مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
شباب لاهنتم
انا معي اكستيرا 2013 وكنت طالع لجده وفجأه ولعت لمبة مانع الانزلاق
ولا ادري وش مشكلتها مع العلم مالاحظت تغير ع السياره ولله الحمد
ياليت تساعدوني ولكم جزيل الشكر
لا تخاف امره سهل جدا افصل البطاريه او شيك على فيش حق نظام abs ممكن متحرك من مكانه ولا يضر تراه وسع صدرك
اخوي سعود بيض الله وجهك
انا فصلت البطاريه بس م طفت اللمبه وهو صحيح انا مشيت ع خط مكسر بعدها ولعت اللمبه
تتوقع هذا السبب ؟
السلام عليكم ورحمة الله و بركاته
يا شباب بأسئلكم وارجو الاجابة من ملاك الاكستيرا انفسهم فقط ( احترم من يريد ان يشارك ولا يملك اكستيرا لكن ابي العلم من اصحاب السيارة انفسهم ، فلا احد يأخذ في ذمته شي ويقول سمعنا في الاكستيرا كذا او يقولون يخرب كذا ، او ....) .
اخواني اصحاب الاكستيرا
ما مدى صحت خراب القير الأوتماتيك وهل مرت على احد منكم هذه المشكله وخصوصاً خراب الماصورة او الليات حقت تبريد القير .
واذا مرت عليكم هالمشكلة صحيح كيف عالجتوها وتكلفتها .
لكم دعواتي في ظهر الغيب لكل من صدق وافاد اخوانه .
وجزاكم الله خير ...
وعليكم السلام ورحمة الله وبركاته
انا ماعندي اكستيرا بس داخل مزاجي وكنت ابي اشتريه قبل لا اشتري الاكسبدشن
والي خلاني ابعد عنه هو الحجم الداخلي بسبب العائله واني كنت ادور سيارة عائليه مريحه
اي خراب يجي بالسيارة اذا كان عيب مصنعي فبتلقاه في كل سيارة والوكالة تصلحه لك بدون اي كلام
اما الي يقولك قير ومدري ايش
اطلع معاه للبر وشوف سواقته كيف وضعها وممكن يكون حتى وهو بالشارع سواقته ماهي مضبوطه ههههههههههه
اما عن صرفية البنزين فبعد الزام وزارة التجارة للوكالات بوضع مواصفات السيارة بانها مستهلكه للوقود ام لا فهي مستهلكه وغير اقتصاديه والحكم في الاخير الى الشخص وطريقة قيادته ودعسته
تحياتي
اشكر جميع الشباب الي شاركو جزاكم الله خير
بإنتظار المزيد من الأراء
السلام عليكم واسعد الله اوقاتكم جميعا
ولله الحمد وفقني الله وشرينا اكستيرا تماتيك ..لننتقل من عالم السيدان والصغيرات للجيوب ...وتو الموتر ماله اسبوعين معي ..طبعا شاريه مستخدم لكن للاسف مالقيت معه يد عفريته فإذا ماعليكم امر وين ممكن القاها مع العلم اني فريت الغرابي لكن مالقيت ...وهل هي مثلها مثل حقت الدداسن والباثفندر لعل تحل محلها ....وفقنا الله واياكم جميعا ..وسعيد بانضمامي للموقع واتمنى الانظمام للرابطة ( القدعان) ...
تحياتي لكم
مسيتو بالخير
ياخوان انا من جيرانك في منتدى تايوتا العشق القديم .
وحاب اصير من ملاك الاكستيرا .
وعندي استفسارات بسيطه فيا ليت تفيدوني
وش الفرق بين اوف رود و se هل كلها فيها دف اوك
الاحسن في الخطوط تماتيك والا عادي . انا ماني من اهل الطعوس والا المطامر
سالفة الردحه ذي . وسالفة الكرونا
استخدامي داخل مدينه وخطوط وطلعات بسيطه بالبر حقت سمره وكشته
السلام عليكم ياشباب ابي رقم مساعد الجبرين ابو ياي الي يركب على الاكستيرا لاني وصيت واحد يروح للسبتي ولا عرفله واذا كان فيه احد يبيعهن بالقصيم احسن
حميدو هو مساعد جبريال ابو ياي
مخصص لشروكي في الاصل والسبت لو تقوله اكستيرا يعطيك اياه علطول
الذين يشاهدون الموضوع الآن: 1 (0 من الأعضاء و 1 زائر)