تعطل طرنبة فورد اكسبيدشن2006

[وجعين]

السلام عليكم ورحمة الله وبركاته

للمره الثانية تتعطل طرنبه البنزين المره الاولى طقيت التانكي وشتغلت وهذه المره تكسر التانكي من الطق مافيه فايده قلت خل أعبي جركل بنزين لآني خابر الموتر مايتعطل الأ اذا كان البنزين على الربع وعبيت بدون فائده من بكرى الصبح شغلت اشتغل الموتر مع العلم ان الموتر صافي لافيه تقطيع ودي أغير الطرنبه بس احس ان مابه خلاف وان العيب مصنعي يعني حاجه تعلق بطرنبه وتمنع وصول الكهرباء ولا وش معنى اذا ضربت التانكي يشتغل الموتر . نبي السبب والحل لمن لديه الخبره في موضوع الطرنبات سواء فورد ولا جمس الظاهر المشكلة وحده

[صب لي فنجال]

وعليكم السلام ورحمة الله وبركاته

من كلامك اخوي انك اذا ضربت التانكي تشتغل في الحاله هذي تأكد
من الأفياش حقت الطرمبه احتمال يكون واحد منها ماركب في مكانه كويس
يعني يكون راكب نص تكه ومع الضرب والحركه تشتغل هذا احتمال
وان شاء الله يكون في محله
والله لا يخسرك.

[بدوي جنوبي]

ينقل لقسم الاعطال

[وجعين]

جزاك الله خير لكن ماظنه فيش لان المشكلة هذي ماتجي الا اذا صار انبير البنزين على الربع فقط دام البنزين فوق النص الأمور سليمه

[karib]

هذا دليل على انا طرمبة البنزين تعبانه اذا في التانكي النصف يكون البنزين بمثابة تبريد وما تحتر الطرمبة اما اذا قل البنزين ترتفع درجة حراة الطرمبة وتتعطل عن الشغل والسبب تلف في بلف تخزين البنزين الي في الطرمبة في الحالحة الطبيعية للطرمبة تكون فيها غرفة حول مولد الطرمبة مع شيك بلف لمرور البنزين بين المولد وجرم الطرمبة لتبريد

[وجعين]

تحليلك مقنع بس السيارة ماشي حاله ولا فيها ضعف او تقطيع او تفتفه وهذا دليل ان دنمو الطرنبة سليم وان دفعه قوي انا أقول فيه حاجه بطرنبه تقفل يعني حاجه كهربائيه اذا قل البنزين يقفل ولا يوصل كهرب ومع ضرب التانكي يشبك وتشتغل ماهو هذا الشي لا اعلم

[وجعين]

ننتظر ذوي الخبرة

[وجعين]

ننتظر أهل الخبره وين أهل الطرنبات

[الحازمي com]

هاذي حركات طرمبة بنزين
اذا انت طفران روح محلات قطع غيار و اشتري قلب طرمبه سعره حدود 250 ريال ديلفي تركيبها بين 150 الى 200 هذا اذا انت ماتشتكي من العوامه اذا انت تشتكي من العوامه لزم تغيييرها كامله سعرها في حدود 950 ريال

لزم تدور لك واحد فاهم يركبها لك عشان لايخرب لك العوامه ان ركبت عند ورشه اي كلام خرب لي العوامه صار عندي تهريب بنزيين بغا يحرقني الله يحرقه

[وجعين]

جزاكم الله خيرا على الردود لكن ماعندي نيه أغيره اللين اخر رمق بحياته دام البنزين مايوصل الربع الأمور زينه

[جني صغير]

نصيحه مني لك ولكل شخص اذا معك موتر أمريكي لا تخلي إمبير البانزين تحت الربع لان اذا سويتها كم مره راح تتعطل الطرمبه عليك

[وجعين]

صدقت يالجني بس المشكلة اذا سافرت خط طويل مثل مكة تخبر المحطات متباعدة الله يعين لكن الامريكي هو سيارة العائلة بس الموديلات الجديدة الصراحة نكبت العائلة

[الحازمي com]

صدقت يالجني بس المشكلة اذا سافرت خط طويل مثل مكة تخبر المحطات متباعدة الله يعين لكن الامريكي هو سيارة العائلة بس الموديلات الجديدة الصراحة نكبت العائلة

ياخوي غيرها احسن لك ترا كلها تغيير قلب يكلفك تقريبا 450 بكثيير مع شغل اليد
والله الواحد يشتري راحة البال تصيير حتى انت مسافر تشيل هم لا يطفي عليك في طريق