خيمة مكشات .. واستراحة صقار

[القرناس المهاجر]

السلام عليكم ورحمة الله وبركاته,,

مسيتم بالخير جميع,,

ابنشدكم عن هالحر اللي كل ماشفته تشوش راسي ويعذرني صاحب الصوره الي حاطها توقيع,,
واتوقع ماطرح ازين منه وياليت احد يعرف اخباره يجينا بها,,
والله يكرمنا بأخوه هالسنه ويكرم جميع الطواريح,,

صباح الخير يابو ناصر .. اشغلك المزيون هههه
هذي النوعيه ماتفوت ابو طلال .. وعنده العلم الوكاد عنها
واذكر اني شفت اخوه بالمملحه شوف العين
إذا تنحرته عظم واذا تقفيته ذهب على ماس
فارسي اصيل .. لكن ماطاح
مايهد على الزريق المشبك لامثقل ولاطلق ولانقل
هد على الطلق مرتين لكن لاقربها تقول ظربته على وجهه
اخذ سمانه على ذراعه .. وخدجوه الرجاجيل حول تسعه ضحى
وكفخ عليهم وحام وهي حومته اللي ماشفناه بعدها
الله يعيدها من سنين ويجيب لنا ولكم الغايب الغالي

[ذراع الذيب]

والله يابو ناصر لو هالطير قنيته لو مايطير لو اهده رجليه هههههه

حرام اني ما ابيعه ويستر الله اني ماانقل الطير عقبه

وبعدين لو هو يطرح بهالوقت كان بيع بقيمة خياليه ..

هلابك ياحامد,,

ومرحبابك يالغالي يالله حيه.... ناقصنا انا وياك براد شاهي هههه,,
يازين سواليفك والله كثر ماطالعت فيه مامليت وين راحت هالنوعيه عزالله راحت,,
من عهد جداني ايه والله لاكن عسا الله يرزقنا وياكم بأخوه وبالنادر اللي مبطي,,
ماشيف غيره تحياتي لك,,

[ذراع الذيب]

حي الله مشرفنا ابو ناصر

ماشاء الله قد قريت واطلعت قدامنا هههه
الله لايطيحنا مطاحه

شكراَ على الإضافة والتعليق

هلا بمشرفنا القدير وشاعرنا وشاعر المقناص ابوعبدالله....
مع هالوقت الظاهر نبي ندورها بالرشا ههههههه..الاولين الله يهديهم هم محتاجين
يرحون لماكرها لو اني مكانهم امسكها بيدي بالخلا هههه

[ذراع الذيب]

صباح الخير يابو ناصر .. اشغلك المزيون هههه

هذي النوعيه ماتفوت ابو طلال .. وعنده العلم الوكاد عنها
واذكر اني شفت اخوه بالمملحه شوف العين
إذا تنحرته عظم واذا تقفيته ذهب على ماس
فارسي اصيل .. لكن ماطاح
مايهد على الزريق المشبك لامثقل ولاطلق ولانقل
هد على الطلق مرتين لكن لاقربها تقول ظربته على وجهه
اخذ سمانه على ذراعه .. وخدجوه الرجاجيل حول تسعه ضحى
وكفخ عليهم وحام وهي حومته اللي ماشفناه بعدها

الله يعيدها من سنين ويجيب لنا ولكم الغايب الغالي

صباخ الخير والطير ههههه يازين هالكلمتين في الكنود تحمسك
اشغلني يالمهاجر من كم سنه ماهو من الحين الله يكرمنا وياك بأخوه قول امين...
وابو طلال وينه عزالله ابي ارسله رساله على الخاص ابيه يشوفه..
.
.
وسبحان الله على هالقرناس قرناس المملحه من كلامك ان عقله عقل رجال...
سبحان الله الحرار فيها فهم عجيب لاطاح المره الاولى المره الثانيه صعب انه,,
يطيح الابأراده الله وانت ماشالله شفته بالطبيعه وحنا مغير بهالصور,,
والله يعينك على حفار والمملحه اللي لك فيها قصص وحكايات..
هذا البيتين قريتها من وقت والله انها ظاهرها من قلب..
واعذرني على كتابتها

وكل الســواحل مابها عاد مخــروج=من بعــد مالحـــفّار غــربل ثـراها

عنـها رحـلنا غصب والـود منسـوج=نرحــل ولكـن مانـبـــدل غــــــلآها

من كــم ســنه وارقــابنا يمها عــوج=ماغــير حــدتنا الشـــبوك وقـــناها

ومن كم سنة مقناصنا حزم وافجـوج =واهدافـــنا قـمنا نبــاعـد خــــطاها

[بوعلى ال شقاق]

