((خاص)) لاصحاب المزاج بالبر

[المموه]

بسم الله الرحمن الرحيم
السلام عليكم ورحمة الله وبركاته
الكثير منا يفرح بمغادرة المدينه للبر يجهز ويصرف ويتقضى. هروبا من الزحمة والارتباطات والبزارين والمقاضي والوظيفه وغيرها يبي هواء نقي وهدوء ومد نظر وخلوه وهذه اهم ما في البر حتى لو مافيه مطر وربيع . اقصد ان الواحد منا يغادر موقع الخيمه وحيدا بعد صلاة الفجر والفطور (يدرعم) لحاله يبعد ياخذ راحته ما يربطه مع اخوياه الا الجهاز وان حصل يقفله . انا ممن يهوى هذه الطريقه واعملها في كل طلعه معي شاهيي وبعض القراميش واروح ابعد بعيد ما اجيهم الا الظهر . فيه ناس ما يحب يروح الا وسيارته مليانه او معه على الاقل واحد . ابي رأيكم فيه احد مثلي يروح لحاله ويسوي اللي اسويه والا انا حاله شاذه .

[محمد العبدالسلام]

ماشاء الله عليك اخوي المموه واظن هذي حالتي انا بعد وخاصة لما يكون معاي قطعة ساكتون يا سلام اظن انا وانت نتفق في الرأي

[كشات]

هلا وغلا اخوي المموه


كنت اسولف مع احد الشباب عن هالموضوع
لانه ناشدني عن الشاص يبي يشري له واحد
انا قلت له عذاريب الشاص ومنها (قل السعه)
قال اصلا انا مابي معي احد ابهج بالبر لحالي

وبدينا نسولف عن الخلوه بالبر
اخبرني صاحبي انه يحتاج كثيرا انه يذهب ويتمشى لحاله بالبر وقد تكون رحلته كله من البدايه حتى النهايه وحداني

ومن الطرائف اللي تعجبت منها
قال لي تعرف فلان
قلت الله الله
قال تراه مايركب معه احد بالسياره اذا كنا كاشتين مجموعه
وازيدك من الشعر بيت
تراه شايل كرسي المرافق ومخلي مكانه عزبة الطبخ واحيانا اذا كان على المسفلت يسوي له قهوه وشاهي وهو يمشي بالسياره

الخلوه مع النفس شي يعشقه كثير من الناس

لذلك لاتشيل هم منتب لحالك اللي تسويه

[رسلان]

تراه شايل كرسي المرافق ومخلي مكانه عزبة الطبخ واحيانا اذا كان على المسفلت يسوي له قهوه وشاهي وهو يمشي بالسياره

للناس في ما يعشقون مذاهب ...

يوجد فئة ملاحظة تقطعي الفيافي وحيدة ...
وإن كان يوجد العديد من الآثار التي تحث على الرفقة الطيبة ...
وتحذر من الوحدة ... تنقلاً ... ونوماً ...
وهي معروفة ....
ويكفي أن تتفكر لو حصل - لاقدر الله - للوحداني في البر عارض صحي ونحوه ...
ماذا سيكون موقفه ؟
كيف سيكون تصرفه ؟

اللهم احفظنا بحفظك واكلئنا بعين رعايتك ...

[المموه]

اخوي رسلان كلامك صحيح في حال السفر . المسافر لوحده شيطان والمسافران شيطانان والثلاثه ركب . انا اقصد مسافة الجهاز تبعد من 30 الى 50 كم او حتى اقل المهم تكون لوحدك . لانه ان كان معك احد لازم تاخذ رايه بكل شي في الرحله البسيطه هذه من الخيمه الى المسافه التي حددتها اعلاه او يصير ( قرقه ) ما يعطيك فرصه تفكر لازم تسمع له وترد عليه او مدخن وانت غير مدخن والعكس يعني يضايقك . تصدق مره طلعنا رحله (9)ايام وحنا (9) سبع سيارات . كل واحد يبي سيارته جهازه وعفشه وحاجاته الخاصه بسيارته لازم يروح فيها اضافه الى ان السواقه بالبر والتمشي لهن ذوق . واشكر الاخوان على تشريفهم الموضوع وابداء رأيهم وتجاربهم .

[ابو سمر]

أخي الكريم المموه

الزين أن يكون عدد أفراد الرحلة معقول ولا يتجاوز الخمسة أفراد ، لكي تقترب الإهتمامات ، ولا يكون لكل فردين رأي يختلف عن آراء البقية .

كلما كان العدد قليل كان الرأي متوافق لحد ما ، والرغبات متشابهة .

أنا ممن يحبون الخلوة قليلا ولو لساعة أو أقل ، أتجه لمكان ما على قدمي ، أتفحصه جيدا ، لأني أهتم بأشكال الصخور والأشجار والجحور ، وهذا قد لا يعجب من يرافقني .

