بسم الله الرحمن الرحيم
مشرفنا الكريم
اخواني واخواتي اعضاء وزوارمكشاتي الحبيبه
حياكم الله جميعا
هذي سالفه صارت من كم طعش سنه وكلما تذكرتها ضحكت وحمدت ربي على النهايه اللتي لم احاسب عليها ولاول مره؟؟
نبدء بالتوكل على الله
انتقلنا للعيش شرق الرياض منذ مبطي وكان الحي تقريبا شبه فارغ من السكان والمنازل
فكنت اتمشا بعد العصر على اقدامي للترويح عن نفسي فانا لا احب الحوائط والبيبان
وكانت تكثر بتلك المنطقه جحور ضبان وبالجوار يالله من فضلك توجد بعض احواش الابل
لكن الشيئ المنغص في ذاك الجمال هو اعزكم الله الكلاب فهي كبيرة الحجم وتجعل قلبي يتوقف من الخوف كلما احسست انها خلفي اوسمعت انفاسها ولهاثها
وما جعلني اشعر بانها فعلا خطره بان بعظها مسعور كما سمعت من ام فلان وفلان
فكانت دائما بقرب البيوت او ما ان تسمع صوتك بحديقة المنزل حتى تبدء بالنباح وحك الارض باظفارها لعلها تستطيع المرور من اسفل الباب
ولا تنسا ان تتكرم وتضع لنا بعض من لعابها على الباب او مكان ماتتشنطح عند الدرج اللي بالشارع ..
كل صباح وعند الخروج من المنزل يبدء الكر والفر مع ذاك الكلب وهم كثر بس هذا مدري وش عاجبه ببابنا
اشتكينا للبلديه ولم ينفع وضعنا سم بلحم ولم تا كل واشتكينا للشرطه ولا حياة لمن تنادي
فاصبح الامر يوترني كثيرا واقسمت ان لا اسكت!!!!
وفي احد الصباحات الكلابيه نظرت من شباك غرفتي ووجدته يجلس امام المنزل لكن يبعد حوالي عن الباب 10 امتار او اكثر بقليل
وانتظرت خروج رجل المنزل واحمد ربي ان لاجار بالبيت اللذي امامنا فهوا لم يسكن بعد والباقي يمين ويسار
وتاكدت ان لا احد بالشارع
وكان عندنا بالبيت شوزن او شوزل ام حبه
فاتكلت على الله وسميت بالله ونزلت للحوش واقتربت من عند الباب ونظرت اسفل الباب فوجدته لم يغير موقعه كثيرا
فصوبت وسميت واااااااااا ددب
عوا عواء صمت له الاذان وانا كمن اصيب بصمم لا من البندق ولا من صوت الكلب واحمد الله انه مات
وسبحان الله على الحظ الجيران اللذين كانو متوذين مثلنا
تحسبو على الله وهو من قام بعرش لحم بعض ابناء الحي
وخذ ياتفسير واسمع مايدور !! من رجال الجيران
سمعت صوت صبخت الموتر!! والاخر لايبن الحلال هذي طلقه.. والكلب قدام بيت فلان يعني منهم
وترررررررن ترررررررن
رديت :مين .قالو وين فلان قلت بالدوام
رد واحد ..طيب سمعتو الصوت اللي تو ذا من عندكم قلت
لا
قال واحد مسوي فكيك:لالالالازم نبلغ الشرطه
قلت بس طرتي ياقوافي لسجن النسا عشان كلب
وبعدين زهمت على رجال البيت وقلت له السالفه !!!!بغى يذبحني مثل الكلب بس موب عشان الكلب عشان بندق الجد
واحمد ربي ان حرف الواو الله يخليه لنا ويصلحه صك على الموضوع ولا تحركت من باب البيت يارب لك الحمد
لان شكوى الجيران انه لو عيالنا برا كان وش صار ؟
سوءال غريب كيف وش صار اصلا لو طالعين كان بلعهم الكلب
بس خسرت بندقي الحبيب وصرت لا اراه الا من خلف باب من الزجاج المفصل مخصوص ليكون بعيد عن قوافي..
تحياتي للجميع
اختكم
..قوافي..
رد مع اقتباس
المشاركة الأصلية كتبت بواسطة قنيص غير
كان بساكتون بين العيون ،
وللي سويتيه فعل طيب .. 
