
3- مع السلامه .
رد مع اقتباس
وعرفنا انه قناص وطرح له طير ..
,,