(( رابطة ملاك نيسان اكستيرا Nissan Xterra ))

[الليث الذهبي]

تحية طيبة للأخوة الإكستيريين

أعرض بين أيدكم مشكلتي مع دفرنس الاكستيرا الخلفي
حيث اسمع له صوت وجروشة وعند الفحص تبين انه يحتاج تغيير
الموتر انا فاكه وكالة ومشى معي 160 الف وتم ثلاث سنوات
ولم اشتكي منه أي علة ولله الحمد
ولكن الدفرنس الخلفي حيرني فهل اغير الدفرنس كامل او هل يوجد له تجديد
وآمل ان نتباحث عن أسباب خراب الدفرنس . لماذا؟؟
علما أن زيت الدفرنس لم ينقص !


ودي واحترامي لكم.

انا اقترح عليك تغير الزيت وتحط زيت ثقيل وتحط معالج
ابدا دايم باالأيسر فالايسر يمكن تكون المشكله بصيطه وتخسر على غير سنع
اخر الحلول تاخذ واحد من التشليح تلقا سعره بين 3الى 4 الاف
الاسباب كثيره في خراب الكارونه او الدفرنس اول سبب الموتر يجي من ديرته عليه زيت خفيف باعتبار ان الجو عندهم بارد لكن عندك هنا تحط زيت ثقيل ومعالج وياله ياله
الأمر الثاني سؤ استخدام لا تزاعق وكفراتك مليانه هواء هذا اكثر دمار للدفرنس
اذا بغت تقاوم قاوم دحدره من اربعين او من ثمانين
لو تروح لورشة ابو براهيم يظبط وظعك بحث انه خبره بالسياره هذي
الله يعينك وييسر امرك

[سمير]

اشكركم على الافادة. بالنسبة لمشكلة دفرنس الاكستيرا

ولكن. بالنسبة لورشة ابو ابراهيم الثنيان وين مكانها بالظبط انا ببريدة

[تركي الحارثي]

الردحه فيه سبرنق يركب فوق السست .....بعده انسى الردحه ....وهزه البطناج .

يامواسي الطعوس تقولها من تجربة ؟

يعني أتوكل على الله واشتريه ؟

[الليث الذهبي]

بالنسبه للردحه انا ركبت لعبات ب150ريال وارتحت بس اذا امتلت السياره اغراظ و اوادم ترجع شو

[الليث الذهبي]

اشكركم على الافادة. بالنسبة لمشكلة دفرنس الاكستيرا

ولكن. بالنسبة لورشة ابو ابراهيم الثنيان وين مكانها بالظبط انا ببريدة

الورشه في صناعية الدايري فالرياض بين مخرج17 و18
ابو براهيم
0540353557

[الليث الذهبي]

فيه واحد كلمني على الجوال بخصوص الااكستيرا التماتيك
تمت تجربت الموتر يختلف عن كلامك اتوقع ان الثقيل ما يشبك عندك

[اسبيدر مان]

فيه واحد كلمني على الجوال بخصوص الااكستيرا التماتيك
تمت تجربت الموتر يختلف عن كلامك اتوقع ان الثقيل ما يشبك عندك

هههههههههه

جزاك الله خير ياابوداحم

[الليث الذهبي]

هههههههههه

جزاك الله خير ياابوداحم

وياك يا بعدحيي
حنا فالخدمه
هههههههه

[Xterra Bloody]

الورشه في صناعية الدايري فالرياض بين مخرج17 و18
ابو براهيم
0540353557

غريبه يابو داحم اشتهرت أنا يوم حطيت رقمي باسم الثنيان
كلم الادارة يحذفون الرقم..

[الليث الذهبي]

ههههههه
المعذره يا اخوان كان فيه لخبطه فالارقام
الرقمالصحيح للورشه
0554889337
ابو براهيم الثنيان
الله يصلحك يابلودي لاعد تغير رقمك عندي لك 5 ارقام صرت الخبط كلها ابو براهيم

[naif0008]

ياشباب ابغي محل يركب لي فاصل الاي بي إس في الرياض بأسرع وقت

[الليث الذهبي]

ياشباب ابغي محل يركب لي فاصل الاي بي إس في الرياض بأسرع وقت

تعال لمي وما يكون خاطرك الا طيب
ابو داحم 0505250567
اذكر فيه موظوع عنه في مكشات وذكرو الشباب كذا واحد

