فورد اكسبلورر 2010 ::: صرفية البنزين ؟؟!!

[بيق مان]

ياعزيزي عبيته فل .. عطاني فارغ بعد 445 كلم

حسبته في العداد إلى الآن والبنزين اقل من الربع فارغ بعد 50 كلم . وفي عداد السيارة من يوم فللته حسبت له في العداد تخيلوا مامشاني إلا 280 كلم ..

فهل يعقل ياشباب . انك تفلل السيارة وتمشيك 280 قول 300 ..

الوضع مو طبيعي ماهي اول مره نسوق سيارات ..

هي وحده من الثنتين ياعيب مصنعي في كمبيوتر السيارة مايحسب زين او انه يصرف من جد ..

لكن الوعد في الصيانة لما يوصل 8000 ..

اذا الموتر جديد يصرف ولا يضبط المعدل الا بعد كم تعبيه (ارجع للكاتلوج)

[T-Tamimi]

معدل الاستهلاك هذا بيدك انت تحدده حسب استخدامك
يعني اذا انت بوسط المدينه وتوك منطلق من وقوف يعني الموتر ماخذ عزم .. صفر عداد معدل الاستهلاك وبتلاحظه فوق العشرين بالراحه وهذا طبيعي لان الموتر جالس يلهم بنزين مع الشده
واذا انت ماسك خط ومثبت السرعه على 130 مثلا والقير مريح في السادس وعداد ضغط المكينه فوق 2 بشوي جرب وصفر عداد الاستهلاك وبتلاحظه قريب من 10

معدل الاستهلاك هو الي يعطي برمجه المتبقي في التانكي من حيث المسافه
يعني اذا انت رجلك حاره بيقولك استهلاكك يكفيك 400 كلم لان معدل الاستهلاك عندك مرتفع

اتمنى وضحت الفكره

سيارتي 2009 اعبيها 95
افلل التانكي بين 40 و 45 ريال بحدود 75 لتر
يا انك تطفي السياره قبل تعبي او ترفع عصا القير على P وتضغط الجلنط ( كذا يبدا يبرمج الكمبيوتر والسياره تشتغل)

داخل المدينه الاستهلاك بين 450 و 500
وفي الخطوط بين 500 و 550
وفي الظهر والحر يزود الاستهلاك بسبب الحراره لكن الحمد لله ما يقل عن 450 كلم

ايضا فيه فرق بين الناس
يعني فيه واحد يجر على الموتر كل ما جا ينطلق من وقوف ويرد نمره وهو ماشي ( يعني يسحب عزم) بقووه
وهذا بيكون استهلاكه اكثر

جرب امش بالسياره وهي مرتاحه (ضغط المكينه لايتجاوز 2.5) وان شالله بتلاحظ فرق

والكلام هذا على كل السيارات مهوب بس الفورد

بالتوفيق

[عبدالعزيز51]

شباب ابغى أسألكم الله يوفقكم .. كيف طريق تصفير عداد البنزين .. وبرضه كيف طريقة تصفير عداد رحلة أ ورحله ب..؟؟

[al7eran]

شباب ابغى أسألكم الله يوفقكم .. كيف طريق تصفير عداد البنزين .. وبرضه كيف طريقة تصفير عداد رحلة أ ورحله ب..؟؟

تصفير عداد البنزين ماعرفت قصدك

عداد الرحلات خلك ضاغط على rest ثواني ويتصفر

[hytham]

والله جابها التميمي اخوي تبغى تشوف القرائه 450 او حتى 490 هذي انا شفتها بعيني في سياراتي
الطريقه هي انك تخل التانكي خلاص على وشك ينتهي وتكون ماسك خط وصفر العداد قبل تعبي بنزين ب 5 او 10 كيلو وادخل المحطه بس لا تنسى تكون صفرت العداد من مسافه واطفي الموتر وخليه يعبي فل
شغل السياره وبتشوف رقم يعجبك لأنه كما تفضل اخوي التميمي السياره استهلاكها داخل المدينه معروف جداً انه لا يقارن بصرفيه الخطوط الطويله

موضوعكم هذا وضع في حس اللقافه وجربتها بنفسي والحمد لله انه طلع مثل ما توقعت السياره فيها مشكله وحده فقط لا غير انه السياره التانكي فيها صغير وهذا هو مربط الفرس وليس الاستهلاك هو المشكله
الفل في 95 ب44 ريال جيب جنبك جمس وخليهم الاثنين فاضيين فلل هذا وفلل هذا كلهم 95 شوف كم تدفع هنا وكم تدفع هنا وبعدين قارن كم يمشيك الجمس مقارنه باللي يمشيك هو الاكسبلورر احتمال كبير جداً الاكسبلورر يخلص قبل الجمس ولكن هذا لا يدل انه صرفيته جامده ,لا يدل انه التانكي صغير انا وضعت هذي المقارنه بحكم انه عندي اكسبلورر 8 سلندر قارنته بجمس 8 سلندر اللي عنده 6 سلندر يقارنه مع اي سياره ثانيه 6 سلندر من الجيوب
هي مسأله نسبه وتناسب تانكي كبير = استهلاك اقل ( اعتقاد خاطي )
تانكي صغير = استهلاك اكثر ( اعتقاد خاطي )
التانكي الكبير يمشيني اكثر من التانكي الصغير هذا هو الصح
واسف على الاطاله

[حبيبي الشروكي]

انا معكي 2010
الاكسبلور
بعد التعبيه يطلع بالشاشه620 كم بنزين الاخضر الي580
يوجد صرفيه شوي مبالغ بها انا معكم

[حبيبي الشروكي]

الفل باالاخضر وباقي 40كم ب33 ريال
الاحمر لم اجرب

[ابو فؤاد111]

السلام عليكم ورحمة الله وكل عام وانتم بخير الله يجعلكم من عواده ابي رايكم في اكسبلورر 2010 وهل السياره خدومه وتنصحوني فيه من توكيلات الجزيره ارجو من الاخوان افادتي وشكرا