سؤالات حول طريق الرياض - ابها 1432هـ- 2011م

[بو رؤى]

1- ماهي الخريطة التفصيلية للطريق من الرياض الى ابها مع المسافات بين المدن والقرى ؟


2- ماهو افضل طريق من الرياض الى ابها من ناحية : الامان , سعة الطريق , قصر المسافة ؟


3- هل توجد محطات واستراحات بكثرة على الطريق وما افضلها ؟

4- هل على الطريق سياج حماية من الابل والماشية ؟

5- ماهو افضل وقت لسلوك الطريق هل هو بعد صلاة الفجر ؟ ام بعد العصر ام في الليل ؟

[abuzeyad]

أفضل طريق _ الرياض _الخرج _ وادي الدواسر _ السليل_ تثليث_ خميس مشيط _ أبها. وتمر بعدة قرى ومدن بهذا الطريق والمعروف بطريق الجنوب. ويوجد الكثير من المحطات والإستراحات تقريبا كل 100ك . وهو خط سريع ومحاط بسياج بإستثناء بعض الأماكن .وأفضل وقت لسلوكه حسب مزاجك وراحتك . والأفضل إذا بتمشي في الليل ما تتجاوز سرعتك 120 خاصه من وادي الدواسر حتى تصل خميس مشيط لكثرة الشاحنات وتسرب بعض الإبل من بعض الأماكن المفتوحه ليلا.مع إني أفضل السفر بعد العصر إذا برد الجو . وبيدخل عليك الليل وإنت باقي فى الخط وتراه أريح لك وللموتر بس لابد تفتح عيونك وتكون على حذر وتترك السرعه والله الحافظ. أما في الشتاء فأفضل وقت بعد الفجر لبروده الجو ولراحتك ولراحة السياره ووضوح الطريق والمسافة تقريبا1200ك والله ماقد حسبتها بالضبط وإذا تبي خط يفتح النفس في الرجعه وتاخذ لك عمره لا ترجع مع هذا الخط .إمش من ابها للباحه للطايف لمكه وعوده للرياض( بس تراه عقبات وأنفاق وجبال شاهقه لين الطايف لكن جو وطبيعه روعه ) . والله يحفظك فى حلك وترحالك.

[صيادالجبيل]

افادك ابو زياد ولا ازيد علية والله ييسرلك امرك

[ماشي الحال 3]

يعيب طريق وادي الدواسر وجود الحفريات والتحويلات المتعبة .

[أبو خالد900]

من خبرتي بالطريق الأفضل أن تتحرك الساعة الثانية فجراً
في مثل هذه الأوقات ( نصيحه) ...
من الرياض إلى أبها المسافة 1000كم بالضبط
من الرياض إلى الدلم 90كم ومن الدلم إلى حوطة بني تميم60كم ومن الحوطة إلى الأفلاج 140 ومن الأفلاج إلى السليل 230كم وهذه تعتبر أطول مسافة بين المحافظات ومن السليل إلى وادي الدواسر 80كم ومن الوادي إلى تثليث180كم ومن تثليث إلى خميس مشيط 200كم والآن يقولون إلى وصلت خميس مشيط كأنك واصل أبها ما فيه فرق بينهما بعد التوسع العمراني

الطريق كله مزدوج ... والسياج ليس في كامل الطريق ...
الطريق يحتاج من الزمن عشر ساعات مع التوقف للصلاة و الوقود
لن تحس بحرارة الجو على كامل الطريق لأن فترة الظهيرة ستكون قد وصلت المناطق الأقل حرارة بعد وادي الدواسر

توصل بالسلامة إن شاء الله

[سنودي]

الله يعطيكم العافية

نبغى فائدة زود

وش رايكم بطريق طريب

تنصحونن به ؟؟؟

[دل البحار]

الافضل طياره وأشحن سيارتك مع البسامي
النظام الجديد

[سنودي]

هههههه البلاء مالقينا طيران

زحمة حييل

هع

نبي أحد يعلمنا عن طريق طريب

[دل البحار]

طيران قطر يمدحونه ههههههههـ
الله يعينكم وتوصلون ابها
وعطنا خبر بالاسعار للشقق تشجع ولا اقلبها باريس اصرف

[الصمان 2]

حياك الله أخوي

أطلع على هذه المواضيع :


السفر إلى أبها عن طريق مخرج طريب ( صور مع الإحداثيات ) جديد




::




..:: دليلك إلى شقق وفنادق أبها ::...




::




(( أحداثيات وصور بعض المنتزهات في مدينة أبها ))




موفق يالغالي .








.

[سديراوي نت]

انا جاي من ابها قبل يومين بالنسبة للطريق صراحة سيئ.. تحويلات كثيرة وقرف.. ومثل ما قال ابوخالد امش من الرياض 2 ليلا او بعد الفجر مباشرة.. والعودة حرك الساعة 3 العصر وبتوصل للرياض 2ليلا او قبل حسب سرعتك. وذكر لي واحد من الأخوان ان فيه طريق من الحوطة يشبك مع طريق مكة من حول المزاحمية يختصر كثير ياليت احد يفيدنا عنه.