خيمة مكشات .. واستراحة صقار

[ذراع الذيب]

السلام عليكم ورحمة الله وبركاته,,
مسيتم بالخير جميعا,,

لاهنت يالمهاجر والله يعطيك العافيه ويبارك فيك,,
وبيض الله وجيهكم جميع..

احمد الصالح
سالفه رائعه للشيخ راكان الله يرحمه ويغمد روحه الجنه

عابر الموج
لاهنت على هالسالفه الطيبه امتعتنا وفالك الاجوال

راعي جالود
قصص تاريخيه لشاعرنا ومشرفنا العزيزابوعبدالله لاهنت على نقلها

ابوعقاب
لاهنت ومااقول غير الله يرضى عليك تحياتي لك

حامد الحنيني
اضحك الله سنك والله يعافيك ويبارك فيك يالنشمي

[حامد الحنيني]

مساء الخير
وين الربع فيه خمول بالخيمه وين الناس ترى السواليف واجد شجعونا شوي.

[سلطان 1]

يالقرناس المهااااجر بيض الله وجهك على هالفكره
وتوني اشوف الموضوع والسواااالف اللي تجيب العاافيه الله لا يهينكم يالربع 0
وابشرو انشالله بالسوالف الطيبه 0

[ذراع الذيب]

يالقرناس المهااااجر بيض الله وجهك على هالفكره
وتوني اشوف الموضوع والسواااالف اللي تجيب العاافيه الله لا يهينكم يالربع 0
وابشرو انشالله بالسوالف الطيبه 0

هلابك ياسلطان 1,,

ومرحبابك يالغالي يالله حيه.... هذي ابرك ساعه يوم تشاركنا,,
وبأنتظار علومك الطيبه انت وباقي الاخوه

[سلطان 1]

وينكم يالربع القهوه بردت عجلوا علينا بالسوالف الطيبه 0

[أبو أمين]

يالربع ,,, السلام عليكم ,,, انا ماغير مسير على الطاير باخذلي فنجال وبروح اكمل لي شغل لكن عندكم سلطان1 لا تخلونه ترا سواليفه بالدرازن (جمع درزن : وهو اي شئ عدده ما فوق 11 وما دون 13 ) عليكم به والله من السواليف الي تمسك الاعضاء صح ولا مهونه بالربع ,,, يالله انا انحاش قبل لا يجي.

[ذراع الذيب]

يالربع ,,, السلام عليكم ,,, انا ماغير مسير على الطاير باخذلي فنجال وبروح اكمل لي شغل لكن عندكم سلطان1 لا تخلونه ترا سواليفه بالدرازن (جمع درزن : وهو اي شئ عدده ما فوق 11 وما دون 13 ) عليكم به والله من السواليف الي تمسك الاعضاء صح ولا مهونه بالربع ,,, يالله انا انحاش قبل لا يجي.

ههههه مبين عليه والاالحين ماعطانا شي وين ياسلطان1 عطنا سالفه,,
مرت عليك بالمقناص ظريفه والا حزينه موقف صار جعلك ماتشوف الاحزان,,
وانت يابوامين روح وتعال وعطنا علومك,,

[سلطان 1]

