أكلات إيطـاليه i!iعلى رمال النفود الذهبيه i!i»» من أخت البنات

[أخت البنات]

حياكم الله أخواني واخواتي
أعضاء وزوار مكشات
الموضوع أشهر الأكلات الإيطاليه
والقائمه او الmenu
1- بيتزا بالخضار والسلامي
2- لزانيا
3- الرزويتو بالمشروم ،،و الخضار << الرزيتو معناها الرز باللغه الإيطاليه
4- سلطه إيطاليه
5- دجاج مشوي بالتتبيله الخاصه واللذيذهـ
6- حلا التيراميسو << من أشهر الكيكات الإيطاليه
7- شاهي أحمر وشاهي أخضر
8- قهوهـ عربيه << ضيفة الشرف
~~~~~~~
وهنا صورة المقادير : لكل الطبخات
وراح اشرح كل طبخه ان شاء الله لوحدها

صورهـ ثانيه للمقادير وكتبت على كرتون اللزانيا
ان هالنوع مايحتاج سلق << يناسب البر

وتصوير غير

هذي عجينة البيتزا عجنتها من الليل ووضعتها بالكيس النايلون بالثلاجه
مقاديرها: 2 كاس دقيق ابيض .. و3 ملاعق حليب جاف(نيدو) 1 سكر<< تتفاعل من الخميرهـ 1 ملعقه خميرهـ فوريه.. 2/1 ملعقه ملح .. زيت زيتون مقدار فنجان قهوهـ

1 كاس ماء بارد.
تخلط المقادير الجافه مع بعض ونضيف لها الماء اللي مزجنا فيه الخميره والسكر
وبعدين الزيت وتترك لمدة ساعه وبعدين نحطها بالثلاجه اذا بغينا نسويها من بكرا..

هنا اول شي
ذوبت قطعة زبدهـ مع شوي زيت زيتون لعمل الريزيتو

أضفت البصل وشوي ثوم

وقطع دجاج الفيليه
و الفلفل الأسود والملح والمشروم الطازج


يتبع لاهنتوا..

[أخت البنات]

نكمــــــــــــــــل

وضعنا الرز المصري والمغسول
مقدار 2 كاس

ووضعت الخضار الجاهزهـ

وملحنا.. الرز
ونضيف عليه ماء مغلي ونكثر لان الطبخه قوامها مثل السليق

هنا وهو عم يغلي غلي.. وحطيت فلفله حااارهـ

اهم مايميز الرزيتو اضافه الكريمه الطازجه
والأجبان وتعتمد على ذوقكم
اي اجبان تحبون يعني سايله كريميه او شدر
او البرميزان..
انا حطيت كريمه خاصه للطبخ ..وجبن شدر سائل

هذي العجينه فردتها
و نزينها بالخضار ولحم السلامي
و شرايح الزيتون والبصل ورشة اوريغانو ..
والأجبان اللي تحبون

هنا جهزت وبسم الله نحطها على الحطب

تاخذ وقتها من الاسفل وبعدين
حطيت قصدير وجمرات عشان تتحمر من فوق

هنا بديت بعمل حشوة اللزانيا
نحمر بصل وثوم بقطعة زبدهـ وشوي زيت زيتون

وهنا بديت بعمل
صلصةالباشميل للزانيا
ذوبت قطعة زبدهـ و3 ملاعق دقيق ابيض
واضفت عليهم لتر حليب طازج
مع التقليب بسلك خفق البيض حتى مايتعقد الدقيق

صورهـ من زاويه ثانيه

يتبع .. يتبع

[أخت البنات]

نكمل الطبخات

اضفت هنا لحم عجل مفروم مقدار 3/1 كيلو

واذا تحمر.. زيييييييين نملحه
ونضيف قارورة الصلصه
الخاصه.. للمكرونه كامله ونمليها
ماء مغلي ونضيفها.. على اللحم ونتركها تتسبك


الان بالصينيه التيفال وضعنا طبقات
اول شي لزانيا وفوقها حشوة اللحم والصلصه ورشة جبن موزريلا مبشور
ونصب شوي من صلصة الباشميل

هنا بديت بالطبقة الثانيه ونفس ترتييب الطبقه اللي ذكرتها من قبل

الطبقه الثالثه ونفس الشي وراح يكون اخر طبقه لزانيا وباشميل وجبن موزريلا

قبل ينتهي الرزيتو بـ 15 دقيقه نضيف عليه ملعقه ونصف جبن سايل ونحرك

يلا يلا لاهنتي تفضلي ع الحطب
محتاجين المنقل لشوي الدجاج
وهنا نقلتها وتحايلت ع القانون وحطيت فوقها صحن قصدير وجمرات
لانها لازم تتحمر من فوق..

ووضعت الدجاج المتبل بنفس التتبيله اللي ذكرتها بموضوع سابق
وبصراحه التتبيله ماشاء الله
تعطي طعم جوناااااااااااااان

تابعوا يا كرااااااااااام

[أخت البنات]

نكمل

سفرتنا جاهزهـ

النتيجة النهائية لـلـبـيـتـزا

اللزانيا بالفرن تظبط احسن من هالشكل

تصوير من زاويه ثانيه
ونفس الشي أهلي جلسوا وانا اصور

والله سلم

وهنا كمان

صحن ناس ....

ماشاء الله بعد الأكلات الدسمه
لازم من شرب شاهي أخضر
وهذا النوع اللي بالصورهـ انصحكم فيه افضل شاي اخضر لتذويب الدهون ..

يوجد تقرير كامل عن الشاهي الأخضر

على هذا الرابط

لكل من سأل عن الشاي الأخضر << تفضـــلوا معلومات عنه .... ( اضغط هنا )

تابعو الجزء الأخير الله يعافيكم..

[أخت البنات]

بعد الغدا
~~~~~~~~
اكلنا حلا ( كيكة التيراميسو) واللي سويتها بالبيت لانها تحتاج
لوضعها بالثلاجه لمدة ماتقل عن 5 ساعات

