ما هي افضل انواع الغنم؟؟؟

[nedawi]

السلام عليكم . . .
يا اخوان اخوكم ناوي يشتري غنم نعيميات
وذلك للذباح حق خوان شما الي مثلكم وشرواكم
ولكني ماعندي اي خبره عن الغنم و انواعها

تكفون حد من هل الخبره يدلنا على افضل انواع الغنم
و اسعارهن وين ينوجدن؟؟؟

[محمد التمام]

عليك بالنعيم اطيب لحم واقل امراض في البيع مشاء الله شفها في الحفر وعرعر والشمال عموما

[منصور الشمري]

كلام الاخوان هو الصحيح والحريات كمان حلوات ونتمى لك التوفيق

[الشاعر الفارس]

النعيمي طيب

[nedawi]

هل الحريات نوع من النعيميات
وما هي اسعارهن؟

[شايب مطور]

إذا كان قصدك تشتري ذبايح وتخليها في الحوش وتذبح منها كل ماجت مناسبة

فأنا بأرتبها لك من خلال وجهة نظري

1- النجدي
2- الحري
3- النعيمي

اما السبب فلأن النجد أكثر لحم وأطول جنب يعني إذا حطيته على الصحن يجملك ويرفع رأسك

وبعده الحري

أما النعيمي تشوفه كبير في الحوش وإذا جاء على الصحن تشوفه صغير

لكن مشكلة النجدي والحري الطلوع ( الخراريج)

[عناز الحره]

النعيمى ازكى واطعم

[الصامل1]

الحري لحمه ممتاز

[هاوي الشمال11]

النعيمى ازكى واطعم

مثل ماقال لك اخوي عناز الحره

[شعب الحلاه]

النجد................

[النمرالأليف]

النجد00000

[محمد الظاهري]

النعيم طيب صراحه
والنجد اطيب واكثر لحم وهذا معروف
ولكن موطن النجد في النفود التي تتعايش فيها
والله يرزقك في مالك ومال المسلمين
تحياااتي لك

[كاسر11]

النجدي خصوصا اذا كنت راعي مفاطيح
انا اشهد انها تجمل
وبعده الحري والنعيمي

[ابو الشبرميات]

الاخ الكريم
بالنسبة للطعم
فاللحوم تتاثر بالعلف المقدم للحيوان وعمر الذبيحة والحالة الصحية والبنية من ( سمن وضعف )
اما بالنسبة للانتاج وكثرته فالمعزا والنجد في المقدمة حيث يصل الانتاج الى 3مواليد في بعض الحالات
الحبص المتاوم فيها اقل من النجد والمعزا
اما النعيم فقليل منها اللي تنجب اكثر من واحد
الامراض
تعتبر النعيم اكثرها تحملاً للامراض ثم المعزا ثم الحري واخيراً النجدي
بالتوفيق لك في مشروعك باذن الله
,,,

[nedawi]

محمد التمام / منصور الشمري/ الشاعر الفارس /شايب مطور
عناز الحره/الصامل1/هاوي الشمال/شعب الحلاه/النمر الاليف
محمد الظاهري/كاسر11/ ابو الشبرميات . . .

شكرا على المرور . . .
كفيتوا ووفيتوا.