مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يستاهل النشمي ليتكم عندي اقهويكم واحب على خشومكم
يشوقني علــــــم الرجال النشامى
0000000000أهل القلــــــوب الصادقة والنقيّه
اللي لهم في كل ماقف عـــــــلامى
0000000000بالطــيب والناموس والمقـــــدريّه
واللي ليا لــــدّت صروف ولــــزامى
0000000000تشوفهم مثــــل الجبال الرســـيّه
قومٍ ليا الفـــت تثــــنّي الســـلامى
0000000000واليا ادبـــرت تدبر على طـيب نيّه
قومٍ توفي السالفــة والمــــــقامى
0000000000ترعى حـــقوق الهرج من كل غيّه
تضفي على المجلس ورود وخزامى
0000000000سوالفٍ تــروي العــروق الضــميّه
من هرجها تلقى المــكاسيب يامى
0000000000التجــــربة والمـــكرمة والحمــــيّه
ومن هرجها تلـــقى الفوايد دوامى
0000000000ما يـــندم الـــلّي بينــهم له نحــيّه
شبّــــــابة للــضو صبح وغســامى
0000000000ومن جــودها يضرب مثال وسجيّه
الغـــش ما ترضاه وايضا الحــرامى
0000000000نــفوسهم عن كل شــينه غنــــيّه
في قـــربهم يامن طــريد الظوامى
0000000000ويسعد بهم راعي الهجوس الخفيّه
للجــار والعاني سنــاد وحـــزامى
0000000000زبنٍ لمن يشـــكي من الوقت كيّـه
وعند المواقف مثل ضلع (الخطامى)
0000000000وفي حــامي الهيّات ربــعٍ قويّـه
دنياً خـــلت منهم عساها عــدامى
0000000000وشـــورٍ ورد منهم سنــينه مديّــه
يالله يامنـــشي حـــقوق الغمامى
0000000000ومن وبلــها تروي البلاد السنيّــه
تحـفظ بحفـظك يالحفـيظ النشامى
0000000000أهل القــــــلوب الصادقة والنقيّة
الشاعر حسين بن سعيد
السلام عليكم
اليوم اخذت الشباب مشعل وخوانه
في رحلة جربعه
تنويع علف للطيور
الا اني وجدة جرابيع تقل مركبه تيربو ونا ابيهن حيات
المهم رزقنا الله بالمقسوم لكل طير ثنين نعمه
وحصل للشباب تمارين
واقول وين الربع اثريهم مخيمين بعيد عنا طيب دواكم عندي
اشوف ذراع الذيب اقفى مع الروض = مرافق مع القرناس بجيب (ن) لحاله
وقدامهم هزاع بالهرج مايخوض = نعم (ن) بهم الكل ولم دلاله
هلا بعابر الموج يالله حي ..
اقلط يارجال وعوذ من ابليس
صب القهوة ياولد ...
يامرحــــبا باللي تقــدم بمعـــروض
.................................... يبغى مخــوتنا عســى الخـــير فــاله
ماغـــير كل اللي بغــيناه مقروض
.................................... عـــاين ذراع الذيب مشغـــول بــــاله
مساكم الله بالخير حيالله كلن باسمه
سلام ياربعن لهم فالسما حوم=مثل الحرار اللي يشوقّ هددها
أهل النعم وأهل الفهم شطر العوم=وأهل البيوت اللي طوالن عمدها
من طيبهم تفخر بهم باقي القوم=منصى الرفيق اللي يدور سندها
عند الرخى تلقى بهم خير وسلوم=نوماس للي رامها ثم قصدها
وفي حِلهم تلقى أزرق العود مرسوم=فلة حجاج تفرج اللي عقدها
وعند الشدايد مالحق خصمهم لوم=علاج روسن هيلها ماصمدها
تاريخهم يرويه شجعان ورخوم=واللي سمع بالسالفه ماجحدها
ياكود رجلن يخفي الحقد واللوم=وأهل الحسد ماتت بسبة حسدها
وأنا على وقفة هل الطيب ملزوم=ولالي عذر والأوله معتمدها
وجيت أبشارك والمكاسيب مقسوم=وماكل من يبغى المحبه وجدها
عسى محبتنا مع حظوظنا تقوم=ونكسب علاقة من يوفي عددها
نبى نقدم شي يستاهل السوم=وأن كان قصرنا..المعاذير أدها!!
السلام عليكم ورحمة الله وبركاته
ادعوكم اخواني
الى
رائعه من روائع حبيبنا ومشرفنا
القرناس المهاجر
http://www.mekshat.com/vb/showthread.php?t=574665
السلام عليكم ورحمة الله وبركاته
مشكووورين يالذيابه ولاهنتو جميع ولاهان ابونبيل وصح لسانك انت وابوعبدالله
وصح لسان حجاب العاطفي يامرحبا بالجميع
الذين يشاهدون الموضوع الآن: 1 (0 من الأعضاء و 1 زائر)