و أنت في رحلة وسط البر ... وجدت أغراض سقطت في الطريق ... ماذا تعمل ؟؟؟

[دكتور بر]

والله سبق واجهتنا هالمشكلة وسط الصمان

ولقينا مواد تموينية كاملة طايحة من ونيت هي وكرتونها ولا فيه أي إمكانية لمرور سيارة في طريقنا.... لأن الطريق لا يوجد في القارمن وليس على جرة أو خط ترابي،

أخذناه وتتبعنا الجرة الوحيدة على الخط لمدة ثلاث ساعات ولم نجد له أي أثر

قلنا ما بدهاش ... ووزعناه على الرعاة في البر

والله يكتب الأجر....

[مخرب طلعات]

((فصل أول ابتدائي فهو عندهم ذو اهمية ... )) ههههههههههههههههههههههههههه

أخوي الكنترول (( أفضل طريقة )) The best

إذا كان المكان تروحله دوما ً أو مستمر


وشفت في طريقك (( شي ضايع مثلا ً _ فلوووس مولد كهربائي 5600 واط صندوق عفش ))

تخليه وتعطي صاحب الأغراض مهلة يعني أمممم (( إذا كان جديد أسبوع وإذا كان قديم من يومين إلى 3 أيام ))

وبعد أسبوع تروح لنفس المكان مثل ماتروح قبل يعني هي أصلا ً للنزهة بس وأنت بالطريق شوف المكان

إذا لقيتها راحت قوول الحمدلله أخذها صاحبها وإذا ماراحت خذها وتعتبر لقطه


ملاحظة (( على حسب ))

يعني إذا لقيت فلوس ناسيها صاحبها شوفها إذا كانت سعودية عطه مهلة أسبوع إذا كانت سورية عطه مهلة شهر

إذا كانت صينيه عطه مهلة سنة



في النهاية خذ الفلوس وسوي فيها مشروع (( إسكان مجاني - مسجد )) ووو إذا كانت قليله تبرع للتكارنه اللي بالحرم وتكسب أجر غير كذا صاحبها ياخذ أجر بدون تعب وبدون ما يدري


هذا رأيي الخاص

[ابوعبدالهادي]

والله انا حصلت مركى (مسند ) واخذتة وبعد ما شفت الموضوع ضاق صدري وش اسوى اردة مكانة والا حلال علية

[سنجااار]

السلام عليكم يسعدني ان اشارك معكم في هذا الموضوع الجيد ولا اطول عليكم
بس سبق وأن حصلت معي كنت رايح للحصبيات ( الصمان ) ولقيت فراش طايح على الخط وانا والله مسرع ابلحق على ربعي وألقاء راعي شاص اشوف حباله متحلله واوقفه ولا الرجال مادرى عن اغراضة ويحسبني ابسأله عن محل واقول ماطاع منك شي قال لا زين بس تفقد واول ما نزل قال الفراش قلت شلونه علمني وصار الفراش له وانا اقول ان لقيت شي شله يمكم يناطحك راعي الغرض سبحان الله وآسف على الأطاله مجدداً .

[راعي الروضة]

موضوع جيد وهام ونافع للكثير اثاب الله من طرحه ومن اثراه

[((الخالدي))]

أدور على راعية لمدة سنة واذ لم أجدة يكون ملكي

[عبود الدبدوب]

تروح اقرب محطه من المكان وتعطيه رقم جوالك وتقول لهم عن الموضوع وهم اذا جاء احد يسال عنه بيعطونه الرقم

[nashad]

خذها وان حصلت احد اسئله
ما حصلت احد خذه لك
وافضل انك تعلن في جريدة الوسيله علشان تبري ذمتك

[السنع كله]

انا عن نفسي ساتركها لكن ان وجدت في طريقي احد نبهت عليها اما صاحب المحطه ومن لا اره ثقه فلا اخذها لاعطيه ايها ان جاه صاحبها لاني هنا ابعدتها عن صاحبها فلو رجع لمكانها لم يجدها وانا من ابعدها الاسلم عندي تركها

[راع الابل]

باختصار شديد

بما أن منتدى مكشات له فضل على الجميع

فلابد ان نقدم له لو جزء يصير من بعض الفوائد


واذا حصل احد لقطة او شي ثمين في الطريق فما عليه الا الاعلان عنه في هذا المنتدى حتى يتداول بين الناس ومنها يزداد متابعي هذا المنتدى الغالي على قلوبنا

وامل من الادارة ان تفتح صفحة باسم اللقطة او اعلان عن اللقطة

هذا وبالله التوفيق

راع الابل

[جوالة]

يختلف باختلاف الوضع والموقف واللقطه ...
فمثلا الحكم الشرعي في اللقطه أنه إذا كانت تتبعه همة أوساط الناس فيجب تعريفه لعام .أهـ
كما يجب عليك أن تنظر في أمر اللقطه :
- أن تأخذها وتعرفها لمدة عام .
- أن تتركها .

لكن أيضا بالنسبة لي إذا كان ذا قيمة وفي مكان تبين لي أن أحد جلس فيه فترة ثم مشى فإني أتركه لعل صاحبه يعود (وهذه حصلت لي عدت إلى المكان ثلاث مرات تقريبا) أما إن كان سقط من سيارة فلا يخلو من أمور وهي :
- أن يكون مضى عليها وقت وهذا بين فبإمكانك أخذه وتعريفه لمدة عام .
- أن يكون قريبا كأن تكون جرة السيارة نديه أي إمكانية عودة صاحب الغرض فتركه أولى .

نقطة أخرى إذا كانت اللقطة قابلة للتلف أو غير قابلة للتلف فإن كانت قابلة للتلف فهي لك أو لأخيك أو للذئب ...
وإن لم تكن فعرفها لمدة عام .

وهذا رأيي والله أعلم

[الكونترولCONTROL]

شكرا لمشاركاتكم ... بانتظار المزيد ....
===================

[نواف المزيني]

بالنسبة لي انا اخلية ولا اشيله لانه في الغالب رايح يرجع صاحب هذا الشي من نفس الطريق ليبحث عنه وان شاء الله يلقاه
لكن لو شلته وين بالقا صاحب هذا الشي صعبه ان لم تكن مستحيلة
وفي نفس الوقت ممكن اعمم بالكنود على العامة بوجود تلك الاشياء لمن ققدها
اكرر الغالب ان اكثر الي يضيعون هذي الاشياء يرجعون من نفس الطريق

والله اعلم

نعم هذا الصحيح

[AL-Hadbani]

أخذها وأصورها في موقعنا الغالي مكشات

[GPS K.S.A]

مشكور على الموضوع وانا من ناحيتي اخليااااا لان بيجي صاحباا ويخذاا