ذراع الذيب يالغالي
دام انك سهران وش رايك تقول لنا ويش افضل شي تقدمه لطيرك من الطريده وقت الهدد (احب شي في نفس الصقر)
ولو تشرح بالتفصيل الدقيق والممل والمدعم بالصور تكون ماقصرت ابد (كالمعتاد)
والسموحه لوكنت ثقلت عليك
اخوك بوعلى

[بوعلى ال شقاق]

IIIIIIIIIIIIII

[ذراع الذيب]

ذراع الذيب يالغالي

دام انك سهران وش رايك تقول لنا ويش افضل شي تقدمه لطيرك من الطريده وقت الهدد (احب شي في نفس الصقر)
ولو تشرح بالتفصيل الدقيق والممل والمدعم بالصور تكون ماقصرت ابد (كالمعتاد)
والسموحه لوكنت ثقلت عليك

اخوك بوعلى

هلابك يابوعلي,,

ومرحبابك يالغالي يالله حيه..... السهر بلوه وانا بشوف القرانيس مبتلي هههههه,,
طيري المفضل طراد وكري وهو صقر الطاروح الاول والطاروح في مقناص..
الوحش ماهوب فاضي لا لكروان ولاهدد مشغول من بزوغ الفجر الى مغيب الشمس,,
وبعض الطاوريح مايطلقون طراداتهم الا مرتين او ثلاث مرات اواربع مرات بالاسبوع...
قيدها مكروفه من شهر وشهر ونص هههه..
طراداي نادراً جدا اهده على حمام واكثر شي اهده على نقل لابد ارغبه على النقل علشان..
لابلجت عنه وقت المعركه الا وهي محاول الوحش يدور على الطير اللي به علف...
حتى لو جات قدامه حمامه مايرغبها مهمتة وهو عارفها هههههه...
.
.
.
اغلب الاحيان اهده على جواريح السما الشرسه..

.
.
.
وان حصل كروان مافيه مشكله..
اخليه يتعشاه ونادرا ادوره لان الوحش همي الاول..

.
.
.
وباقي انت وهات علومك.

[بوعلى ال شقاق]

هههههههههههه الله يعينك ويقويك على المقناص ويعطيك العافية وطولت العمر وتزيدنا من علومك الطيبه
وكان طلبى يالذيب وش تطعم صقرك يوم انه صاد (الكبد او القلب او..... الخ) وش احب شي في نفس الصقر ويحب ان يلتهمها وقت الهدد
ولو تفصل بالتفصيل كيف يتم تزكيه الصيده وقطع الاجزاء وتقديمها للطير يكون زودت العطاء


ياسلام على هذه الصورة



اخوك ومحبك
بوعلى

[حامد الحنيني]

مسيتم بالخير جميعا
يابو ناصر الطير اللي بالصوره ماهوب ردام طيرك من هالسنين ههههههههه
(من هالسنين تذكرني بعلوم الشيبان )
وينه هالحين ماشوف له علوم بمواضيعك
والتوقيع طيرن غير طيرك الاول
وعطنا علوم هالطير التالي وعساه ينزل النادر من مرابيع النجوم ههههه
لو يكون به صور عشان نوكن بقلب الحدث علا مايقولن .

[ذراع الذيب]

هههههههههههه الله يعينك ويقويك على المقناص ويعطيك العافية وطولت العمر وتزيدنا من علومك الطيبه
وكان طلبى يالذيب وش تطعم صقرك يوم انه صاد (الكبد او القلب او..... الخ) وش احب شي في نفس الصقر ويحب ان يلتهمها وقت الهدد
ولو تفصل بالتفصيل كيف يتم تزكيه الصيده وقطع الاجزاء وتقديمها للطير يكون زودت العطاء


ياسلام على هذه الصورة



اخوك ومحبك
بوعلى

هههههههه مااستوعبت السؤال كله من القرناس اللي سهرنا هههههه,,
ومشكور على اعجابك بالصوره...
وفيه موضوع رهيب وعجبني لمعزبنا ابورداد..
من هنا

[ذراع الذيب]

مسيتم بالخير جميعا

يابو ناصر الطير اللي بالصوره ماهوب ردام طيرك من هالسنين ههههههههه
(من هالسنين تذكرني بعلوم الشيبان )
وينه هالحين ماشوف له علوم بمواضيعك
والتوقيع طيرن غير طيرك الاول
وعطنا علوم هالطير التالي وعساه ينزل النادر من مرابيع النجوم ههههه

لو يكون به صور عشان نوكن بقلب الحدث علا مايقولن .

