طريق القصيم-عرعر (سؤال عن اقصر وافضل طريق)

[مكشاتي ١٤٣٢]

بارك الله فيكم افيدونا عن اقصر وافضل طريق يصل القصيم بعرعر

[abumohmd]

على خبري في الطريق القديم

القصيم - حفر الباطن 400 كلم
حفر الباطن - رفحاء 230 كلم
رفحاء - عرعر 220 كلم


لا أعرف إن كان هناك طريق من الجوف إلى عرعر

[ابوسعود511]

انشالله يفودونك الاخوان

[المعاون]

السلام عليكم
افضل طريق من القصيم الى عرعر هو
القصيم الى حاثل ومن حاثل الى الجوف
ومن الجوف الى عرعر
هذا افضل طريق لك

[صقر قبه]

أخوي فيه طريقين من بريده إلى عرعر الاول من بريده ثم الاسياح يعني عين ابن فهيد ثم قبه ثم ساموده
ثم رفحاء والمسافه قبه من بريده 140ك وساموده 95 ك ورفحاء من ساموده ماذكره

وطريق الثاني تطلع من بريده مع طريق حائل القديم حوالي 100ك ثم تحصل مفرق الاجفر وتطلع على الاجفر
ثم الخوير ثم الزبيره وتطلع من الزبيره باتجاه الشمال وبعد90 ك تحصل دوار أو حرف t يسار يروح التربه
ويمين يروح لينه أذهب مع طريق لينه ثم رفحاء ثم عرعر
وتمنى لك التوفيق

[مكشاتي ١٤٣٢]

بارك الله في الجميع

[الفرائضي]

لو تركب لك قارمن بالجوال يطلع لك جميع الطرق

[رااس القطاه]

احسن شئ القصيم +قبه+ساموده+لينه+رفحاء+عرعر= الله يسهل طريقك منين ماوجهت
المسافه كلها تقريبا 700

[أبوغمارة]

احسن واسرع طريق وطريق سريع والمسافة كلها 700 كيلو
طرق القصيم حائل الجوف السريع ثم تطلع من الجوف الى عرعر 150 كيلو

[قزيزالنعام]

ابشر بطريق اقرب واحد ووناسه ممشى معه طريق لقصيم حائل القديم ثم يمين معا الشعلانيه ويجيك حرف Tتروح يمين تربه وبعد تربه الحيانيه يجيك خط يروح يمين على اليديه زهوه هجره بن عايش على الخط الدولى قبل العويقيله 10كيلو تم عرعر و بسلامه

[ساري15]

ابشر بطريق اقرب واحد ووناسه ممشى معه طريق لقصيم حائل القديم ثم يمين معا الشعلانيه ويجيك حرف Tتروح يمين تربه وبعد تربه الحيانيه يجيك خط يروح يمين على اليديه زهوه هجره بن عايش على الخط الدولى قبل العويقيله 10كيلو تم عرعر و بسلامه

ياللي تبي عرعر من القصيم خذ الوصف اذا لطريق بريدة > عرعر

وللعلم هذا طريقي وانا معه سردادي مردادي ارتاح له حيل حيل مع ان فيه بعض اللفات وسوء الطريق في بعض الوصلاااات

تطلع من بريدة طريق حايل القديم كما تفضل الاخوان الى شري > تعدا شري يجي 60 كم
يجيك مفرق الاجفر يمين 20 كم تقريبا تدخل الاجفر ويجيك دوار تاخذ يمين وروح لك تقريباً 15 كيلو يجيك مفرق على اليساااااار<< المياه >> اللي هي شعبة المياه على ماظن 44 كم
روح حتى يصير الخط حرف T يسار بقعاء يمين تربه والمياه خذ يمين > تربه = 60 كم تقريباً تدخل تربه يجيك الدوار الثااااااااااااني خذ يسااااااار مكتوب > جبلة > الحيانية > الادية

روح معه ولاتنسى تفلل بانزين من المحطه اللي على يمينك قبل تطلع من تربة

وتوكل على الرحمن ولاتسرع لأن الخط بهالمنطقة مش ولا بد وانتبه من البعااااااارين

تجيك جبلة > بعد تقريباً 40 كم -- رووووووح لايمين ولا يسار حتى تقول سلاااااام يالدويد

يجيك خط ((( رفحااااء < > عرعر ))) اطلع يسار وتاصل بالسلامة طال عمرط



ونأسف على الإطااااااااااالة

محدثك ساري15 من عرعر وراجع الجمعة بعون الله الى القصيم

وتقبل تحيتي

[الصامل1]

جزاك الله خير

[جنط السفاري]

اخوي بنظري والاسلم باذن الله
القصيم حائل ٢٤٠ كم
حائل الجوف ٣٥٠كم
الجوف عرعر ١٦٠ كم

[جنط السفاري]

وعلى فكره طريق حائل الجوف ونيس بالنهار
والطريق من القصيم الين عرعر سيدين وسريع

[جنط السفاري]

وعلى فكره طريق حائل الجوف ونيس بالنهار
والطريق من القصيم الين عرعر سيدين وسريع