الفزعه ياهل الفزعه

[ابوفارس511]

السلام عليكم ورحمة الله
ياشباب الله يسعدكم ابي فزعتكم بالراي
ابي سياره مريحه في الخط عائليه دفع رباعي خدمات متقدمه
يعني مدينه وبر ومنظر وخدمه
ابيها اصفار ماهي مستخدمه
والمبلغ 140000 وكحد اقصى 145000
وانا لقيت الباجيرو 2011 فل 3800 بــ145000
بس بصراح خايف منه ولا عمري جربته واحترة
ابي سياره اقل القليل بعد ستر الله تخدم 5 سنوات
الفزعه بالنصيحه وش اخذ
والله اخترت هالمنتدا بعد ما فريت
احس انهم خبره ونصيحتهم من القلب
كنهم اصحاب الحلال
والله يوفق الجميع

[الباحث_6610]

خذلك سلفرادو غمارتين 2011
والله يوفقك

[راعي وفى]

يوكن
ونم همك وكد ومد
وبعد 30 سنه عطه ولدك
وبالتوفيق

[ابوفارس511]

تسلم يالذيب بس تراني راعي اخطوط
وشلونه مع الخط

[ابوفارس511]

اليوكن يالغالي اصفار بكم تراني يدوب 145000 وبيه اصفار

[المغيسلية]

السلام عليكم
نصيحه من مجرب لاتاخذ سياره مهب منتشره مع الناس تراك تبلش بقطع الغيار والصيانه انا كان معي جيب سوزوكي ممتاز لكن وكاله زفت وقطع غيار نار
خذ برادو والايوكن

[You Like Me]

وعليكم السلام ورحمه الله بركاته

والله الامريكي بالوقت الحالي فيه كل اللي طلبت
من راحه وتكنولوجيا واسعارة تعتبر بالنسبة للمواصفات اللي تدور عليها
ولمنافسينها معقوله لحد ما ... وان راعيت السيارة بإذن الله بتخدمك اكثر من 5 سنين
قبل اربعه شهور تقريباً سألت عن سعر التاهو نصف فل دبل 141 ألف
مادري اذا تغيرت الاسعار او إلى الآن ولو تمر الوكلاء يمكن تحصل عروض رمضان اذا بدات
والله يكتب لك اللي فيه الخير

[دروب العارض]

برادوو

موتر لك وللزمن بإذن الله ..وخاصة اذا جيت تبيع لانك تقول خمس سنوات وتبيع

طبعا هذا بحسب مبلغك الذي رصدته

الله يوفقك للسيارة التي تنفعك .. وأن يطعمك من خيرها ويكفيك شرها

بالتوفيق

[يارب عفوك23]

محتار مثلك

[العنابي 616]

البرادو خيار ممتاز

[عبدالعزيز-1]

البرادو اقل النوع السياحي 6 سلندر وقير اوتو قيمته فوق 150 الف

انا انصحك بالاكسبديشن سياره رائعه وتستاهل وعمليه وتوجه كثير من الناس لها والاهم والمهم الوكيل كويس نسبياً

[مزدهر]

يا أخوان الرجال قال موتر مريح البرادو غير مريح إطلاقاَ
التاهو والإكبدشن افضل شي

[مسير عليهم]

انت تبي راحه

لاتسأل الا عن الامريكي

يوكون

تاهو

اكسبدشن

[أبوالمثنى]

عندك وأنا أخوك كم سيارة

تاهو lt

يوكن

اكسبلورر

اكسبدشن

سكويا

[بن سليمان]

الباجيرو خيار طيب جدا وفيه كثير من المناطق في العالم يفضلونه على غيره ولكن مشكلته عندنا كالعادة الوكيل اتمنى امنية يفكونا من شي اسمه وكيل اتمنى من الدولة تفرض على الشركات تحط لها موزعين ومراكز صيانة محترمة وتفرض عليهم توفير قطاع الغيار مثلنا مثل غيرنا

وعندك سيارة ايضا محترمة جدا وفيها مواصفات راقية وامانها عالي الله يحفظ الجميع من شر الحوادث ورخيصة مقارنة بغيرها وهو الفورد الاكسبدشن لا يرخص عليك الظاهر سعره تحت 130 الف في الوقت الحالي