[اسبيدر مان]

السلام عليكم

طوال سنه كامله وانا اعاني من سيارتي الاكستيرا موديل 2008 فل
والسبب هو كون السياره في بعض التغريزات لا تستجيب للدعسه سواء بدبل الخفيف او الثقيل وتكتفي بالحنين فقط وكان احد ماسك الكفرات الاربع
عرضت مشكلتي على واحد ميكانيكي لابئس به وافادني ان السيارات ذات القير الاوتو مع كثرة التطعيس يحتمي القير ثم يقل ادائه ممايطيح العزم
فقمت بتغير زيت القير رغم انه كان كويس وسلمت للامر الواقع
فخطر في بالي لو اغير البنزين من 91 الى 95 ربما يتحسن الوضع فغيرت البنزين وكنت متفائل وبعد مرور اسبوع على تغييري البنزين قلت حان وقت التجربه لكن للاسف كنك يابازيد ماغزيت لازالت المشكله موجوده
واذكر مره كنت مع واحد من الشباب طالعين وكانت معنا العزبه والباقين يبون يلحقون بنا بعد صلاة المغرب لكن اراد الله اننا نغرز وجته الحاله الميؤس منها قلت لخويي الظاهر هذا مكان كشتتنا لكن نزل العزبه وخلنا نتقهوى وربك كريم وبعد نص ساعه قمت وشغلت وعشقت الثقيل ودعست الا يوم دخل التراب على بالغماره فز الموتر فزه ماهي من عوايده قلت لخويي نبي نغير المكان لانه ماجازلي
وقلت هذا مصداق لكلام خويي الميكانيكي ان القير اذا احتر يقل ادائه لانه يوم برد حسيت اني راكب جيب
المهم
قلت اجل مالي الا البرمجه لان يقولون ان البرمجه تزود السياره كم احصان لعلهن مع الاحصنه الاوله يجتمعن ويدورن الكفرات
لكن من يفيدني عن البرمجه ومدى تئثيرها على السياره فطرى ابالي ابوعبدالرحمن "ابوداحم"
لان له مشاركات وكان يتحدث عن البرمجه وسبق انه برمج سياره فقلت بسم الله واتصلت عليه وسبحان الله هل ادمي تحبه لو ماشفته رجل خلوق راعي ابتسامه الله يحفظه ويتمم عليه وهل امور ماهي جديده على اهل الشمال
شرحت له المشكله واني ناوي ابرمج وش رايك قال حرام تبرمج سياره قيرها اوتو لو قير عادي ممكن
قلت طيب وش الراي قال عند احد اصحابي واحد اوتو ابجربه وارد لك وبعد كم يوم رد انه جربه وانه زي الفل ويبدو ان المشكله عندك ان الدبل الثقيل مايشبك لكن تأكد منه قلت له سم
طلعت للبر بعدها بكم يوم وكانت المفاجئه
فعلا الدبل الثقيل مايشبك وكن يومض فقط
مثل هل فيديو

ويوم رجعت للكتلوج الخاص بالسياره لقيته ذكر ان وضعيت الوميض معناته ان الدبل الثقيل لم يشتغل وعليك اغلاق الدبل ومن ثم تشغيله مرة اخرى
حتى يصبح مثل الفيديو هذا

فالوضعيه هذي معناتها ان الدبل الثقيل شابك ويمكنك الانطلاق
وان مجرد تشغيل الدبل الثقيل لايكفي فعليك النظر للشاشه للتأكد من وضعية الدبل
وفي الختام لكم خالص تحياتي

[SaMi83]

شكراً على الافادهـ والتوضيح

يعطيك العافيه

[الليث الذهبي]

اشكرك سبادرمان. جزاك الله خير مانبي منك غير الدعاء. يابعد حيي
كلام المكانيكي صحيح %على%واذا جته هالحاله طف السياره وشغلها تروح مع بظ المواتر وما ادري عن الاكس ماجربته لكن مع طفيت السياره اتوقع يعيد البرمجه وتظبط اموره انا جربتها على باثفندر ونجحت
وطبعن ما تجي الحاله هذي الا مع فقع الموتر وارتفاع الحرارحه
لكن اذا شبكتا الثقيل يمشي كان ما فيه شي اتوقع كلها حساسات وكمبيوتر وخربطه
اتمنا لك التوفيق يالغالي