^^^ كيف تكتشف العسل الطبيعي من المغشوش . شارك برأيك ^^^

[تميم2222]

الحمد لله

عندي خياط يمني عميلي له كم سنه وبنفس محله علبه فيمتو فيها عسل سالته من وين شريته

يقول انا عندي نحل باليمن وماابيعه اجيبه استخدمه لي اكثر من 10 سنوات وقلت جيب لي معك طبعا بعد ماذقته وشفت ريحته

والحين انتظر الموسم يقول بعد شهرين ابجيب لك وابشر

عسل نحل صافي وليس عسل سدر ومدري وش

وشو ذا العسل اللي مهوب سدر وايش؟؟؟ كل عسل وله زهره معينه تسمى به ^^

[نوْرس]

مدري أحس العسل الطبيعي أول ما أذوقه أحس بلسعة

وبكذا أعرف إنه طبيعي .. المغشوش تطعم به السكر

هذا بالنسبة لي ..

وياكم مرة انغشينا ..

[كحيلان تميم]

اسهل طريقه جب خبز توست او صامولي وصب عليه شوي عسل وشف واصبر شوي واذا العسل بقى مكانه ماتغلغل داخل الخبر هذا اصلي واذا تغلل وبدا يخفتي اعرف انه مزور ههههه

[الرامي الماهر]

تعددت طرق الكشف عن العسل الاصلي والمغشوش فيه ناس يخافون الله وفيه العكس وفيه اللي مسوي خبير واول مايشوف العسل يقول مغشوش حتى شم مالحق يشمه او يطعمه يقولك من لونه عشان مو هو اللي شراه او جابه ولو يشتري عسل مغشوش مليون في الميه يقولك هذا الاصلي ويحلف انه اصلي لانه هو من جابه عالعموم اللي في جده ويبغى عسل اصلي يتواصل معي عالخاص وبدله على رجال يخاف الله وصاحب مناحل والعسل ماشاءالله لايعلى عليه والله العظيم مابيني وبينه اي مصالح ماديه بس فزعه وفي رجاء دعوه بظهر الغيب

[كالاديوم]

أعتقد بأن أسلم طريقة لفحص العسل والطريقة التي اتبعها هي عن طريق صب العسل من منطقة مرتفعة وإن لم ينقطع فهو اصلي وأيضاً استطيع كشف العسل المغشوش عن طريق الرائحة.
والله اعلم

[مزارق طيب]

اسأل الله ان يمحق رزقه وان يفضح في الدنيا قبل الاخرة اللهم ان كان

قد استغل مريض وغشه ان يمرض بمرضاً لايبرا منه لا بعسل ولا بعلاج


امين

[أبوسليمان ss]

بالنسبة للعسل يصعب على أي شخص أن يكتشف بأنه مغشوش.
فهناك عسل رائحته ضعيفة بسبب نوع الزهر فعسله ليس له رائحة .
فعسل السدر تكون رائحته قويه حتى وإن غذي النحل على محلول سكري أوخلط بعسل البرسيم أو بعسل كشميري فهنا يصعب اكتشافه فقد تكون التغذيه بالمحلول السكري قليله .
فابالنسبة لي لو اشتريت عسلاًفسأتبع الآتي:

* أن يكون من صاحب المنحل.
*أن يكون سعودي.
* سؤاله بعدم إعطاء النحل أي محلول أومنشط .
* اجعل هذه الأشياء في ذمته وإن كان صديق أوقريب وخجلت منه فأقول بأني موصى على العسل ومطلوب مني عند الشراء القول بذالك وليس في ذالك شيئ لأن العسل مهما كان يدخلك الشك في عدم نقاوته .

[وحيد طيبة]

انا اذا كنت باكون خبره في معرفة العسل اسوي منحله ولو صغيره للتجربه فقط وفي مكان مناسب للتاكد من جودتها ثم اقارنها في الموجود في السوق فوالله صعب تمنح الثقه لكائن من كان
والله اشترينا عسل نصف الكيلو بالف ريال والاخو معرفه ويحلف انه اصلي ميه بالميه طلع مغشوش وياليته غش احترافي لا غش واحد غشيم تجمع السكر وزي ماقال الاخ صار مثل المعسل يابس
والصراحه اني عرفته من طعم السكر كان واضح واختبار التوست ماكان واضح مره واختبار الخط المتقطع كان مبين
اللي باقوله الله لايسامح اي واحد يغش المسلمين لانو غالب اللي يبحثو عن العسل الاصلي للعلاج واذا كان مغشوش فلافائدة منه
اللي اشتريه وانا متطمن له عسل الغابه السوداء
على الاقل اخذه وانا عارف عنه كل شي اخذه على نورمو مغشوش فيه وبسعره

[أبوسليمان ss]

انا اذا كنت باكون خبره في معرفة العسل اسوي منحله ولو صغيره للتجربه فقط وفي مكان مناسب للتاكد من جودتها ثم اقارنها في الموجود في السوق فوالله صعب تمنح الثقه لكائن من كان
والله اشترينا عسل نصف الكيلو بالف ريال والاخو معرفه ويحلف انه اصلي ميه بالميه طلع مغشوش وياليته غش احترافي لا غش واحد غشيم تجمع السكر وزي ماقال الاخ صار مثل المعسل يابس
والصراحه اني عرفته من طعم السكر كان واضح واختبار التوست ماكان واضح مره واختبار الخط المتقطع كان مبين
اللي باقوله الله لايسامح اي واحد يغش المسلمين لانو غالب اللي يبحثو عن العسل الاصلي للعلاج واذا كان مغشوش فلافائدة منه
اللي اشتريه وانا متطمن له عسل الغابه السوداء
على الاقل اخذه وانا عارف عنه كل شي اخذه على نورمو مغشوش فيه وبسعره

اﻷعسال تختلف وبعضها يتبلور ويجمد فالبرسيم بعد ستة أشهر يبدأ يتبلور ويجمد عسل ، المجرى بعد مده قصيره يتبلور وقيمته من 600إلى 800 وهناك أعسال ﻷزهارأخرى فهنا لا تحكم على الرجل بالغش بمجرد تبلور العسل فلو اختلط المجرى بطلح اوسدر فإنه يجمد ويكون لونين وهذا يعلم به النحال غالبا لمعرفته بتبلور نوع الزهور فتجدالعسل في العلبه طبقتين بلونين مختلفين