هلااااااا والله وغلاااااااا,,

ومرحبابك يالحنيني يالله حيه..... واسعد الله صباحك يالنشمي..
الله الله هو ردام وكل سنه يحلو وهو اللي بالتوقيع ومشكور على اعجابك بطرادي,,
وابشرك له فضل بطرح النادر هالسنه بعد معركه حامية الوطيس مع اكثر من سبع طرادات..
وان شالله انتظر العلوم الدسمه بالموضوع الجاي...

[صقار أبوظبي]

السلام عليكم ورحمة الله وبركاته
سالفة صارت ألنا في باكستان
طلعنا في الصباح الباكركالعادة لممارسة الصيد وعندنا شواهين وأحراروكان عند واحد من الربع شاهين وحش وقلنا حق ربيعنا : أبشرأول صيدة حبارة بنطلعها علومة حق طيرك تعلمة المساء ،ورحنا نقنص وفعلاً نفس ماوعدنا صاحبنا فكانت أول حبارة صدناها من نصيب صاحبنا !وأستمرينا في القنص وصدنا كمية من الحبارى وخذنا استراحة الظهيرة وأستمتعنا في أعداد الغدا وتغدينا مجبوس حباري وسط أجواء من السوالف والمقالب والضحك مع الربع ،وبعدها رحنا نقنص لين وقت العصر وجاء وقت عشاء الطيور ،ووقفنا صاحبنا وقال:أنا أول شيء أعلم طيري ومن بعدها أدعوا طيوركم !جبنا الحبارى وجهزنا شاهين صاحبنا ،فكينا الحبارى وطارت ولحقها الشاهين وحلت الحبارى في الارض ودوًر الشاهين عنها وحل فوق التل ،لأنه يباها طيار،وفي نفس الوقت كان شاهين قانص في السيارة ومرخين عليه برقعه وفاجين سبوقه وكان يدوًرعشاء ومن كثر اللأصوات خفق وطلع من السيارة ،والسنيدي التبيع يصرخ علينا أن الشاهين طلع من السيارة في الوقت ألي كنًا مشغولين مع الشاهين الوحش ألي فوق التل ،وتم الشاهين يحوم فوقنا ببرقعه مرخي عليه ،وظلينا نراقب الشاهين لي ماأختفا وحل ورا الأرطاه ،في هذا الوقت الشاهين الوحش طار من التل ولا لاحظناه ولاأحد أنتبه له،لأن شغلنا الشاهين نبحث عنه لين مأختفى ومالقينا ألا برقعة مرمي ورا الأرطاه ، في هذا الوقت تدرون شوألي حصل؟؟!الشاهين القانص حل مكان الشاهين الوحش ،ولاأحد لاحظ في هذا الوقت ،ورجعنا وطيرنا الحبارة لشاهين وصادها،وفرح صاحبنا والكل يباركلة ويقولولة :تستاهل الناموس ،ولاتعشيه زيادة لأنك بتهده بكرةالمساء.ورد علينا وهوه في قمة السعادة :أنشالله.والمهم ألحين تحركنا وشغلنا الجهاز ندور الشاهين ،ونزلنا من السيارة نلف يمين يسار لاكن الصوت يقوى عدال السيارة وزادت الحيرة !وتعبنا وكملنا ساعة على هاي الحالة ،قال واحد من الربع:يمكن ريشة الطير طايحه في السيارة ،ورديت عليه :أنا متأكد أن الريشه في الطير.وأخيراً قربنا صوت الجهاز في السيارة،شكينا في الشاهين ألٍي في السيارة وظهر الشاهين القانص موجود معانا في السيارة والشاهين الوحش هو ألي مختفي،وكملنا ساعه نضحك على بعضنا وعلى السالفة الغريبة ألي ماتوقعناها وعلى المجهود ألي بذلناه على الفاضي ،ورجعنا من جديد نبحث على شاهين الوحش لربيعنا!!!! ولقيناه في وقت متأخر من الليل بعد ما بذلنا مجهود كبير، وأسميها سااااالفة ماتنسًى .......!

