كبسه مستعجله آخر الليل..ابو مشعل

[أبو مشعل]

السلام عليكم ورحمة الله وبركاته

هذي الكبسه المستعجله سويتها و انا طالع من العمل كنت جوعان ولا لي نفس اكل شي وبعد مبارات فرنسا و المكسيك قلت ياولد سولك شي خفافي وسهل وطلعت هذي الكبسه

اشكر اخي العزيز دهران علي البرنامج المفيد الله يجعله في موازين اعماله

الي الكبسه

ابريق التفويح

هذا قدري الحبيب العجيب

منظر للقدر ( وش رايك يا اخي الأطلسي)

تونه حبيبت المستعجل و العزوبي

وضعت التونه بلقدر و اشعلت النار

منظر القدر علي النار الله يكافينا شرها

وضعت الملح و بعض الكسبره المطحونه

و وضعت بعض اليمون الأسود المطحون

و وضعت الماء وقليل من الزبده

غطيت القدر بالطباقه لخمس دقايق

فتحت الغطاء ما شاء الله يقرقع

شف الصوره مع جهه ثانيه ( حبيبي يا قدري )

و وضعت الرز (ما شاء الله اثري قاعد السبح )

الرزيزه بدت تنبررر

ما شاء الله الزيزه بدت تبان

الله الله عليكي يا الرزيزه

الله الله الرزيزه بانت

ودي اروح أكل

لا ترحون تراي جاي

فيه تكمله لا احد يرد...........أبغسل يدي

[أبو مشعل]

عدنا الي الكبسه بعد تنشيف اليدين

الرز والصحن بجنب بعض الله يستر عليهم

شف الرزيزه مع التونه وينكم يا العزاب

قدري مع كبيستي يا الله ان تحفظنا

وين محبين الحكاكه يا اهلللل الحكااااااكه

ما شاء الله

رزيزه والبين بقر طبيعي مع جحيحه شي خيال

وهذي صوره لتعذيب

وهذي الصوره الي أحبتي في مكشات العزيز من مشرفين الي اعضاء و الزوار الكرام

ان شاء الله اعجبنكم الكبسه المستعجله

وسلام ختام

اخيكم في الله المحب لكم كل خير

ابو مشعل

[أبو تالين]

مـااشااء الله

عوآآفي ~

^^

[رفيع المقآم]

عوافي يالغالي
بصراحه ع الطاير هالطبخه
ثواني اروح اجربها واجي

[بن جعيثن]

بالف عافيه واطعم من شغل المطعم
شكل الموضوع اخذا وقت اكثر من اعداد الكبسه

[عجاج السناف]

ابومشعل اول ما اجي للجبيل ان شاءالله لي لقاء معك الله لا يعوق بشر
طاسة اللبن تضيع المراجل قدمه
والكبسه ما شاءالله عليك متخصص به
سريعه وخفافيه

بيض الله وجهك

قوم سلطان خله يتعشاء معك


تقبل مروري

[الباثفندر 3.5]

ما شاء الله

[الحربي 2010]

ماشاءالله عليك كبسه خفيفه بالف عافيه وهناء ان شاءالله

[ابو ســــاره]

سمك و لبن خابرها خلطة تسمم !
جعلها مداخيل العافية

[جوبتير]

مع اللبن الطبيعي يا ساتر سترك
الله يعطيك العافيه على الطبيخة الخفافي والسهلة والسريعة رز بالتونه كلام كبير

[s3oodi]

ماشاء الله تبارك الله

شغل صح وسررريع

بس بغيت أسألك أخوي ابو مشعل من وين هالقدر شكله خطير وحق كبسات صح

واتوقع انه أثررري بعد

بس دلنا وين نلاقيه

[مازن_55]

يعطيك العافية

[المغرز]

ماشاء الله تبارك الله

شغل صح وسررريع

ومع السلااااااااااااااامه

[أبو مشعل]

مـااشااء الله

عوآآفي ~

^^

الله يعافيك ويخليك لعين ترجيك

وجزاك الله خير علي الرد

اخيك في الله

ابو مشعل

[أبو مشعل]

عوافي يالغالي
بصراحه ع الطاير هالطبخه
ثواني اروح اجربها واجي

حياك ربي يا الحبيب

تروح بسلامه وترجع بلعلوم الزينه

الله يجزيك الجنه مع والديك

اشكرك علي الرد

اخيك في الله

ابو مشعل