ياذراع الذيب ابشر باللي تبي وانا خوك 0
ابو امين ما تخلي حركاااتك الفايف منتس 0

المهم هذي قصه صارت على قبل سنيااات 0

قبل تجينا اجهزه الكراااوين كنا قاااانصين والربيع اللي يخليك تنسى اهلك وربعك اللي في الديره المهم اول يوم لنا عينا جره كرااوين ديسه تخلي اللي ما يحب الكرواان ينفض القااع نفض لين يعينها المهم من الصبح الى الضحى العود ويطيح عليها واحد من الربع قال ابشرو بالجول يالربع قلنا بعدي المهم هدينا ولا فيه الا هدد بحريااااات عثاااد اصفر العين 0
قمت انا وعزلت واحد قالو الربع وش تبي به قلت ابيه جااسوس قالو على كيفك 0
المهم تغدينا وروحنا على وجهتنا ضبي عليان يرعا وهو مقفي هذا مثل ينقال دايم للي ما تمسكه الارض 0
ويوم جااء مسيااان اللي يدعي طيره واللي يعشي طيره وانا جالس اضبط الريشه في ذنيباااااء ابو الشبااااب الجااسووس 0ويوم صلينا المغرب وافكه قالو انت صاااحي من المغرب بتفكه قلت خلوه كروااني وريشتي خلوه يسري ليله المهم امرحنا ويوم صلينا الفجر وتقهوينا وانباااح الشوف قالو اسرح دور قعودك قلت ازهلوه والله ان قاله الله اني لصيح عليكم بالجول ان شالله 0
والله يالربع من ممساانا انه يضرب الجهااز قريب واروح على صوته الا الشوفه اللي تجيب العاافيه 0
الا الربع يوم صاااحو عندنا ديسه تعال يمنا قلت الا انتم وجهو يمي وعجلو قالو العلم قلت ابشرو بخمسه مع قعودي هههههههههههههههه قالو بعدي جوني وهدد يحبه قلبك 0
المهم يالربع السااالفه طويله لكن ابختصرها لكم صاااااار هالجاااسوس معي لمده عشره اياام والله اني افكه المغرب ويوم نصبح الا معه اقل شي 2 من الكرااوين 0 لين جاااااء هاااك اليوم اللي يوم اصبحنا الا الجهااااز ما يصيح ابد قالو الربع قعودك قطع القيد وروح قلت بيجيبه الله قالو الربع نبي نتفرق كل موتر يروح لجهه ويشغل جهااازه واللي يضرب معه يناادي على خويه قلنا تم 0
انا قلت ابروح غرب ان دق الجهااااز والا عودت شمال ابي المحطه ابي اعبي بزين واصلح البنشر وارجع عليكم مع الاسفلت 0
الربع اللي رااح شمال واللي راح شرق 0
يوم اخذت الا اللي رايحين شمال يوم ناادو بالجهاااز قالو ابشر به الجهاااز دق معنا قلت بشروني ان عينتو معه شي قالو ازهله 0
المهم الربع ابطو علي واناديهم لينهم يالله يسمعوني واقرب منهم لين وضح الصوت الا هم يصيحون ابشر لك بحباااارا قلت كيف قالو يوم اقبلنا على شحن بطااحي كساااراااات والصوت يضرب في وسط هالشحن ويوقفون سيااارتهم وينزلون على رجليهم واحد معه الجهاااز والثااني على يده شاهين بحريه المهم يوم اقبلو على الشحنه اللي الجهاااز يضرب يمها الا كفخت الحبااارا والله يالربع ان الربع صااابتهم مثل الربكه لدرجه ان راع الجهااااز صاااح حباااارا حبااارا قال اللي على يده الشااهين ايوالله حباااارا قال ابك هد هد لا مثل اصح ياناايم انت يااراع الشااهين وهو ياخذ من الشاااهين الله يباااارك فيها وطوقها عندهم وتعلق وتحولبها 0
الا انا جاايهم امشي الفين ههههههههههههههههههههههههه مشالله مشالله طيب وين \قعودي\ جااسوسي ههههههههههههههههههه قالو خلنا نشوفه تراااه ورا الشحنه يوم طلعنا عليه الا معه 2 كرااوين ونهد عليها وننبسط ونضبط هاااااك العشااء اللي يجيب العاافيه 0
وافك قعودي مسيااان ويوم اصبحنا واشيك على الجهاااااز وحنا على ضونا الا هو يضرب قلت ابشرو بقعودي قريب المهم ليني اشوف راااع ابل مع ابله من بعيد يمشي مع ابله على شااااصه ويمته على يمه صوت الجهااااز 0قعدنا نسولف ونتقهوا على رااحتنا ولا سرحنا الا متاااخرين واشغل الجهاااز لين مافيه صوت ادور افتر لا والله ماله حس واروح على يمته ولا عينته مدري هو طاااح فيه رااع البل وقشه بالشوزن والا خربت الذذبه 0
هذاااك اخر يوم لقعودي عزالله انه ونسنا لمده عشره ايااااااام كل يوم هدد واخر هدد على حباااارا وكرواانيييين 0 وسلااامتكم0

والله انه ابرك كروااان مر علي في حيااااتي 0

[ذراع الذيب]

السلام عليكم ورحمة الله وبركاته,,
صبحت بالخير ياسلطان1,,

الله الله على هالسالفه عزالله اني ابحرت في جوها والله اني ماتمخمخت الا اليوم,,
لو دريت عنها قبل ماتكتبها كان طلبتها منك تكتبها بموضوع مستقل وعزالله انك اقديت بهالقعودهههه,,
واخرتها حباره والله يعيد عليكم ايام الوناسه والصيد والفيد لاهنت والله يعطيك العافيه ويبارك فيك,,
تحياتي لك,,

[سلطان 1]

السلام عليكم ورحمة الله وبركاته,,

صبحت بالخير ياسلطان1,,

الله الله على هالسالفه عزالله اني ابحرت في جوها والله اني ماتمخمخت الا اليوم,,
لو دريت عنها قبل ماتكتبها كان طلبتها منك تكتبها بموضوع مستقل وعزالله انك اقديت بهالقعودهههه,,
واخرتها حباره والله يعيد عليكم ايام الوناسه والصيد والفيد لاهنت والله يعطيك العافيه ويبارك فيك,,

تحياتي لك,,

الله يعيد علينا وعليكم ومن يقرأ الوناااسه والصيد والفيد ياذراااع الذيب 0والقصص واجد لكن ارب الربع البااقين يتحفونا بقصصهم واولهم القرنااااس المهااجر صااحب الموضوع والفكره 0

ومشكور على المرور يالذيب

[ذراع الذيب]

الله يعيد علينا وعليكم ومن يقرأ الوناااسه والصيد والفيد ياذراااع الذيب 0والقصص واجد لكن ارب الربع البااقين يتحفونا بقصصهم واولهم القرنااااس المهااجر صااحب الموضوع والفكره 0

ومشكور على المرور يالذيب

امين يعيدها علينا وعليك...
وبأنتظار القنوص المخضرمين اللي مثلك وشرواك....

