المشاركة الأصلية كتبت بواسطة VALCON
أسعد الله صباحك أخي حجازي أصيل
ابي انظف الرديتر قبل السفر
من شريت الموتر(برادو 2005) وأنا أستخدم سائل تبريد تويوتا بدون إضافات
ابغى رأيك لاهنت في هالطريقة لتنظيف الرديتر (بدون قروشت الورش)
اول شي لازم تكون السيارة بارده وأفرغ مويه الرديتر كامله ثم أقفل الصرة وأعبي سائل تنظيف فقط(او ماء مقطر)
وأشيل بلف الحراره واشبك الخرطوش بالمكينة بدون بلف
وأشغلها لمدة عشر إلى عشرين دقيقة وبعدها اطفي وأفك صرة الرديتر وأنتظر لين يبرد تماماً وأعبي الرديتر من جديد
المعروف أن سائل التبريد فيه نسبة من اللزوجة عشان المحرك،وإستخدام سوائل التنظيف هل ممكن يكون لها تأثير سلبي على المحرك مستقبلاً؟
وش سائل التنظيف المناسب لريدترات الالمونيوم وين ألقاه في الرياض؟؟؟
هل الموية المقطرة ممكن تأدي مثل سأئل التنظيف؟؟
هل يجب تفريغ القربة الاضافية من ماء الرديتر أويكفي فصل الخرطوش الموصل بها؟؟
بإنتظار ردك أخي الكريم
أخي الكريم / الصقر
تــحـــيــة عـــــطـــرة وبــــعــد :
أضـآفة مـُبرّد تايوتا رآئع ولا يحتآج أضآفة ماء
الا أذا نقص ما كفى الخليط القربة { اللديتر }
لأنـهُ يأتي مخلوط بالماء وهذا نوع من غــش تايوتا .
لأنـهـُم مفروض يبيعوك مــُبرّد مـُركــّز
وأنت تـُضيف ماء عذب ببلاش
سواء ماء عذب خآلص أو مـُـقـطـّر .
ولاكن يعتبرون أن هذي هي الشطآرة في الغش في البيع والشراء .
كــُل شيء يجيء من المصآنع مـُرّكز وأنت تـُضيف الماء .
بالنسبة للطريقة الصحيحة
لغسل القربة { اللديتر } مع نظآم تبريد المـُحرّك :
لازم تكون جآي من مشوآر أو مشيوير
أو تشغل المـُحرّك حتى يحتمي زين .
تشغيل المـُحرّك قبل تفضية القربة والنظآم :
يخـرّج جميع الأوسآخ
ولا تنظف ولا تفضي أن لم تشغل المـُحرّك
وأفضل شيء أن تكون جآي من مشوآر أو سفر .
طبعآ بتكون صــُرّة { بزبوز } تفضية القربة { اللديتر } سآخنة
أحرّص من أن ينسكب المـُبرّد { الخليط الحآر } على أيديك أو جسدك .
تعآمل معها كأنك تطلع ذبيحة من قدر سآخن .
تقدر وبطريقة حريفة أن تفــُك الصـُرة { تحلها }
فلما تصل للفك { لمرحلة الأخرآج الأخير ليتدفق }
حآول بمفك برآغي عآدي كبير وطويل تخلــّص البآقي :
زي هذا بيمين الصورة :
أحرص وأحذر من المفك الذي حآدة ريشتـُه
لا يخرّب صــُرة القربة البلاستيكية لأنهُ حـــــآد .
يعني بالرآحة كأنك تتعآمل مع بيض ديــــــــــــــــك .
هل يبيض الديك ؟؟؟؟؟؟؟
نعم .......
أذا أحس الديك بالموت . يعصــّر نفســُه كأنهُ يلتوي
ويعتصر ويبيض بيضة صغيرة جدآ مثل بيضة الحمآمة .
ويــــــــــــــــــــــــــــــــمـــــــــــــــ ــووووووت .
هذا مثل يــُضرّب على البيخل والبــُخلاء .
يقولون :
أذا أحس الديك بالموت . يعصــّر نفســُه كأنهُ يلتوي
ويعتصر ويبيض بيضة صغيرة جدآ مثل بيضة الحمآمة .
ويــــــــــــــــــــــــــــــــمـــــــــــــــ ــووووووت .
ثــُم بعد ما تبرُد القربة والمـُحرّك .
تــُضيف ماء مع أضآفة مآدة { عـُلبة } الشطآف { فلش Flush }
تقدر تـُضيف عـُلبة أو عـُلبتين أو ثلاث مع الشطآف الى أخر نفس بالقربة .
شغل المـُحرّك لا يقل عن 10 - 15 دقيقة .
وعلى طول فض الخليط / تقدر تأخـُذ مشوآر بالحآرة .
خل المـُحرّك والقربة تبرُد .
أضف المـُبرّد مع الماء أذا ما هو مـُبـرّد تايوتا
أذا مـُبرّد تايوتا فأضفهُ للأخر ثــُم زود النقص بماء عذب أو مـُقطر .
أفضل أن تعبي المـُبرّد المذكور وتشغل المـُحرّك وأنت تـُضيف المُبرّد
يعني أذا صبيت رُبع المـُبرّد { المخلوط } فشغل المـُحرّك
وأبداء بأضآفة المـُبرّد { المخلوط / الخليط } .
تقدر فقط تعبي النطآرة كآملة وتأخـُذ مشوآر بسيط
ثــُم تقف وتخلي المـُحرّك يبرُد للأخر ثــُم تشوف النقص وتـُضيف
هذي الطريقة تحمي المـُحرّك ونظآم تبريـدُه من أنتفآخ الليآت ودخول الهواء .
تقدر تـُضيف عـُلبة مانع الصدى التي بنفس حجم عـُلبة الشطف الصغيرة
مثل عـُلبة البآرد { السفن أو الحمضيآت } 300 ملم mm .