ܓ ܓܨ ██ كبسة هرفي في جبال طخفه ██ بحضور نجوم مكشات .. من أخوكم / الاطلسي ܓ ܓܨ

[بدر عبدالرحمن]

عساه بالعافية يا بوعبدالرحمن عليك وعلى ربعك
والله شوقتنا للاماكن الزينة
تقبل مروري ونشوفك على خير
اخوك / بدر

[شموخي تعداك]

بالعااااااااافيه يارب ..

[سحابة بردية]

وعليكم السلام ورحمة الله وبركاته
ما شاء الله تبارك الله
مشكور وماقصرت
الله يعطيك العافية أخوي الاطلسي وبارك الله فيك
على التقرير الرائع والمميز
تحياتي لك

[ألأطلسي]

ماشاء الله تبارك الله

دائماً مواضيعك كاملة الدسم يامال العافيه يابو عبد الرحمن

الموضوع يشدني كلما برقت بهالصورة

اعدام

عسى ماهو حق البارح

لاهنت على الطرح يالغالي

والحمد لله على السلامه

،،،،

ابوصالح

هلامشرفنا الغالي
تسلم على مرورك ولاهنت
يبيلك وقت الين تنسى حق ذيك الليله
كل شي موجود وابشرطال عمرك

[ألأطلسي]

وعليكم السلام ورحمة وبركاته

حيا الله معزبنا وغالينا ابو عبد الرحمن

الكشته هذي تستاهل الشاعريه والابيات الحلوه منك

الله يكثر خيرك وانعم الله عليك يا صاحب الكرم والجود وما قصرت

دائما ما تجمعنا مع نجوم و شباب مكشات. هذا بحد ذاته

جميل ومكسب بارك الله فيك.

والحمد الله على السلامه من ام اجنيب وغيرها .. لكن رعاية الله ثم
جمال الموقع واصرار الشباب شجعنا على السهر والمبيت فى حضن ام جنيب

وكثر الله خيرك وجزاك الله خير , عرفتنا على رجال كفو وما قصرتوا جميعا بارك الله فيكم .

وهذي صورتين هديه دعما للموضوع

تقبل تحياتي ومودتي

مغليكم ابو عمر

كثر الله خير ك يا ابو داحم

فاتك الجح يا رعد

هلابالغالي
انتم اهل وراعين محل مابه معازيب
الاجمل تفضلكم والزيارة وهذابحدذاته زادني شرفا
وشكرا على الاضافة الجميله ياعسل

[ألأطلسي]

مخاوي داب ذريع
قوافي

لاهنتوا وتسلمون على مروركم المميز

[ألأطلسي]

الله يحيك ويبارك فيك ياابو داحم ويجزاك الجنه

انت راعي الاوله الله يجزاك الجنه

جمعتنا معه الوجيه الطيبه


ابو مشعل والكايف وابو عايد ومجرهد وفارس وابوفيصل

الله يجمعنا وياكم في جناته

والطلعه كانت من اجمل الطلعات ياابو داحم


لكن وين صور الهرفي الجبلي .

والجحححححححه .

قل امييين يابو داحم


الله يحرصك من كل شر ويحميك ويخلف عليك


ويحرم وجهك النار

مهما كتبنا لانوفيك حقك

العفو يابو وليد
تسلم على حضورك والطبخه هذي بدونك ولا شي
سلامة رجلك يالغلا
بيض الله وجهك على الرد

[ألأطلسي]

وعليكم السلام ورحمة الله وبركاته

هلابك اخوي العزيز
الاطلسي
وهلا بكل من معك ونعم فيك وفيهم
ماقصرت بياض وجه
ونعم وسبع انعاااام
وشغل مرتب ومظبوط
وانشاء الله الزياره عن غريب
نشوفك ونشوف الوجيه الطيبه الله يجمعكم بجنته

تحياتي

هلابوخليفه
وهلابأهل ابوظبي كلهم
الله يحييك يالغالي وانت اشر بأي وقت بانتظارزيارتك

[ألأطلسي]

يازين طخفه لاكسى جوّها الغيم=وذعذع عليك اعصير منها البرادي

وانت امتمركي شرقي الجرف واتهيم=بالمنظر اللي من جماله ينادي
في سهلةٍ عقب السيول المعاريم=ألين من السجّاد صنع الأيادي
لحظات لو ودّك تحبك المناظيم=في وصفها قصّرت دون المرادي
احسب لها من ست قبل المعاتيم=الى الفجر والجوّ رايق وهادي
خصٍّ وفي مجلسك نقوة شغاميم=ربعٍ غلاهم ساكنٍ بالفؤادي
لا جيتهم تلقى معزّه و تكريم=وكيفٍ مراكينه بجال الرمادي
وسوالفٍ يشفق عليها المضاريم=منقيةٍ لّك مثل تمر النقادي
سجّة عمر ولاّ الليالي مجاهيم=مرّه تسرّ ومرتينٍ نكادي
لو جيت ابذكر بالسنين المقاديم =أعدادهن مازوّدن بالعدادي
لكنّ تكياتي ورا روضة خريم=مازالت اتطّوّف علي برقادي
يوم الزهر بمفتّحات المكاميم=يغري بياضه ما طغى من سوادي
ما داجه الطرقي ولا حافه امقيم=بِكرٍ جماله كل الاحيان بادي
عنيت له والقلب شفقان وامحيم=حاديه من همّه على البعد حادي
لو طوّل المسرى ونام المناديم=لا جيتها بتقول مامرّ عادي
من قصرها راحت سواة الهذاريم=ولاّ السراب اللي زمى بالحمادي
راحت وخلّت لي بقايا تلاويم=أهيم معها اليوم في كل وادي

