رابطة ملاك الدودج رام 1500

[الشريعة]

يا شباب انا قبل اسبوع اشتريت

رام 1500 موديل 2000

بس عندي ملاحضتين

الملاحضة الاولى الحرارة على الثلث وحنى في المربعينه يعني بعز البرد شلون لو جتناا لوهيب الصيف
كم بتوصل الحراره مع المكيف ؟؟

الملاحضة الثانية

ظقط الموتر عالي

وعداد الظقط على الواحد ومرات يرتفع فوق الواحد ومرات ينزل تشوف مؤشر الظقط يلعب

هذا اثنى التشغيل يعني السياره شغاله ووقفه

وعندي عامود الدبل مفصول هذا كلام صاحبة الي شريت منه الوانيت

يعني اذا بغيت ركب له عامود هل اجده بسهوله

ملاحضة اخيرة ادري اني طولت عليكم بس تحملوني شوي

صوت المكينة مزعج نفس صوت السوبرمان ال 454 القديم


ملاحضة اخيرة

والله انه طب عندي وانيت جمس ووانيت شفر وانيت فورد ووانيت نيسان ووانيت مازدا

ووانيت تايوتا ,, بس مثل نعومت وفخامة وانيت الدوج ماشفت

بس الله يستر لايطلع راعي خربات وابلش فيه

[دوج رام]

على البركه

السياره الله يعطيك من خيرها ويكفيك شرها
بالنسبه للحراره لاتقلق اهي ثابته ماتتغير
لا شتاء ولا صيف
ولاتتعبث باي شي في الحراره للسياره لانها طبيعيه
اهم شي زد موية الاديتر
وللمعلوميه اذ طعست وشبيت عليها شويات في البر بترتفع فوق النصف بشوي بس عادي جدا

وبالنسبه للباقي الاسئله ماعندي فيها خلفيه بيفيدونك الشباب
السياره حلوه بس وكيلها شوه سمعتها بالنسبه للقطع يالله تلاقيها او تكون غاليه
بس عندي لك حل اطلب من موقع امازون

[دوج رام]

اتمنى الرابطة تكون لكل فئات الرام. على كلا سعيد بالانضمام لكم.
سيارتي رام 2500 موديل 2002 قير عادي.
صور السيارة: http://www.gammash.org/dodge

حياك الله اخوي الحقيقه الرابطه لاي فئه من الرام
بس ودي اسالك بعض الاسئله اذ ماعندك مانع فيه الونش ابي اعرف بكم شريته وهل تنصح فيه او لا

وتسلم

[gammash]

حياك الله اخوي الحقيقه الرابطه لاي فئه من الرام
بس ودي اسالك بعض الاسئله اذ ماعندك مانع فيه الونش ابي اعرف بكم شريته وهل تنصح فيه او لا

وتسلم

الحقيقة فائدة الونش للآخرين أكثر من استخدامك له. لم أحتاجة لسحب سيارتي إلا مرة واحدة فقط ولكن مئات المرات للاصدقاء وزنقات الآخرين في البر أو السيول.
الونش شريته من صديق وللحين ماسدينا على قيمة ولكن تكلفته تقريبا 4000 ريال لأنة 12000 باوند أو 6 طن.

موضوع الونش وتركيبة على الدوج على الرابط التالي:
http://www.mekshat.com/vb/showthread.php?t=328970

[M Z A G Y]

ياشباب انا معروض على رام حجم 2500 وعلى الفحص وبغيت اسأل عنه وعن مكينته وعن قيره وقوة الموتر بصفه عامه ؟؟ وجزاكم الله خير موديله 97

[gammash]

ياشباب انا معروض على رام حجم 2500 وعلى الفحص وبغيت اسأل عنه وعن مكينته وعن قيره وقوة الموتر بصفه عامه ؟؟ وجزاكم الله خير موديله 97

السيارة خدومة وقوية جدا وخصوصا في قوة السحب والتحميل. أنا استخدامي لسيارتي بسيط جدا موديلها 2002 وماشية 80 الف فقط ولم اواجه مشاكل حتى الآن.
أتمنى من الاخوان الآخرين الذين استخدموا سياراتهك لمسافات طويلة أن يفيدونك في موضوع الخدمة.

