> ما الكفرات المناسبة للاكسبديشن 2009<

[kg282]

اخوي ساهر بارك الله فيك


اخوي عبدالرحمن السالم
التويو انا جربته زمان ما كمل معي 2000كم بنشرت وحده



اخواني الاعزاء
احد جرب البرللي؟
اهل المحلات ينصحون بها

[homdi]

وش رايكم بالبريجيستون شركة محترمة .. قبل يومين ركبتها على موتري إكسبلورر 2009 وكان سعر الكفر الواحد 670 ريال من الوكيل وممشاها ما عليه ولكن مع المطبات أحس أنها قاسية شوي.

[lazyboy]

وكالة فورد عندنا في الكويت يركبون كفرات بريلي وبصراحه كفرات ممتازه . بس اهم نقطتين تنتبه لهم لما تركب الكفرات علي الموتر :-
1- هو ان تكون الكفرات حسب القياسات المعتمده للسياره . ولا تركب غيرها وتلاقي القياسات او المواصفات مسجله علي ( ستكر - sticker ) بين مقعد السائق والباب . وكلامي هذا عن تجربه انا ركبت كفرات اعرض وعند الفحص الدوري للسيارة طلبوا مني الوكاله تغيير الكفرات وإلا راح يتضرر الجير وهم غير مسؤولين عن هذا الشيء لأني غيرت في مواصفات السيارة.

2- هذا رابط مقالة يشرح وبالتفصيل مميزات الكفرات وكيفية قراءة البيانات على كفرات السيارة والمواصفات الخاصة بالخليج العربي . بصراحه استفدت منه كثير وأرجو أن يفيدك . هنــــــــــــــا

والســـلام

[عابد الهذلي]

أنا مركب ماكسس التايلندية من عام 2008 وحتى الآن وقد سافرت الى صلالة والى مكة وكل شهر الى مسقط رأسي لمسافة ٣٠٠ك وقد سافرت خارج المملكة والسيارة موقفه بالبائكة لمدة سنة وحتى الآن ولا تحتاج تغيير ولله الحمد حتى التنسيم لم اشاهدة بأي كفر

تبي نصيحة اقسم با اللة يا المكسس انة 100/100

[saalh123]

اخوي
عليك بدنلوب سعرها 556 ريال ولاتركبها الا من عند الوكيل بن زقر لوجود تجاري في السوق
توني مركبها في موتري الاكسبدشن وما شاء الله زي الحلاوة
بالتوفيق
تحياتي

[kg282]

والله يا شباب احترنا
يوكو هاما ...دنلوب....مكسس...والا..........برللي؟

وش رايكم نطلب من الادارة تسوي تصويت...وش افضل كفرات من واقع تجربة
يوكو هاما_دنلوب_مكسس_برللي


تحيتي وشكري لكل من شارك
ونعتذر لصاحب الموضوع الاصلي ولكن الفائدة للجميع

[روح المغامرة]

بيض الله وجهكم جميع

ماشاء الله عليكم أثريتم الموضوع
وكل واحد قال رأيه عن تجربة

البريللي حلوة بس غالية قيمة الواحد حول 1000 ريال

رحت كيلو ثلاثة وهناك مجمع وكلاء الكفرات في جدة وسألت على الميشلان ووكيله بن شيهون قال مافي مقاس السيارة تنتظر حول شهر إلين تجي الدفعة الجديدة قيمتها حول 600 ريال

[jasser]

السلام عليكم
الصراحه الموضوع شدني مع انه نوقش سابقا في الرابطه ...
لكن انا استلمت موتري في نهاية عام 2009 وكان راكب عليها كفر بريللي
ووالله ما كمل الموتر معي 20 الف كيلو والا الاربع كلها فيها بنشر ووحده من اكفرت فيها ثلاث بناشر في شهر واحد !!!!
البريللي صحيح انه كويس لكن مع الزمن يبدا يقسى ويتاكل قبل عمره الافتراضي فضلا عن سعره المرتفع

بعدها ركبت هانكوك من الوكيل مقاس اعرض من الوكاله وفعلا في هذاك الوقت توني حسيت اني راكب موتر وكاله
ماشاء الله تماسك في اللفات وما يعوق الموتر في القومات ورساوه غير طبيعيه غير ليونه الكفر وووو.....
الموتر الان ماشي 84 الف وما غيرتها ووالله ان كفرتين منها باقي بنفس الدعسه يوم اخذتها
لكن الكفرتين الباقيات جاها مسح لان الاذرعه ما كانت موزونه صح

هذا ما عندي والله يوفقكم

[أبا الحارث]

السلام عليكم
الصراحه الموضوع شدني مع انه نوقش سابقا في الرابطه ...
لكن انا استلمت موتري في نهاية عام 2009 وكان راكب عليها كفر بريللي
ووالله ما كمل الموتر معي 20 الف كيلو والا الاربع كلها فيها بنشر ووحده من اكفرت فيها ثلاث بناشر في شهر واحد !!!!
البريللي صحيح انه كويس لكن مع الزمن يبدا يقسى ويتاكل قبل عمره الافتراضي فضلا عن سعره المرتفع

بعدها ركبت هانكوك من الوكيل مقاس اعرض من الوكاله وفعلا في هذاك الوقت توني حسيت اني راكب موتر وكاله
ماشاء الله تماسك في اللفات وما يعوق الموتر في القومات ورساوه غير طبيعيه غير ليونه الكفر وووو.....
الموتر الان ماشي 84 الف وما غيرتها ووالله ان كفرتين منها باقي بنفس الدعسه يوم اخذتها
لكن الكفرتين الباقيات جاها مسح لان الاذرعه ما كانت موزونه صح

هذا ما عندي والله يوفقكم

السلام عليكم
أنا أوافق هذا الرأي عن تجربة !

[m 20 m]

يا اخوان انا الشهر اللي راح ما خليت مكان كفرات ما مريته

ابحث عن كفرات في الرياض انا معي اكسبديشن 2006 وعرضوا علي نوع

مدحوه اكثر من محل وهو كوري الصنع (( نكسن )) وتستعمله وكالة كيا في

سياراتها وسألت ناس معهم جيوب كيا عنها ومدحوها وركبتها والصراحه انا مرتاح معها

ومواصفاتها جيدة وسعرها معقول الاربعه قيمتها 2600 ريال وبالتوفيق للجميع