(( رابطة ملاك نيسان اكستيرا Nissan Xterra ))

[BBC]

السلام عليكم

من يعرف ورشه متخصصه في الدبالات بالرياض

[أبو عمر 501]

يا أخوان أبي شرح مصور لطريقة تركيف فاصل ABC .. أ, واحد يخبر محل يركبه لكن من دون تجريح للأسلاك ..



يا ليت تفيدونني ..

[أبو عمر 501]

يا أخوان أبي شرح مصور لطريقة تركيف فاصل ABC .. أ, واحد يخبر محل يركبه لكن من دون تجريح للأسلاك ..



يا ليت تفيدونني ..

تم العثور على الشرح جزاكم الله خير .. هذا الرابط للفائدة (http://www.assayyarat.com/forums/thread148274-896.html) ..


تقبلوا مروري

[اتجاه السحاب]

عندي اكستيرا ٢٠١٢ تماتيك ضعيف عزمه بالنفود
وش الحل..؟

[أبو عمر 501]

مطلوووووووووووب ..


جنوط بلد حقت الإكستيرا السياحي ...


أنا ما أبيهن لكن لو يحصل صارت عن أحد منكم يا الربع نستعيره (اسبوع واحد) لأني صراحة عندي جنوط الي مركبهن على الموتر أبرشهن وودي اركب ذوي وقت ما هن عند المحل يرشن ..

طبعا كل شي بحقة وأنا ما ابيهن يقعدن بحلقي ..

وإن كان مره عاد شريناهن ثم نبيعنهن إذا قضينا ..

تقبلوا مروري يالربع ..
للتواصل واتساب (0555103219) أو هنا بالرابطة

[3leee_1989]

عندي اكستيرا 2012 تماتيك ضعيف عزمه بالنفود
وش الحل..؟

الحل إنك تغير كفراته حقت المصنع وتركب كفر لين و أعرض بشي بسيط إن كان جنوطك 16 مقاسهن = 265 . 70 . 16

أنت تروح تركب كفرات لينات مثل دنلوب أو هانكوك أو أي نوع ممتاز بالرمل ولين

بحيث يكون المقاس عندك 275 . 16 . 70

ويصير إكستيراك أحسن إكستيرا بالعالم

[ابوبسمه]

[QUOTE=ابوبسمه;9007954]السلام عليكم
اخواني الكرام يسرني ان انضم الى رابطة الاكس تيرا وابغاكم تشورون علي لاني توني شاري جيب اكس تيرا 2012 جديد خليجي من معرض العمر وابي اعرف وين احصل صيانة 1000كم فيه
وهل يدخل تحت الضمان لدا الوكاله
ارجو ان تفيدوني

[الدين النصيحة]

السلام عليكم.
يالربع لاتبخلو بشوركم معي فتك وافكر اغير للاكستيرا وشرايكم ...واللي جرب الاثنين ايهم افضل مركوب وصرفية بنزين وغيره....((علماً اني عزوبي)).

[BBC]

وعليكم السلام
الفتك ماعليه كلام شيك ومركب
الاكستيرا يخوف لكن ممتع

[اتجاه السحاب]

الحل إنك تغير كفراته حقت المصنع وتركب كفر لين و أعرض بشي بسيط إن كان جنوطك 16 مقاسهن = 265 . 70 . 16

أنت تروح تركب كفرات لينات مثل دنلوب أو هانكوك أو أي نوع ممتاز بالرمل ولين

بحيث يكون المقاس عندك 275 . 16 . 70

ويصير إكستيراك أحسن إكستيرا بالعالم

بارك الله فيك ماقصرت..

[اتجاه السحاب]

السلام عليكم.
يالربع لاتبخلو بشوركم معي فتك وافكر اغير للاكستيرا وشرايكم ...واللي جرب الاثنين ايهم افضل مركوب وصرفية بنزين وغيره....((علماً اني عزوبي)).

حياك الله
والله يالغالي لاتعدا الفتك .. أنا جربت الفتك وبعته وشريت برادو وبعته وشريت اكستيرا الحقيقه ماشفت مثل الفتك لا من ناحيه القوة بالرمل ولا من ناحيه الراحه وأوسع ومكيف خلفي
الأكسيرا الباب اللي خلف السواق ضيق والآن أببيع الأكستيرا وأشري فتك..
مشكله الأكستيرا القير التماتيك ضعيف بالنفود ..لكن بالخط راسي وقوي
وتسمع صرصرة السست ورا ،
لذلك أنصحك لاتغير الفتك

[اتجاه السحاب]

[QUOTE=ابوبسمه;9027184]

السلام عليكم
اخواني الكرام يسرني ان انضم الى رابطة الاكس تيرا وابغاكم تشورون علي لاني توني شاري جيب اكس تيرا 2012 جديد خليجي من معرض العمر وابي اعرف وين احصل صيانة 1000كم فيه
وهل يدخل تحت الضمان لدا الوكاله
ارجو ان تفيدوني

مبروك ..الله يعطيك خيرة ويكفيك شرة
عندالعيسى أو الحمراني ويدخلونه بالضمان ..

[تركي الحارثي]

السلام عليكم ورحمة الله وبركاته

ياشباب الكل منكم عارف ان الوكالة ماتبيع المسامير والصواميل والبراغي ، اذاً للي يدري وين أحصل محل متخصص وعنده نفس مسامير الوكالة ؟


الأمر الثاني عندي صوت احتكاك لما أطلع بطناج او مكان غير مستوي عند الكفر الأمامي في الجهة اليمنى ، الصوت بهذلني ولا خليت محل الا وقالوا مافيه شي ، وغيرت جلد المقص العلوية ولا فيه فايده ، اتمنى اذا أحد عنده خبره بهذي المشكله يفيدني وجزاكم الله خير .

[الديسي 1984]

اخواني الكرام ابي صواميل لتنده مسح (يعني ماتبين) مب زي مسامير الوكاله العربجيه

اتمنى الافادة في اقرب وقة

[BBC]

اخواني الكرام ابي صواميل لتنده مسح (يعني ماتبين) مب زي مسامير الوكاله العربجيه

اتمنى الافادة في اقرب وقة

الصناعيه القديمه في الرياض
يباع مثل المصمار بلستيك كبس