[دوج رام]

موضوع الونش وتركيبة على الدوج على الرابط التالي:
http://www.mekshat.com/vb/showthread.php?t=328970[/QUOTE]
ماشاء الله عليك الله يخليك لعين ترجيك ويحفظ لك دوجك يارب

بالنسبه لي مااتوقع احتاجه كثير بس خايف من السياره يصير لها شي لاني معزم اطلع للصمان الفتره الجايه واول مره اجرب السياره في مسافات بعيده وتطعيس ومدري وش بلاقي لاكن تسلم والله افدتني

سؤال ثاني

<<<بيحلل
بالنسبه للزيت وش تغير بالضبط لان المكينه همي ويقولون انها حساسه وش بالظبط رقم الزيت اللي تغيره هو مكتوب على الغطا 5w 20
وش رايك ...
بالنسبه لقطع الغيار وين تاخذها منه بالظبط هل عندك مكان معين يوفر القطع لان فيه كم قطعه ماحصلتها الا اصلي عند الوكاله وغاليه

[M Z A G Y]

هل تفرق مكينتها عن مكينة الرام1500؟

[دوج رام]

هل تفرق مكينتها عن مكينة الرام1500؟

اي مكينه تقصد

[M Z A G Y]

الموتر رام 2500 موديل 97 اقصد تفرق مكينته عن الرام 1500؟

[دوج رام]

لا ياغالي ماتفرق اهي همي 16 بوجي 8 سلندر

وسلامتك يالغلا

[الشريعة]

الي عندي وانيت رام 1500

ورحت حق قطع الغيار ابي اشتري لديتر قالي صاحب قطع الغيار كم حجم المكينة

بسراحة انحرجت لاني مو عارف كم حجم المكينة

يا جماعة الي عندي صوته طر طر طر تقول صوت الجمس ال 454 القديم

هذا صوت مكينة الطبيعي ولا الي شريت منه الوانيت مركب شي للشكمان لاني ماسئلته نسيت

؟؟؟؟؟؟؟؟؟؟؟؟؟؟

[شاهي نثري]

يا شباب انا قبل اسبوع اشتريت

رام 1500 موديل 2000

بس عندي ملاحضتين

الملاحضة الاولى الحرارة على الثلث وحنى في المربعينه يعني بعز البرد شلون لو جتناا لوهيب الصيف
كم بتوصل الحراره مع المكيف ؟؟

الملاحضة الثانية

ظقط الموتر عالي

وعداد الظقط على الواحد ومرات يرتفع فوق الواحد ومرات ينزل تشوف مؤشر الظقط يلعب

هذا اثنى التشغيل يعني السياره شغاله ووقفه

وعندي عامود الدبل مفصول هذا كلام صاحبة الي شريت منه الوانيت

يعني اذا بغيت ركب له عامود هل اجده بسهوله

ملاحضة اخيرة ادري اني طولت عليكم بس تحملوني شوي

صوت المكينة مزعج نفس صوت السوبرمان ال 454 القديم


ملاحضة اخيرة

والله انه طب عندي وانيت جمس ووانيت شفر وانيت فورد ووانيت نيسان ووانيت مازدا

ووانيت تايوتا ,, بس مثل نعومت وفخامة وانيت الدوج ماشفت

بس الله يستر لايطلع راعي خربات وابلش فيه

السلام عليكم جميعن
حياالله الجميع من محبي الرام
اخوي سيارتك مافيهاشي طبعيه من ناحيت الصوت والحراره
مشكلتك في ظغط المحرك الطبيعي تحت الواحدبثلاث شرطات فيه تعليق بعظ الاوقات صح
اذاكان فيه تعليق يكون من قطعه كهرباءيه تحت فلتر الهوا من جهت الساءيق
لازم تغيرها وتاكد من وزن الديلكو
عامودالدبل تشليح المطيويع
اعذرني اخوي ودي انزل لك صوره القطعه الكهرباايه بس ماعرف

[شاهي نثري]

اخوي الشريعه
حجم المكينه موجود علاغطاالراس الايمن من الامام اذامابين معك اقرب محل قطع غياردوج من رقم الشاص
يبين معك
اذاكان الاديتر يهرب من الطبات امره سهل فيه طريقه يسويهابعظ محلات الاديترات طريقه الصب
اناامجربها ونجحت معي

[gammash]

سؤال ثاني

<<<بيحلل
بالنسبه للزيت وش تغير بالضبط لان المكينه همي ويقولون انها حساسه وش بالظبط رقم الزيت اللي تغيره هو مكتوب على الغطا 5w 20
وش رايك ...
بالنسبه لقطع الغيار وين تاخذها منه بالظبط هل عندك مكان معين يوفر القطع لان فيه كم قطعه ماحصلتها الا اصلي عند الوكاله وغاليه

مكينة سيارتي ليست هيمي ولكن نوعها ماقنوم 5.9 لتر (الفيديو في الاسفل لنفس سيارتي يوضح شكل المحرك الماقنوم وصوتة).
بالنسبة للزيت أغيرة بنفسي من نوع كاسترول المتاح في سوق الجملة.
قطع الغيار كنت أحصلها دائما عند محل بن زينان أو الوكالة في جدة ولكن في الرياض لأاعرف مكان محدد لأنني جديد في الرياض.
بن زينان يوفر قطع من شركات أمريكية مثل فاليو و كراون وكلها جودتها ممتازة.