بسم الله الرحمن الرحيم
حياكم الله جميعا
مشرفنا واخواني واخواتي من الاعضاء والزوار لخيمتنا الحبيبه
سالفة اليوم من المواقف اللي لاحصلت ماودك احد يدري وش سويت
نبدء بالتوكل على الله
والدي الله يحفظه عودنا ان كل ماصار ربيع نخيم وان كان ما فيه نطلع رمل
طلعنا وخيمنا وكان قريب لنا مراح بعارين ومابين فتره وفتره تجي هاك الشيخه على الشاص تجيب حليب بعارين وتسلم وتقعد مع الوالده تقهوا همن تسري لخيامها
وبمره قلت لها بجي اشوف البعارين بالمراح قالت روحي ماحولتس احد بس بكري قبل تسري للرعي
مريومين والثالث الا اخوي ابو دلة الملوحي واقف قدامي وتو الشمس تطلع وكان توه متعلم السواقه
قلت تودين لم مراح البعارين ولا جينا امد ح سواقك عند ابوي يشريلك موتر تطلع البر مع رفقاك
رد الضعيف ايه ايه الله يخليتس اوديتس وين ما تبين بس امدحين ,,مشينا مشينا
الفرصه جت لان الماطور مابعد طفا وكان قريب يعني لا اشتغل الصالون ما حد يسمع
ركبنا الصالون اللي كنه فرعون
ومشينا وكلي ثقه بان اخوي سواق
والله لو شايفنا الوالد كان علوم بس الحمد لله شافنا الضحى
بطريق العوده للعلكه
نرجع للسالفه :تدلين ؟قلت ايه مسويه جارمن
المهم واشر له رح منا هم ورا العرق
مشينا نبي نقطع العرق والسواق ؟؟؟؟؟؟؟؟؟؟؟؟
اكيد تدرون الباقي
غرزنا تغريزه عمري لا شفت ولا رئيت
وقف فرعون على الدفرنس وقال هذا مكاني
والضعيف يقول :
حفري حفري !!حفرت وانا عارفه يبيله لوري يسحب وعسا
همن قال دفي
وانفجرت كن هو السبب !!!
وش ادف ماتشوف حول لا اصلخك بها الارض وحفر ودف انت
من بعيد الا هذا ددسن وفرح اخوي.. وانا لا!! اخوي بزر
قلت اجدع بسرعه شماغك علي واشوا ان حنا شتا والبشت اسود صايرن كنه ثوب
وحطيت الشماغ على راسي وقعدت بالجهة الثانيه عند الكفر مايشوف الجاي الاطرف الشماغ وقلت لاقرب قله رح بسرعه ترا ابوي صايل ولايقدر يكلمه احد والحين بيجي اخوي ويسحبنا
قرب راعي السياره وقاله اخوي ماعلمته ومشا وانا ابنهبل على روحته بس!!!!! وشوي الاهذي شيختنا ام الشاص وقفت وقالت ارسلت ولدي يساعدكم رديتوه انا اشوفكم اول ما مشيتو وغرزتو ولقط يا ملقط الفشايل
حولنا الوايرات من فرعوننا وسحب وسحيب
اعععععععن بطبططبطبط
والحمد لله تم الانقاذ الساعه 9وربع وشكرتها وحبيت راسها وانسدت نفسي عن البعارين وعلى خيامنا
ولا ابوي الحبيب قاعد يحتري دلاله يعني انا واخوي
وقطعه من لي المطاره معه والباقي صعب ذكره
واخذ ابوي المفتاح وماحصل الضعيف ولااااااا سيكل
وقعدت بالخيمه للمغرب لضروف علكيه نتج عنها حروله بالاقدام..
ما اقول الا يا صبر الارض
تحياتي
قوافي