***رابطة ملاك الخرازه البرازيليه (ماجتيك)***

[أبو عمَار]

حقيقة شوقتوني لإقتناء الخرازة البرازيلية بالرغم إن عندي وحده "برنو" جديدة.

[الشقردي 1]

الاخ الي يسألأ عن وزن الدربيل
تجيب لك طاوله عليها ملزمة وتربط البندق عليها وتوقيها بقطعة قماش او كرتون علشان لا تتمخش وتحط لك هدف (كرتون او بلاكاش لونه ابيض) بعيد لايقل عن 100م وترمي عليه وهي مثبته بالملزمة وبعدين تركب الدربيل وتوزنه على الصواب الاول
انا ماجربتها ولاكن شفتها مع اخوي وما اعجبني حديدها اعتقد على الوقت الطويل تكثر اعطالها وترا 100رصاصة ممكن ترميها بطلعة وحدة ولا اعتقد انه يأثر فيها كثر الرمي الا اذا كان عربود الطلقة نحاس وعلى كميات كبيرة.. وبالتوفيق

[الهواوي_1]

السلام عليكم ..... بغيت اسأل عن وين احصل لها جراب ... خشبها حساس مرة .......مع العلم مكان التواجد الرياض

[عين حصنان]

السلام عليكم ..... بغيت اسأل عن وين احصل لها جراب ... خشبها حساس مرة .......مع العلم مكان التواجد الرياض

نزلت لها جرابات خاصه موجوده عند جميع محلات الصيد بعد ما اِنتشرت هذي البندق

اذا الساحل الغربي وصل لها بــ 30 ريال... اجل كيف الرياض .. اكيد تحصل بالراحه

موفق خير

[الهواوي_1]

تسلم ياعين حصنان ...لكن مالقيت الليله اللي راحت دورت ومالقيت

[رامي فهد]

الخرازه البرازيليه من ناحيه الكرف تكرف معك.
انا رامي فيها اكثر من ثوبين والحمد الله ماشفت فيها عيب.

[عين حصنان]

تسلم ياعين حصنان ...لكن مالقيت الليله اللي راحت دورت ومالقيت

في ينبع البحر عند الفوزان طريق جده امام بريجستون والغرفة التجارية

[رامي فهد]

السلام عيكم اخوي عكس التيار بالنسبه لوزن الخرازه يمين ويسار فيه بنفس الشعيره الي بالنص فيها مسمار على الجنب تحركه بالمفك يمين ويسار توزن معك

[عين حصنان]

مااشاااااااااء الله ماشاء الله عليها البرازيليه

عز الله بيضت الوجه بالمقناااص هذا

ركب ناظور و توكل على الله

ماشاء الله عليها والله والله ترمي رمي البرنو و دقتها و صوابها

لا احد يستهين فيها يا اخواني بندق يعني بندق

جعل فالها الشحمممممممم

[محب الخيال]

مشكور اخي على الرد انا ودي اركب عليها دربيل فويش رايك هل احتاج اغير العلم او لا

[عين حصنان]

مشكور اخي على الرد انا ودي اركب عليها دربيل فويش رايك هل احتاج اغير العلم او لا

مراسلنا الغالي محب الخيال

ما قدرت اعرف ... ماذا تقصد بــ ( العلم ) بارك الله فيك

[NASER-H]

يالربع مساعدتكم
انا فككت الخرازة الي عندي من الي
وجيت اركبها عيت تركب قطعة الزناد والسسته تبعه
الي يعرف كيف الله لايهينه يعلمني كيف و بصور
تكفون ....

[الحربي حاتم]

بسم الله الرحمن الرحيم
الخرازة ماتسوى أبد وحقها أقل من الف ريال بكثير عيوبها مثل ماقال الروقي القمع الفارغ يخرج ساخن جدا عكس الخرازات الأخرى ووسخ من الملح وهذا دليل على أن الخرازة فيها تنسيم وعدم ملائمة الرصاصة للمخزن تماما .
الرصاص أحيانا يعلق فى المكينة مايخرج مظبوط يعني المكينة تحرض عليه عند خروجه من الماصورة .
المكينة تلك في بلاستيكة المخزن بعد الطلقة الأخيرة مما قد يؤثر على المخزن ويكسر حامل الرصاص البلاستيكي .
البندق ماتسوق وحقت رمي خمسين متر وأقل يعني لو ترفع النيشان لأخر شي ماتتعدى مية متر . وحلها فقط أما تغير الحبة الأمامية بوحدة طويلة أضعاف الأساسية مرتين تقريبا . أو تركب لها دربيل للمسافات فوق 100 متر .
وخشبها سيء ورديء .
وحديدها سيء وخفيف ماهو حديد سلاح .
وميزتها فقط والناتجة عن عيوبها . خفتها وقصرها .
وهذا الكلام من تجربة ثنتين ماهي وحده .

[صياد حباري]

إخواني بارك الله فيكم عني استفسار بخصوص الحرازة .
هل صحيح أن المدى القاتل للخرازة يصل إلى كيلو ونصف ؟؟؟؟؟؟؟؟؟؟؟؟
وما أفضل رصاص خرازة للمسافات المتوسطة وصوت ضعيف؟؟؟؟؟؟؟؟
مشكورين مأجورين من رب العالمين

[O.Z]

[QUOTE=الحربي حاتم;7505348]بسم الله الرحمن الرحيم
الخرازة ماتسوى أبد وحقها أقل من الف ريال بكثير عيوبها مثل ماقال الروقي القمع الفارغ يخرج ساخن جدا عكس الخرازات الأخرى ووسخ من الملح وهذا دليل على أن الخرازة فيها تنسيم وعدم ملائمة الرصاصة للمخزن تماما .
الرصاص أحيانا يعلق فى المكينة مايخرج مظبوط يعني المكينة تحرض عليه عند خروجه من الماصورة .
المكينة تلك في بلاستيكة المخزن بعد الطلقة الأخيرة مما قد يؤثر على المخزن ويكسر حامل الرصاص البلاستيكي .
البندق ماتسوق وحقت رمي خمسين متر وأقل يعني لو ترفع النيشان لأخر شي ماتتعدى مية متر . وحلها فقط أما تغير الحبة الأمامية بوحدة طويلة أضعاف الأساسية مرتين تقريبا . أو تركب لها دربيل للمسافات فوق 100 متر .
وخشبها سيء ورديء .
وحديدها سيء وخفيف ماهو حديد سلاح .
وميزتها فقط والناتجة عن عيوبها . خفتها وقصرها .
وهذا الكلام من تجربة ثنتين ماهي وحده .

البندق رميت فيها مسافة 150 متر بعداد السيارة للتجربة وماشاء الله ساقت وبعدين اخوي ابي توضح لي علاقة الدربيل في مسافة الرمي لأي بندق سواء ركبت دربيل 100 متر او 200 متر.