المشاركة الأصلية كتبت بواسطة فتى الصحراء99
والله الجو صافي والارض رويانه ابشرك لكن توني مابعد خذت جولة لكن اخونا ولد هبس خذ جولة جنوب عنا
صباح اليوم قمت بجولة جنوب الدلم الى جنوب الحوطة الى العقيمي لرؤية آثار امطار البارحة والتي كانت بين متوسطة الى غزيرة ونزل معها في بعض المواقع شبوب(برد صغير)
شعيب وثيلان سيل ضعيف (سميطة تمشي في الوادي تعدت كبري الخمس الجديد ولا زال السيل الى الساعة 9.30 وهو يمشي )
شعاب الخمس أثر السيل طيب بالحيل ولكن متوقف عند ما وصلنا اليه
السوط وصل الردمية سيل ضعيف وانقسم ثلاث شغايا ضعيفة ثنتين فيضن فوق الردمية واقواهن شرقت للخابية وسقت الجنوبي منها تقريبا الربع
شعبان العقيمي جنوب الدلم 25ك تقريبا شفت أثر السيل فيها بين قوي_ جنوب هجرة حضرم_ وضعيف _شمال هجرة بن صالح_ وجميعها متوقف الساعة 11
والحمد لله على نعمه