(( رابطة ملاك نيسان اكستيرا Nissan Xterra ))

[عشقي الخيل]

السلام عليكم ..

بالخير يا رابطة ملاك السيارة القوية ..

عندي استفسارات يا جماعة الربع ..

أول شي تنصحون به ولا لا ..؟

خصوصا الاستخدام للبر ..

ثانيا .. سمعت ان الدفرنس يخرب مع الوقت ؟؟

ثالثا كم أسعار الفئات لموديل 2008 و 2009 وخاصة الاوف روود .؟؟

ثالثا .. وين أحصل الموتر المستعمل بأي منطقه ؟؟

لان عندنا بالقصيم قليل ..

اخر شي سنعوونا يالنشااما .. بالاجابة الكافية الشافية ..

[SaMi83]

السرعة مامنه فايدة بس يقهرك الموتر ياصار محددةه سرعته .

ذكرتني باصوت نرجو ممن لديه خبرة في مشكلة الصوت ان يدلنا لأنه مزعجة مع السرعة

ايه عندي باث 2001 يطلع صوت كأنه مابوه باب

ودي اعرف وكذا بس يخوي الربع هنا ماعندهم حماس الموضوع راكد

[الليث الذهبي]

ماشاء الله ياشباب تمشون بالسياره بسرعة 190 وتبون ازود يالربع الجيب خطير

ياشباب والله ياعيني على الاكستيرا والباث وش تنصحوني به ... والشي الثاني اصحاب السرعه

وش وضع صوت الهوا بالاكستيرا وانا متردد من نيسان لان الوكاله سيئه جدا

ادلوني بدلوكم

بالنسبه لعزل الهواء اعطيه 80 في% تقريبا يعني حليل لكن اذا مشيت 210 وحولها او اذا كان فيه هواء يتردا شوي
اما صوت المكينه ماشاء الله , الله لايظره ماله حس التماتيك خمس غيارات والعادي ست غيارات من غير الريوس وهذا سبب كبير في هدوء المكينه على 170 الار بي ام على 3
اما بالنسبه الوكاله الله يعينك عليهم اذا كنت تعرف النظام ما يظيع لك حق ان شاء الله
اما انكانك حبيب فلا تقربهم الا اناكن عندك واسطه
اتمنا اني افدتك
الله يسر امرك ويوفقك

[الليث الذهبي]

السرعة مامنه فايدة بس يقهرك الموتر ياصار محددةه سرعته .

ذكرتني باصوت نرجو ممن لديه خبرة في مشكلة الصوت ان يدلنا لأنه مزعجة مع السرعة

ياليتك وظحت وشو الصوت بالظبط و من اي جهه
لان صار لي اذا مشيت 190 وفوق اشبه ما يكون الصوت بصوت البوق هالي يلعبونبه البزارين
وضاق صدري منه اخر شي ما تتوقع وش صار




كنت مسرع ذاك اليوم وطلع الصوت ما ادري وش الي قردني وشغلت المساحات وراح الصوت اثاري المساحه لا صارت مرتفعه ضرب فيها الهواء وطلعت هالصوت
الشي الثاني صوت تكتكه من عند القزاز فك المجرا حق القزاز وخل معك كماشه واكمش عليه بس حط عليه خرقه علشان البويه
(بالتوفيق)

[الليث الذهبي]

السلام عليكم ..

بالخير يا رابطة ملاك السيارة القوية ..

عندي استفسارات يا جماعة الربع ..

أول شي تنصحون به ولا لا ..؟

خصوصا الاستخدام للبر ..

ثانيا .. سمعت ان الدفرنس يخرب مع الوقت ؟؟

ثالثا كم أسعار الفئات لموديل 2008 و 2009 وخاصة الاوف روود .؟؟

ثالثا .. وين أحصل الموتر المستعمل بأي منطقه ؟؟

لان عندنا بالقصيم قليل ..

اخر شي سنعوونا يالنشااما .. بالاجابة الكافية الشافية ..

اولا:- ياهلابك يابعد حيي
ثانين:- س- تنصحون به او لا ج- الامر راجع لك على حسب استخدامك
ثالثا :- الموتر مصمم للبر وانا مجربه مشاء الله لا نشاط ولا صبر
رابعا:- الدفرنس سبق وشرحنا عنه لاكن اقدر اختصرها لك غير الزيت ولا تحجر الكفرات اذا نويت تزاعق او تقاوم يعني حط فيها 40 وقاوم دحدره من ال40 او من 80
على كلن هي سوء استخدام كل الي طقت عليهم دفرنساتهم مقوم من الصفر وكفرات فيها 60 وفوق علشان ما يحوس الموتر مكانه
خامسان:- اسعاره تراوح من ال60 وانت جاي وعلى حسب النظافه تزود وتنقص هذا ال2008 وال 2009 حوله مامن بعد احيان يتعدا ال70 هذا كله بالنسبه للسياحي اما الفل مالي به خبره
سادسن:- اما وين تلقاه اذا فيك شده رح للكويت سعر معقول ومواصفات حلوه

[الليث الذهبي]

ايه عندي باث 2001 يطلع صوت كأنه مابوه باب

ودي اعرف وكذا بس يخوي الربع هنا ماعندهم حماس الموضوع راكد

هلابك يا بعد الباث كان معي واحد اخو الي معك 2004 صحيح عزله ردي نوعاما لكن الاكس افظل بمراحل لكن الافظل جربه قبل

[الليث الذهبي]

اي سؤال حنا بالخدمه على الي نقدر عليه

[TAMAY]

اكستيرا ٢٠١٠ فل كامل بدون دفلك اسود مغير رفرف امامي بسبب ظربه
بسيطه ماشي ٥٨ الف
كم يسواااااا ؟؟؟؟؟

[عشقي الخيل]

حبيبي الليث الذهبي .. ما قصرت كفيت ووفيت ..