[القرناس المهاجر]

مساء الخير ياصقار ابو ظبي .. يالله تحييه
مع الربكه تحصل مثل هذه السوالف هههههه
والظاهر انهم تفارسوا وراكم والوحش انحاش
لكن ماكملت القصه .. لقيتوه والا راح .. خروج بلا عوده
تشرفنا بإطلالتك

[ذراع الذيب]

السلام عليكم ورحمة الله وبركاته

سالفة صارت ألنا في باكستان

طلعنا في الصباح الباكركالعادة لممارسة الصيد وعندنا شواهين وأحراروكان عند واحد من الربع شاهين وحش وقلنا حق ربيعنا : أبشرأول صيدة حبارة بنطلعها علومة حق طيرك تعلمة المساء ،ورحنا نقنص وفعلاً نفس ماوعدنا صاحبنا فكانت أول حبارة صدناها من نصيب صاحبنا !وأستمرينا في القنص وصدنا كمية من الحبارى وخذنا استراحة الظهيرة وأستمتعنا في أعداد الغدا وتغدينا مجبوس حباري وسط أجواء من السوالف والمقالب والضحك مع الربع ،وبعدها رحنا نقنص لين وقت العصر وجاء وقت عشاء الطيور ،ووقفنا صاحبنا وقال:أنا أول شيء أعلم طيري ومن بعدها أدعوا طيوركم !جبنا الحبارى وجهزنا شاهين صاحبنا ،فكينا الحبارى وطارت ولحقها الشاهين وحلت الحبارى في الارض ودوًر الشاهين عنها وحل فوق التل ،لأنه يباها طيار،وفي نفس الوقت كان شاهين قانص في السيارة ومرخين عليه برقعه وفاجين سبوقه وكان يدوًرعشاء ومن كثر اللأصوات خفق وطلع من السيارة ،والسنيدي التبيع يصرخ علينا أن الشاهين طلع من السيارة في الوقت ألي كنًا مشغولين مع الشاهين الوحش ألي فوق التل ،وتم الشاهين يحوم فوقنا ببرقعه مرخي عليه ،وظلينا نراقب الشاهين لي ماأختفا وحل ورا الأرطاه ،في هذا الوقت الشاهين الوحش طار من التل ولا لاحظناه ولاأحد أنتبه له،لأن شغلنا الشاهين نبحث عنه لين مأختفى ومالقينا ألا برقعة مرمي ورا الأرطاه ، في هذا الوقت تدرون شوألي حصل؟؟!الشاهين القانص حل مكان الشاهين الوحش ،ولاأحد لاحظ في هذا الوقت ،ورجعنا وطيرنا الحبارة لشاهين وصادها،وفرح صاحبنا والكل يباركلة ويقولولة :تستاهل الناموس ،ولاتعشيه زيادة لأنك بتهده بكرةالمساء.ورد علينا وهوه في قمة السعادة :أنشالله.والمهم ألحين تحركنا وشغلنا الجهاز ندور الشاهين ،ونزلنا من السيارة نلف يمين يسار لاكن الصوت يقوى عدال السيارة وزادت الحيرة !وتعبنا وكملنا ساعة على هاي الحالة ،قال واحد من الربع:يمكن ريشة الطير طايحه في السيارة ،ورديت عليه :أنا متأكد أن الريشه في الطير.وأخيراً قربنا صوت الجهاز في السيارة،شكينا في الشاهين ألٍي في السيارة وظهر الشاهين القانص موجود معانا في السيارة والشاهين الوحش هو ألي مختفي،وكملنا ساعه نضحك على بعضنا وعلى السالفة الغريبة ألي ماتوقعناها وعلى المجهود ألي بذلناه على الفاضي ،ورجعنا من جديد نبحث على شاهين الوحش لربيعنا!!!! ولقيناه في وقت متأخر من الليل بعد ما بذلنا مجهود كبير، وأسميها سااااالفة ماتنسًى .......!

السلام عليكم ورحمة الله وبركاته,,
صبحت بالخير ياصقار ابوظبي,,

ما الومكم ابد والربشه تسوي اكثر من هالسوات وامتعتنا بهالسالفه الطيبه,,
وبأنتظار مواضيعك على احر من الجمر تحياتي لك,,

[عـــــزام]

مساكم الله بالخير
اخوي ذراع الذيب كيف الحال عساك بخير
وش علومك وعلوم الطيور
ومشكور انت واخوي قرناس المهاجر على الموضوع المفيد

موفقين خير