فيه طير ناوي اشتريه ابغاكم تقولون لي وش نوعه هذ ي صورته

[عبادل المالكي]

فيه طير ناوي اشتريه انا بالطايف وراعيه بالرياض وارسل لي صور ابغاكم تقولون لي وش نوعه يقول انه حر صافي وافي ووحشي مو مدرب كيف اعرف مواصفاته واقدر ادربه انا والا لازم اوديه لصقار وهل سعره معقول على المواصفات الرجال اعطاني النية ب25الف مادري شاريه مدري صايده هو يشتغل في سوق الطيور ويشتري ويبيع صقور على قده وهذي الصور

[راعي اقناد]

ياناوي على الشراء ... الطير صورته مش واضحه هلى تبع او شاهين واغلب الظن انه تبع اما بخصوص السعر ان كان تبع فسعره لايتجاوز 1500 الى 2000 وان كان شاهين يعتمد سعره على حسب سنه ,, وارجو انى افدتك

[عادل العيباني]

لا الله يجزاك خير هذي قرناسة شاهين جبلي وقيمته 1500 ان كثرت

[قناص وغواص]

أول شي / هذا الطير موب حر هذي شاهين قرناسه جبليه ولهيب وافيه
ثاني شي / وشلون تنوي تشري شي ماتعرف له وبقيمة عالية جدا.
ثالثاً / هالنصاب اللي عارض عليك الطير بالصور ياهو غلطان بالصور او انت غلطان بالقيمة.

والفكه من الطيور غنيمه وغثاهن واجد.........

[حامد الحنيني]

ياهلا بك اخوي هاذي والله العالم انها جبليه قرناسه ويمكنها كبيره وقيمتها من2000 ريال وجاي حسب فعلها
وهي بين انها مقضوبه شف كيف رابط حدى رجليها والاخرى مابها شئ ولاهو مسباق اللي رابطبه الرجال هذا
طارح الطير وبيلزقه فيك وكلام الرجال اللي يبي يبيعك كله نصب بنصب وانتبه من اللي مايخافون الله.

[حريب الياس]

25 الف

اذا اللي بالصوره ما تتعدى 2000 ريال و اذا طير ثاني و هو غلط بأرسال الصور يمكن

و من طريقة ربط الطير و وكره باين عليه ماهو راعي طيور ابد ابد

[عبادل المالكي]

يالربع متاكين متاكدين والا تخمنون الرجال معرفه درس معي واعرفه وبعدين الرجال كان حاده باربعين ونزله مع المكاسره 25الف 15 كاش و5الاف كل شهر انتم بس متاكدين والا تخمين و انا من الطايف ماني خابر الا صقار واحد ثبيتي في السيل الكبير على العموم يعطيكم الف عافيه انامسافر للرياض خلال الاسبوعين ذي ويصير خير ما بشتري شي لين اعرضه على صقاربنفسي .................................................. .............................. اذا فيه ذيبان ينزل موضوع شامل عن انواع الصقور كلها اكون شاكر له

[حامد الحنيني]

يالربع متاكين متاكدين والا تخمنون الرجال معرفه درس معي واعرفه وبعدين الرجال كان حاده باربعين ونزله مع المكاسره 25الف 15 كاش و5الاف كل شهر انتم بس متاكدين والا تخمين و انا من الطايف ماني خابر الا صقار واحد ثبيتي في السيل الكبير على العموم يعطيكم الف عافيه انامسافر للرياض خلال الاسبوعين ذي ويصير خير ما بشتري شي لين اعرضه على صقاربنفسي .................................................. .............................. اذا فيه ذيبان ينزل موضوع شامل عن انواع الصقور كلها اكون شاكر له

يارجال متأكدين مايبيلها خبير والرجال نصاااااب بالعربي وانتبه منه وشكله مايعرف بالطيور ولا حاجه.

[falcon 1]

اخي العزيز
كلام الربع صحيح
هذا مو حر صافي ولا بحوله

هذي شيهانه والله اعلم صورته لمثلوثه (الصورة مو واضحه)
سعره ما يتعدى الالفين ريال

الله يرزقك من واسع فضله

هذي حرار صافيه حتى تعرف الفرق بالشكل وايضا الحجم




وهذي شياهين (جبليه وبحريه )





ارجو اني افدتك
واسال الله تعالى ان يرزقك ويوفقك

تحياتي لك
اخوك
فالكن 1

[قرناس الجنوب 2011]

عوذة يا ابن الحلااال هذا نصااااب ومن الواجب انك تشهر به

لن هذا بايع ضميرة ونصاااااب هذي قرناسه جبليه

وانت ياا ابن الحلاللل ان على الاسواق بدون علم النصااب الى يبي يجني عليك

ورح اسواق الديرة تراء عيااال الحلال كثير


وانصحك ان لا تستعجل

[رعد المطر]

فادوك الاخوان

[ااالعتيبي]

اخبرووك الريجيل
والله يكتب لك ولنا اللتووووفيق

[جفنان ينبع]

فادووك الاخوان ماقصروا

والله وانا اخوك اذا تبي شوري لاتعني نفسك بالمشوار للرياض كبه ماعليك منه

وشوفلك واحد ابن حلال ويخاف الله ووصه بطير ويجيبلك لانك انت توك بادي بالطيور

واصحاب النفوس الضعيفه يستغلون الرجال اللي مثلك اللي توه بادي ( الله يرزقك من واسع فضله)

[القنــ أبو تركي ـــاص]

اعوذ بالله 25 الف مرة وحدة
هاذي مثلوثة بحر قرناسة او انك تبي تمازحنا بموضوعك
لانها ما توصل وانا اخوك للربع المبلغ هذا ونصيحة طالما انك من الطائف الحين وقت فروخ الجبليات والوكارى خذلك واحد ودربة على كيفك ويمكن تطرحة انت بس خل عيونك على ابراج الجوالات تحياتي لك

[فهد الحنيني]

أفادوك الأخوان والله يستر عليكـ