باركولي يا شباب على الجهاز اللي معرفت اشغله

[4.6]

السلام يا شباب ..... اول شي اشكركم على هذا المنتدي الي خليتوه مرجع للهواه والخبراء ( والعليميه اللي مثلي بعد )
ثاني شي باركولي اشتريت icom 2100
دخلت المحل متحمس قلتلهم: عطوني جهاز جديد بسرعه ... جابوه لي يوم شفته عطيتهم دراهمهم ومشيت... فرحان مستانس ( كانه اخوي الصغير يوم اجيبله لعبه لوول ) بس ودي اوصل البيت عشان اشغله ....
المهم وصلت البيت وفتحت الكرتون وطلعت اللي فيه وركبت الانتل .... ( الا الحين تمام هه؟ ) الحين وشلون اوصله كـــــــــــــــــــــــــــــــــــــــــــــــــ ــــــــــــهرب؟؟؟؟؟؟؟ هنا مغصني قلبي.... في اسلاك واجد بس وشلون اركبه؟؟؟؟؟؟؟؟؟؟؟؟؟؟؟؟؟؟؟؟؟؟ (لوووول شر البليه ما يضحك ) وش الحل يا شباب ابي اشغله في البيت وش الحلللللللللللل؟؟؟
جاتني فكره اوديه لكهربائي سيارات ( بس وش دخله في كهرب البيت؟ )

ممكن تقولولي الحل يا النشامى؟

وبليز رددو معي:
يا ليـــــــــــــــل مطولك..


يا فرحه ما تمتش

[الموجه]

وعليكم السلام ‘‘‘‘‘ انتبه قبل ما تجيب العيد في جهازك

أولاً: مبروك الجهاز والله يعطيك خيره ويكفيك شره .

ثانياً: لكي تشغل الجهاز في البيت يلزمك أحد شيئين:

1. بطارية 12 فولت ، ثم تشبك الجهاز عليها .

2. محول من 110 أو 220 فولت إلى 13.8 فولت ثم تشبك الجهاز عليه .


طريقة شبك الجهاز:
عند شبك الجهاز ستشبك السلك المجوز الذي فيه سلكين أحدهما أحمر والآخر أسود ، وطبعاً الأحمر تشبكه في + الموجب والأسود تشبكه في - السالب

تنبيه هام جداً:
إذا قلبت شبكية الأحمر والأسود ( يعني حطيت الأحمر في - ، والأسود في + ) فاحتمال كبير يحترق جهازك في الغالب .

وعسى الله يوفقنا وإياك للتمتع بالمراسلة على أصولها الصحيحة ، وعدم إيذاء الآخرين .

والسلام

[4.6]

تسلم يالغالي الموجه
ولا توصي حريص انا ديني ودين اني العب بالكهرب ( ياما وياما لسعات كهرب لووول )
و اشكرك اخوي على المعلومات ونا كنت متأكد انه اي شي ابيه بلاقيه في هالمنتدى ...... ونا الحين طالع السوق اجيبلي محول ولا بطاريه ....



وجزاكم الله الف خير ....




وذا في نصايح حلوه ترى ما نقول لا ( طماع لوول ) انتو طيبين وحنا نستاهل

وعلى قولت المثل : اذا حبيبك عسل مد ارجولك

[القناص]

الله الله بالمحول الزين يعني 15 امبير على الاقل
وعلمنا وش صار
اما البطاريه في البيت فلا انصح بها
مبروك

[الموجه]

بما أنك تريد زيادة نصائح ،،،، الله يوفقنا وإياك لما يحب ويرضى
( واحد ما صدق خبر يعطى وجه )


فمثل ما قال أخوي القناص ـ الله يوفقه ـ البطارية في البيت متعبة لأنها تحتاج إلى تعبئة كل فترة .

والله الله في المحول الزين ولا يقل عن 15 أمبير ( على قولي جايب معلومة جديدة ) وإذا كانك ناوي تحط إمبلي فير في المستقبل القريب فلا يقل المحول عن 40 أمبير حتى يتحمل الجهاز والإمبلي فير .

هذا ما تيسر من ملاحظات ’’’’ وإذا ذكرت شيء بعدين بأضيفة ـ إن شاء الله ـ

ولكم مني أطيب تحية

والسلام

[4.6]

تسلم يالقناص على ردك...
والله اشتريت محول مكتوب عليه ( M.E.D 13.8v 10-15AMP )
ها وش رايكم ؟ عساه زوين؟ .....
........................

اخ الموجه لا افا عليك انت الكل انت تتكلم وحنا نسكت ياخوي


........................


ودي لو تعطوني معلومات عن الازرار اللي في الجهاز .... تراني ميـــــــــــــــــــــــــح "عليمي" ومن جنبها لووول

وتسلمون