أعشق كثيرا العمل في البر من تجهيز للشاي أو القهوة او الغداء أو جمع الحطب .

لكن نادرا ما أستمر لنصف ساعة بلا حركة ، فالبر وجوه يحثك دائما على كثرة الحركة والنشاط .

شكرا أخي .

[الشاص]

انا اوفقك اخوي في ان الخلوه في بعض الاحيان زينه

وانا ااحب اطلع بعض الاحيان لحالي واتقهوى لكن بالغالب ماتزيد مده الرحله عن يوم واحد

ام بالطلعات الطويله والمشاوير البعيده اعتقد وجود الخوي والى يرد عليك الصوت

وتتشاور انت وياه ولو حدث اي مكروه والى معك يد يمنى ترتكي عليها

والشعار يقول

يمنى بلا يسرى تراها ضعيفه === ورجلا بلا ربع على الغبن صبار

يعني مثل ماقال اخوي رسلان في العديد من المشاكل الى تواجه الوحداني

ووافقك في المشكله ان اغلب الناس مايحب يطلع الى بسيارته

وانا من الناس الى ماارتاح الى بسيارتي جنبي وتحت رجلي

[المموه]

المكرم ابو سمر .مساك الله بالخير
العدد صعبه ترد احد خاصه اذا كنتم بأستراحه واحده وعددكم (12) وعطله كلاً وده يطلع وينبسط . واذا كانوا قروم طيبين يقودهم قائد راضين به فلا يمنع كثرتهم .
والحركه نشاط وهمه مطلوبه بالبر تجرب طبخات تمشى رجليه تفتش وتشاهد عجائب الله في خلقه او بالسياره اذا كان المكان قريب من مواقع دحول او ضلوع ...الخ . وهذه المتعه الحقيقيه من الطلعه . والانفراد على ما اشوف من تشريف بعض الشباب للموضوع يلقى تصويتا لا باس به . اشكرك . والسلام

[مغرز]

الاخ المموه منتب لحالك فيه مثلك كثير ونا واحد منهم إلى مني صليت الفجر وافطرت اروح ادرعم بس موب على السياره . كعابي (رجليه)
امشي الي يقدرن الله عليه وبعدين ارجع للربع ,,,,,, لكن مااضن اني استغني عن الاخويا ولا اشيل مرتبة الراكب . ياخوك لو يصير لك من امور الدنيا شي بهالبران إلا هم سندك ,,,,,,, وسلامتكم وصلى الله وبارك على سيدنا محمد وسلم
اخوك : مغرز ابو منصور

[خيال الغلبا]

اخوي المموه ربعك واجد
وسجل اسمي في قائمة نوعيتك

[المموه]

الاخوان الكرام
خيال الغلبا . هلا والله بها النوعيه . وترى هالنوعيه اكثرهم بالبر بعد الرحله الوحدانيه تحصله يميل للسكوت ولا يحب الصجه
الشاص . بالمشاوير الطويله يلزم احد جنبك وهذا ضروري ولو يصير بجنبك بسيارته يصير ازين
مغرز . عاد فك المرتبه مشوار . لا حط مركا البنادق وخله عذر . امزح معك . لا موضوعنا وانا اخوك اقصد فيه (نزهه عن موقع الممراح وحدانيه بحدود ارسال الجهاز او ابعد شوي والرجليه محدوده كيلو او كيلوين حولك مايمديك تمد نظرك وتشوف شي .

[أبرق الضيان]

أعرف شايب يروح لحاله و لامعه قارمن و لا كنود ، بس عارف الارض .

[الوهلان]

خوياك واجد ولاتحسبهم شويين أعرف خمسة ربع يكشتون للصمان من فتره لأخرى كل واحد يجي بسياره وبها
الكثير والكثيرررررررررررررررررررررررررررر؟؟؟؟؟؟

[المموه]

اخواني اشكر لكم تجاوبكم بس الى هالحين ماذكر احد السبب . ابي اسباب مقنعه لحب الكثير منا الانفراد ليش تحب تروح لحالك ما تبي احد على الاقل اعرف الاسباب حتى ارد فيها على من يقول لي ( ياحبك تروح لحالك ) انت ماتبينا كل صبح او عقب العصر تشغل موترك وتروح ماكد قلت احد معي ياشباب .

[خيال الغلبا]

اما بالنسبة لي فأقول والله اعلم
ان الواحد من نوعيتنا يحاول قدر الإمكان أن يتصف بالصفات الحسنة
ثم اذا تلفت يمين ويسار يبحث عمن يشاركه هذه الهمة والصفات
لايجد احد

هذه مجرد محاولة تبرير لهذا التصرف