واقول ياربي عليك التراحيم=من سوجتي رجلي على غير قادي

هلابخوي علي
لاهنت اضافة جميله جمل الله حالك

[ألأطلسي]

ابداع منقطع النظير الصورة من موضوع سابق لاخي الاطلسي امد الله في عمره على العمل الصالح.

جزاك الله خير اخوي العمرو
دائما ردودك مشجعه
بارك الله فيك

[ألأطلسي]

ماشاء الله تبارك الله أستاذنا الحبيب الكريم الفاضل

الأطلسي

كفو وألف والنعم بجميع أعضاء الرحلة الكرام

المعزّب كريم والضيوف كرام

والله يابو داحم شوقتنا لهذه الخيمة الضاربة جذورها في التاريخ

بالكرم الحاتمي المشهور وشكل الأمور تتجه نحو هذه الخيمة

لا متابعة خرائط ولا مواقع طقس

متّعك الله بالصحة والعافية كما أمتعتنا بهذه الصور الجميلة والرفقة الطيّبه

أشكرك على الأهداء ومايجي منك إلا الطيّب يابوداحم

بوركت حفظك الله وآمل إبلاغ سلآمي لداحم وسعود الله يحفظهم

تسلم يابوفهدعلى مرورك
دائما ردودك مشجعه
تميزي استمده من المميزين امثالك

1. فأنت قدوه لنا بارك الله فيك
2. اتمنى ان اكون عندحسن الظن

[ألأطلسي]

وعليكم السلام ورحمة الله وبركاته

ماشاء الله تبارك الله

الاخ الغالي /الأطلسي

الله يخلف عليك ويستر عليك
يابوعبدالرحمن
دايم راعي الاوله
هالرحله فاتت ناس وفاتتهم الجحه بعد
الله يجمعنا وإياكم ووالدينا بجنات النعيم
طعم هالجمعه من غير عدد بآخر الجمجمه
الله يبارك بالجميع ويكتبه بميزان اعمالكم
بارك الله فيك ورحم الله والديك
ننتظر منكم المزيد
تقبل مروري

والسلام عليكم

هلابخوي الكبير
ردك شرف فكيف حضورك يابعدي
انت شعله اتمناك معي في كل رحلاتي
استشارتك واجب علي لأنك قدوه
بارك الله فيك والجح ابشر فيه حق شقراء

[ألأطلسي]

ماشاء الله تبارك الله

الله الله على هذا الابداع وهذا الشغل السنع

طيب وكرم وعلوم رجال وصبة الفنجال وطبخة جابتلي الجنان

ابوداحم بيض الله وجهك على هذا التقرير وهذه الرحلة المكشاتية الجميلة

التي جمعت الرجال الي مثلك وشرواك ... ونعم بالحاظرين

وبلغ سلامي للجميع

اقول اذا جا الصيف ورني شطارتك في الطبخ راح يبداء الدوري الي مثل العام

تراني الان مسوي حلف مع ابوعبدالمجيد تعرف هو سمي ولا بد انه يدعمني وانا ادعمه

والمواضيع راح تكون هجمات مرتدة

وبعدين اشوفك تزين علاقاتك مع ابوفهد وش القصه

الله الله من حصل اصحابه نسى احبابه

وتسلملي على هيك شغل مرتب

ولك مني فائق تقديري واحترامي

محبك

برق السيل

بارك الله فيك ابوعبدالعزيزعلى الرداللي يثلج الصدر
وحقك باقي
ابوفهدغالي واللي ماقدرنا عليه اعطيناه اياه في الموضوع
انت تستاهل من يجي لحدك وابشرباللي يرضيك
بانتظارجديدك

[ألأطلسي]

ما شاء الله .... تبارك الله

لله درك يابوعبدالرحمن طبخة حلوة وخلطات مميزة
تسلم يمينك على هذه الطريقة والصور الجميلة
وبصحبة رجال كرام يفتخر الشخص بمعرفتهم
وأهم شي خلطة الفلفل حقت البارحة

رعاك الله وبارك فيك وألف بين قلوبكم وجمعكم على خير .

هلابالغالي ابومعاذ
نورالموضوع وتم ادراجك في المجموعه الحديديه
خلاص تراك من ضمن الشله ولم سيفك
الف شكرلك على مرورك

[سيف الظفير]

يمال الجنة انت وربعك يا القرم



والله يا صورة النثرية والمكان اللي حليتوا فيه

يذبح الخاااااااااااافق