استشارة لأهل الخبرة ضروري تكفون

[غياض1]

السلام عليكم ورحمتة الله وبركاته
بدون مقدمات ، اواجه مشكله مع تكافل الراجحي وابي الاستشارة والعون :

المشكله : سياراتي موديل 2015 سيكويا صارلي حادث ونسبه الخطأ علي صفر بالميه

الاضرار بالسيارة : خروج كامل الايرباقات بالسيارة مع صدمه اماميه والجانبين بقوه ؟
قيمه الاصلاح : 58000بالوكاله
الورش اقل سعر للاصلاح : 90000
تقدير شيخ المعارض / 50000 طاح من سعر السيارة بعد الحادث

الراجحي يبغى يصلح السيارة وانا ارفض ؟
سبب رفضي ، مستحيل يصلحها ابو جميل على الوجه المطلوب علما" بأني لو استخدمت السيارة بعد الاصلاح فيها خطورة على حياتي لان السيارة افتقدت لجميع وسائل السلامه ؟

الي صارله مثل مشكلتي او عندة اجابه او يعرف رقم محامي يعلمني حقوقي

لايبخل علي
تعبت نفسيا" من تعاملهم السيء واللغير منطقي

مؤوسسه النقد تواصلت معهم بلاجدوى
شكاوي على البنك مافيه ردود

[YUKON_GMC]

تشتكيهم على وزارة التجاره وليس موؤسسة النقد ..@

لكن وش المشكله لوصلحوها لك اكيد تصليح وكاله وبيرجعون لك كل شي مثل ماكان ووسائل السلامه اكيد بيركبون فيها ايربقات وكل شي ولو ماصلحت 100% تقدر تشتكيهم على وزارة التجاره

لكن الان مالك حق عليهم لو تشتكيهم للمحكمه لأن اللي لك عليهم ان سيارتك تتصلح اوتستبدل في حالة التلف الكامل .. وصدقني لو الشركه المؤمنه تعرف ان التلف اكثر من النصف ان يرفضون الاصلاح واعرف ناس كثير صادروا سياراتهم وباعوها تشليح شركات التامين بحجة ان الاصلاح يكلف اكثر من النصف

[غدر الزمن]

اذا كان ابو جميل مستحيل يصلحها على الوجه المطلوب اجل من يصلحها ......خلهم يصلحونها عند ابو جميل وشغله على الضمان اي ملاحظه على الشغل ترجعها ويصلحونها .... وتحمد الله حولو اصلاح السياره للوكيل مهو لورش عاديه ..... منت بحاجه لشكاوي ومحامي توكل على الله وتركهم يصلحون سيارتك عند الوكيل