كلتش ددسن دفرنسين &&&&&

[(((.ابوتميم .))))]

السلام عليكم ورحمه الله وبركاته
ارحب كل اعضاء هذا المنتدى الكبير
عندي الموتر فزته ضعيفه ودايم اذا غيرت من نمره الى نمره اذا فلت الكلتش الموتر مايلقم يقعد يحن كني مابرحت اضغط كلتش
وفي الخط مايمشي والموتر بشكل عام ثقيييل
رحت لمكينيكي قالي طقم كلتش دزق وفحمه وكلتش
فا وش رايكم اغير والا يمكن العله غير ؟؟
الشي الثاني زيت الدبل والقير مشيته 150 الف اغير الزيت والا هو من الاساس مايتغير لاني فحصته وقال يبي تغيير ؟؟
السيارة ددسن دفرنسين 2005 ماشي 150 الف
وياليت لو تعطوني ورشة ممتازه في الرياض ؟؟؟
وعساكم على القوه
تحياتي

[(((.ابوتميم .))))]

من امس حاطه ولا رد اعوذ با الله

[YUKON_GMC]

بسيطه يارجال وسع بالك الناس تطادر اخبار المطر والطيور والضبان وتتابع اخر اخبار القنص والكشتات والادوات الخاصه بها ولا احد فاضي يرد

بالنسبه للكلتش ضعف صحن الكلتش واضح ويعرفه اي ميكانيكي

اول شيء - يطلع رائحة حرق زي رائحة حرق الكرتون واظن تعرفها
ثاني شيء - تضعف قومة السياره وتقدر تمشيه بالثالث
ثالث شيء - وماهو دائم - يطلع بالقير رعشه او رجه خفيف او ماتمشيء

المسببات - اما حرق صحن ودائماً يكون السبب التغاريز - او وجود تهريب زيت على صحن الكلتش مما يؤدي لأنزلاق الصحن مع الدزق او مراية الدزق

تقدر تغير صحن فقط وتصنفر الدزق لو لم يتضرر

الزيوت - اكبر غلط تغيير الزيت للقير العادي والدفرنسات وحتى الدبل

الزيوت اللي تغير - زيت المكينه وزيت القير الاتوماتك فقط

[(((.ابوتميم .))))]

بسيطه يارجال وسع بالك الناس تطادر اخبار المطر والطيور والضبان وتتابع اخر اخبار القنص والكشتات والادوات الخاصه بها ولا احد فاضي يرد

بالنسبه للكلتش ضعف صحن الكلتش واضح ويعرفه اي ميكانيكي

اول شيء - يطلع رائحة حرق زي رائحة حرق الكرتون واظن تعرفها
ثاني شيء - تضعف قومة السياره وتقدر تمشيه بالثالث
ثالث شيء - وماهو دائم - يطلع بالقير رعشه او رجه خفيف او ماتمشيء

المسببات - اما حرق صحن ودائماً يكون السبب التغاريز - او وجود تهريب زيت على صحن الكلتش مما يؤدي لأنزلاق الصحن مع الدزق او مراية الدزق

تقدر تغير صحن فقط وتصنفر الدزق لو لم يتضرر

الزيوت - اكبر غلط تغيير الزيت للقير العادي والدفرنسات وحتى الدبل

الزيوت اللي تغير - زيت المكينه وزيت القير الاتوماتك فقط

ولا شي من الي انت قلت طالع معي
بس شي واحد طالع الي هو اذا غيرت من نمره الى نمره مثلا من الثاني الى الثالث احط القير با الثالث وافلت الكلتش الموتر مع انه في نمره بس يقعد يحن كني توني مافلت الكلتش يعني الموتر يفضي كنه مهوب في نمره مع انه في نمره اتمنى وصلت الفكره زياده بعد الثقل الزايد في قومه الموتر ومشيه
بيض الله وجهك

[YUKON_GMC]

إذا عشقت بالثالث ورفعت رجلك عن الكلتش وقام يحن شوي وبعيدين يمشي .. هذا اما صحن الكلتش حرقان او جايه زيت ويفلت .. خصوصاً لو صارت الحنه تطلع بكل النمر

او وزن دعسة الكلتش ماهي مضبوطه .. ؟؟

سؤال _ إذا كان الموتر طافي .. هل دعسة الكلتش فيها فضاوه بسيطه قبل يضغط على بستم الكلتش ..

اقصد فضاوه بسيطه مقدار 1 سم او اقل .. .. ؟؟

لو مافي فضاوه .. رح اوزن الكلتش اول شيء وشيك على علبة الكلتش والزيت .. مع اني اعتقد انه صحن ..!!

[(((.ابوتميم .))))]

إذا عشقت بالثالث ورفعت رجلك عن الكلتش وقام يحن شوي وبعيدين يمشي .. هذا اما صحن الكلتش حرقان او جايه زيت ويفلت .. خصوصاً لو صارت الحنه تطلع بكل النمر

او وزن دسة الكلتش ماهي مضبوطه .. ؟؟

سؤال _ إذا كان الموتر طافي .. هل دعسة الكلتش فيها فضاوه قبل يضغط على بستم الكلتش ..

اقصد فضاوه بسيطه مقدار 1 سم او اقل .. .. ؟؟

لو مافي فضاوه .. رح اوزن الكلتش او شيء وشيك على علبة الكلتش والزيت .. مع اني اعتقد انه صحن ..!!

لا في كل النمر لكنها تزود في الرابع والثالث والثاني اكثر شي
والكلتش فيه فضاوة 1سم او اقل بشوي وانا متاكد من وزنه انه ممتاز
الله يعطيك العافيه وانا اتوقع ان الكلتش قطعه استهلاكيه ولالا ؟؟
بيض الله وجهك وماقصرت

[(((.ابوتميم .))))]

في انتظار باقي الاعضاء

[أبوسعد111]

السلام عليكم ورحمة الله وبركاته

والله العالم أخي أبو تميم أن ماحصل لك سبق وأن عانيت منه
وأنتهت المشكلة بتغير الدزق والكلتش والفحمة

وبالنسبة للورشة أبشر
إذا تبي رقم الميكانيكي أرسله لك على الخاص

دمت بحفظ الرحمن

[(((.ابوتميم .))))]

السلام عليكم ورحمة الله وبركاته

والله العالم أخي أبو تميم أن ماحصل لك سبق وأن عانيت منه
وأنتهت المشكلة بتغير الدزق والكلتش والفحمة

وبالنسبة للورشة أبشر
إذا تبي رقم الميكانيكي أرسله لك على الخاص

دمت بحفظ الرحمن

جعل والديك في الجنه يا وجه السعد بس وش نوع موترك وياليت ترسل رقمه على الخاص لاهنت

[أبوسعد111]

السلام عليكم ورحمة الله
عذراً على التأخر بالرد

سيارتي ددسن دفرنسين 2006

وياليت تمر على الميكانيكي بالورشة ويفحص لك السيارة علشان تتأكد من المشكلة
والرقم بأرسله لك على الخاص مع وصف الورشة

دمت بحفظ الرحمن