المقادير:
ويمكن تعرفون الشكل من الصوره الموجوده
وهي الآتي،،
2 علبة بسكوت الأصابع واسمه vicenzovo
2 علبة جبن فيلادلفيا قليل الدسم( لايت)
1 حليب مركز الحجم الصغير
1 كرتون كريمة الخفق الخاصه للحلويات وزن 500 غرام
3 ملاعق سكر
4 ملاعق قهوة نسكافيه
بودرة الشوكلاته للتزيين
1 كاس ماء بارد
الطريقه:
نخلط بالخلاط الكهربائي الكريمه والجبن والحليب المركز والسكر ونتركه لمدة 5 دقايق حتى يتجانس مع بعض
نذوب القهوه في الماء ونغمس فيها اصابع البسكوت بشكل سريع يعني حتى لايذوب البسكوت
وترص في قاع الصينيه اللي تفك بعد الانتهاء..
ونصب كميه من الخليط على طبقة البسكوت ونرص طبقه ثانيه بسكوت ونفس الشي نصب من الخليط
واالطبقه الثالثه بسكوت وشوي من الخليط ونحطه بالثلاجه لمدة ماتقل عن 5 ساعات حتى يجمد
واذا ماعندكم وقت يوضع بالفريزر..
وبعد مانطلعه من الثلاجه نفك جوانب القالب ونرش ع الوجه شوكلاته بودره او مسحوق الشوكلاته..
وأي استفسار انا حاضره

وفي الصورهـ ع اليمين مقادير الحلا
وع اليسار كيس لحفظ الأكل حار وبارد حطيت فيه حلا التيراميسو وبعدها صورة الحلا
وقطعه منه


الأجواء يومها ماشاء الله كانت رائعه وخياليه
غيوم ومطر ديم وصورته
وانا جالسه بالجلسه اللي خارج الخيام..

سبحان الله

هنا بديت بعمل المهيله << يازين ريحة الهيل والزعفران

وهذي جلسة الكيف بعد العصر
شاي ع ..الجمر .. وتمريه ومكسرات

وبعد صلاة المغرب كملنا
وهنا اصب فنجال للغاليه
الله يطول بعمرها

وكملنا الجلسه سوالف والله يجمعنا دايم وياكم ع الخير والمحبه ..آمين
في أمان الله ..وإن شاء الله

[مراقب الصيد]

ما شاء الله تبارك الله
طبخات مشهية مؤلمة للجوعان مثلي

[الواثق 7]

يسلموووووووووووووو هالديات وبالعافيه

[مركز الثقل]

ابدااااااااااااااااااااااااااااع

[أطلال نجد]

ما شاء الله عليك يا أختي الكريمة / أخت البنات

المطعم الإيطالي مرة وحدة في البر (:

متميزة دائماً

ألف شكر لك على هذا التقرير والمجهود الرائع .

تحياتي

[بوخليفه77]

ماشاء الله خلطه منوعه متكامله
تسلمين
بالعاافيه
تحياتي

[محب الشبه]

بارك الله فيك وكتب لكم السعاده في الدارين

[ayooooop]

الله
ما شاء الله
نظاااااافة وسناعة واتيكيت وكل شي تمام
الله يحفظك يا بنت الناس

ما شاء الله
شوقتينا لباقي الصور !!!

وأخيراً ايوب غيري بالمملكة

[HAS5SAN]

الحمد لله دخلت الموضوع وانا شبعاااااااااااااان
الله يعطيك العافيه اختي الكريمه
ويحفظك لأهلك

[ألأطلسي]

ماشاء الله عليك الله لايضرك
وش سويتي فينا

اخت البنات مافيك حيله اتعبتينا واتعبتي اللي بعدك
لازم ارجع اكثرمن مره للموضوع عشان امخمخ
لودريت مانزلت موضوع الهرفي بس شكلي ابقلبه حاشي
لاهنتي وبارك الله فيك

[البقمي911]

ماشاء الله ابدااااااااااااااااع