هايلوكس+ديماكس (استفسارات)

[الهواوي_1]

السلام عليكم جميعا ....بعد خدمة اربع سنوات مع الهايلوكس (ديزل )




تم بعون الله الانتقال الى ديماكس (2007) قير اتوماتيك....من كم شهر وعن قريب ان شالله بنزل موضوع مقارنه




واسأل الله ان يطرح فيه البركه وبحكم خبرتكم في الديماكس عندي بعض الاسئله الله لايهينكم

1- يوجد زر عند القير حق الباور وماعرفت على اي وضع هو محطوط لانه مايوجد لمة تشرح اي وضع هو ...تولع الثنتين عند التشغيل وتطفا..واي وضع افضل ؟

2-الانوار تعتبر ضعيفه مقارنه بالهايلكس...هل اغير شمعات او اضيف كتاوت ؟ ماتخارج انواره مرة

3-احتاج تركيب ونش زي الهايلكس بس سألت قالوا لازم خارجي...احد يخبر احد مركبه داخلي لاني قد شفته في مقطع يوتويب مركب داخلي واذا ولا بد صورة للتركيب الخارجي اذا شغله زين ممكن نسويه

4- ودي اسأل عن حجم كفرات مناسبه له غير الماكسس اللي عليه مع العلم ان عندي هلل مع دنلوب (ابولبنه) وقام يحك الامامي يعني مايضبط هالنوع

5- لاصحاب القير الاتوماتك بغيت استفسر عن قوة صبر هالقير لاني سألت وقالوا مافيه ويكلف حول 8 لو خبط....مع العلم ان استخدامي مو عنيف بس لو احتجت يوم اسحب او شي ...هل يتحمل ؟

هذا اللي عندي الحين عشان ماتملون ومستقبلا بزيد ان شالله ومو شرط الاجابة على الكل للي عنده علم وسلامتكم مع شكري مقدما للتجاوب
(فنجال واحب الشاص) بحكم اني صاير صديقكم يوم حديتوني في سلطانه الله لايهينكم اجتهدوا في الاجابه

[فنجال ورجال]

صديقي أبشر الشباب ما يقصرون بس ليتك استفسارك يكون عن طريق الرابطة حتى الجميع يستفيدون
وأبشر باللي يسرك

[الهواوي_1]

تسلم والله ...بس هل فيه طريقه انقل الموضوع هناك ؟ او اعيد كتابته هناك ؟
بحاول اعيده هناك

[العطة]

السلام عليكم ورحمة الله وبركاته

هلا اخوي الهواوي_1

كان ودي ارد عليك اول ماطرحت الموضوع ,لكن تذكرة انك لم تلبي دعوة الرابطة في الاجتماع في المرة الاول وكذلك في الدعوة الثانية (بالقوة)

امزح

السؤال الاول نحتاج نجرب السيارة

2-جرب غير الشمعات لكن لا تغير قوة الشمعة, ركب زنون سعرة معقول وانارته افضل, تقريبا 300 ريال ممكن تلقاة في قسم تجيهز السيارات.

3- ونش متحرك اسهل واكثر مرونة.

4- مقاس الكفرات الوكالة 245/70/16,
وانت ورغبة في رفع السيارة, شحصيا ماغيرت مقاس الكفرات.

5- قابلت احد الاخوان وقالي ان القير الاتماتيك يصبر , سيارتة ماشية فوق 250 الف.

عندي سؤال اذا ممكن

الشد كم كلفك ,وين فصلته, وزنة ممكن تركبة بنفسك,صور

ابوعبدالاله

[الهواوي_1]

هلا بك اخوي العطه ...واللي خلاني ماشوفك هو صديقك فنجال وصديقك احب الشاص ماعلموني ان معهم قدر حجر ولاقاولوا لي ان فيه كبدة صاج والا انا مقابلهم على مفرق صلبوخ .... الجايات اكثر
اشكرك بخصوص ردرودك واعتذر على التاخيروالشد مفصل في القصيم باعطيك معلوماته مفصله مع الصور لاحقا ان شالله

[الهواوي_1]

هذي صورة الشد على طلبك اخوي العطه ....من ناحية التكلفه 2600 بالقصيم...ومافكه لاني ماحتاج انزله لان السيارة تقريبا ماتتحرك الا في الطلعات

[eameh]

استغفر الله واتوب اليه