[حامد الحنيني]

مشاء الله تبارك الله ياسلطان على هالسالفه الطيب اللي تونس وتهيض الحين وانا اخوك مابه جواسيس
به هالجهاز الله يزيله حنا من اول نسوي مثلكم ونسميه (سفير) يعني تلطيف للأسم ونلقى عنده وهكا اليوم ندور
ولا الجهاز يتحرك (يعني كروانا صار حبارى )يدرج بالنهار المهم وحنى نطرد على وجهة الجهاز يوم قربنى منه !!!!!!!!!
الا ابا الحصين يروغ بين الرمث والسفير معه وياله نلحقه وناخذ الريشه .
اشكرك كل الشكر على هالسالفه ونبي الباقيات يوم ابو امين علم عليك.

[ذراع الذيب]

مشاء الله تبارك الله ياسلطان على هالسالفه الطيب اللي تونس وتهيض الحين وانا اخوك مابه جواسيس

به هالجهاز الله يزيله حنا من اول نسوي مثلكم ونسميه (سفير) يعني تلطيف للأسم ونلقى عنده وهكا اليوم ندور
ولا الجهاز يتحرك (يعني كروانا صار حبارى )يدرج بالنهار المهم وحنى نطرد على وجهة الجهاز يوم قربنى منه !!!!!!!!!
الا ابا الحصين يروغ بين الرمث والسفير معه وياله نلحقه وناخذ الريشه .

اشكرك كل الشكر على هالسالفه ونبي الباقيات يوم ابو امين علم عليك.

هلابك يالحنيني,,
انا اشك انك من المخضرمين القداما,,
عطنا علومك يالاجودي ولاتحرمنا هات سالفه منا ولا منا,,

[سلطان 1]

مشاء الله تبارك الله ياسلطان على هالسالفه الطيب اللي تونس وتهيض الحين وانا اخوك مابه جواسيس

به هالجهاز الله يزيله حنا من اول نسوي مثلكم ونسميه (سفير) يعني تلطيف للأسم ونلقى عنده وهكا اليوم ندور
ولا الجهاز يتحرك (يعني كروانا صار حبارى )يدرج بالنهار المهم وحنى نطرد على وجهة الجهاز يوم قربنى منه !!!!!!!!!
الا ابا الحصين يروغ بين الرمث والسفير معه وياله نلحقه وناخذ الريشه .

اشكرك كل الشكر على هالسالفه ونبي الباقيات يوم ابو امين علم عليك.

هلا والله ياا حامد ابرك الحزات مرورك وانا خوك 0
اما السفير على تسميتكم اغلب اللي يفكونه يااخذون منه ريش على اساااس انه ما يبعد واليا عينه ابا الحصين جربعه لين يطرحه 0 لكن المفروض ان الوااحد ما ياخذ من ريشه الا قليل و يخلي الكروان يطير طياااار زين ويبعد ويفك عمره من ابا الحصين وغيره

ملااحضه ياخوي عطنا سالفه مالك عذر والجميع مالهم عذر نبي نستانس بالسوالف 0 لا هنت 0

[alrshedi]

السلام عليكم ورحمة الله وبركاته

هذي الموضوع صار تقريبا قبل 25 يوم
كنا راحين وانا واخوي الاكبر مني نبي نشوف مقيض واحد من ربعنا جديد
قلنا نبي نشوف او مره واحده نربط الطيور عنده قالي اخوي ماتبي ناخذ حمام عقب مانقط الطيور
بالمقيض نطبخ بالبر قلت ابد وكل الله المهم وحنا رايحين في نص الطريق لا اخوي يقولي ارجع ارجع ارعج كنه شايفله شي خرشني معه او نزل من السياره واخذ الدربيل او قام يطالع اقوله علامك مايرد قام قالي انزل بسرعا جب الحمامه والشبكه قلت علامك قال جاك الخير وانا خوك الله يجب الخير علمني قالي طير طيب صدره ابيض والدربيل لك عليه وحنا كنا علي الخط السريع ويمين تقريبا كيلوين كله مصانع والطير موجود بين المصانع المهم انه يوم قربنا علي الطير يوم شاف زول الموتر اعتدل الطير يبي يطير قام اخوي وزق له الحمامه المهم ماطول عليكم
يوم شبك الطير او جينه الي عليه رقم رجال لاكن الطير كان بدون السبوق قلت لخوي هذا الخير وانا خوك انك توصل الامانه لراعيه الرجال تشتري بالغلا الاثمان جاك الخير اتصل علي الرجال وبشره والحمدالله
الله عقل الطير الرجال وسمحولي اني طولت عليكم