لكن استخدامي للموتر للبر بكثرة وللديرة ..

وكم اسعارهن بالكويت هل يفرق واااجد عنا والجمرك كم يا خذوون ..؟؟





متشكرين اوي ..!

[SaMi83]

هلابك يا بعد الباث كان معي واحد اخو الي معك 2004 صحيح عزله ردي نوعاما لكن الاكس افظل بمراحل لكن الافظل جربه قبل

يعطيك العافيه اخوي الله يبيض وجهك ماقصرت عطيتني معلومات كنت ابي اعرف عنها

ومثل ماقلت التجربه خير برهان ابروح ادور لي ايجار وان شاء الله القى ايجار


لان بصراحه الموتر حليو وصغير وخفيف وبنزين اقل صرفيه .


مشكور يالغالي

[TAMAY]

يعطيك العافيه اخوي الله يبيض وجهك ماقصرت عطيتني معلومات كنت ابي اعرف عنها

ومثل ماقلت التجربه خير برهان ابروح ادور لي ايجار وان شاء الله القى ايجار


لان بصراحه الموتر حليو وصغير وخفيف وبنزين اقل صرفيه .


مشكور يالغالي

تكفى اذا لقيت اكستيرا آجار عطنا خبر وين حصلته ؟؟؟

[turkiq]

السلام عليكم جميعاً
اخواني الله يجزاكم خير استفسار بسيط ..
اخوي يدور سيارة جديدة ونصحته بالاكستيرا
وهو له في الجيوب لكن طلعاته البر قليلة جداً ويهمه ان الموتر تكون ركبته مريحة وهادي في الخط.

فهل الاكستيرا مريح في الخط وعلى المطبات خصوصاً اذا قارنته بالتويوتا اف جي .. وبالنسبة للهدوء كذلك وانت مسرع 120 الي 140 كيف صوت المكينة والهواء وعلى كم يكون الار بي ام وسرعتك 140 ؟

احتاج رد صادق وفي اسرع وقت ممكن ... الرجال يفكر في الاف جي كروزر وانا بغيت له الاحسن.

[SaMi83]

ياشباب اللي يسأل عن الاكستيرا جديد انا اليوم رحت للوكيل بشارع الامير سلطان بجدة

يقول لايوجد اكستيرا بجميع معارض المملكه وبتجي الدفعة الجديدة مع بداية سنة 2012م والله اعلم

وعلى حد قول الموظف يقول الاوف رود جابو منه كمية ولا نزل بعد كذا وطبعاً هو افضل فئة

وماندري وش سالفة الدفعة يعني باقي شهرين وندخل بعام 2012 ولانزل 2011

بصراحه شي عجيب بالنسبه للاخ TAMAY سألت بمحلات الايجار قالو لايوجد

لكن ان شاء الله بكرة بروح للمطار يقولون ممكن تلقى


تحياتي للجميع

[الليث الذهبي]

السلام عليكم جميعاً
اخواني الله يجزاكم خير استفسار بسيط ..
اخوي يدور سيارة جديدة ونصحته بالاكستيرا
وهو له في الجيوب لكن طلعاته البر قليلة جداً ويهمه ان الموتر تكون ركبته مريحة وهادي في الخط.

فهل الاكستيرا مريح في الخط وعلى المطبات خصوصاً اذا قارنته بالتويوتا اف جي .. وبالنسبة للهدوء كذلك وانت مسرع 120 الي 140 كيف صوت المكينة والهواء وعلى كم يكون الار بي ام وسرعتك 140 ؟

احتاج رد صادق وفي اسرع وقت ممكن ... الرجال يفكر في الاف جي كروزر وانا بغيت له الاحسن.

والله ما جربت الافجي لكن خله يسوي بيناته مقارنه ويشوف وش الي يصلح له
اما عن صوت المكينه الافجي مزعج شوي الدبه الي عليه مزعجه نعوا ما لكن لا يلتفت للامور هذي فيه ماهو ادها منها
اما بالنسبه ل rbm الار بي ام الاكستيرا على 140 تقريبن 2ونص او اقل شوي وال180 او170 على 3
يكون في علمك انهم مهتمي كثير بالامر هذا وزودو نمره سادسه علشان يريح الموتر
فالخط
على العموم لا يقدم على شي الا وهو مستخير
الله يوفقه

[الليث الذهبي]

اكستيرا ٢٠١٠ فل كامل بدون دفلك اسود مغير رفرف امامي بسبب ظربه
بسيطه ماشي ٥٨ الف
كم يسواااااا ؟؟؟؟؟

والله مالي علم بالفل لكن السياحي يلعب بالسبعين او الثمانين انت وشطارك
اتوقع والعلم عند الله الفل بالتسعين يزود وينقص
يفيدونك الشباب ان شاء الله