السلام عليكم ورحمة الله وبركاته
مساء الخير .. جميعاً
وكل عام وانتم بخير .. وعساكم من عواده ..
م/ عبدالله كيفك الحال ان شاء الله بخير
سوالي .
المكينه عندي 70 حصان سزوكي والبوت 7.30 تقريبا الفارس
صار عندي مشكله وقت نزول البحر شغلت المكينه عشان انزل البوت من فوق العربية وكان قريب من الرمل والظاهر انه سحب رمل ومشيت وبعد نزلت صيد
وانا راجع المرسى صار معي شغله غريبه شغلة المكينه ومشيت بالبوت وفي نص المشوار فاجني انه صار ينتع كاني رافع اليد حقت تسخين المكينه قبل امشي بالبوت ما يقبل البور وواقف على رقم (3) ولما اعطيه البور يبدا يقطع وعزم المكينه النص يعني يا دوب يدف البوت .. كلمت واحد من الشباب وقالي ممكن تكون الربله حقت طرمبة المويه امتلت رمل .. امابالنسبه للتانكي والبواجي والفلتر حق البنزين شيكت عليها كامله وغيرت بواجي جديده ونفس الشي حاصل ولم يتغير شي في الموضوع ما ادري ايش رايك في الموضوع
واذا فيه معلومات حاب تحصل عليها اكثر انا جاهز للاجابه المهم احل المشكله ..