جيب ربع نيسان 82

[ابو مناخ]

اخواني اعضاء مكشات الاعزاء اشتريت نيسان جيب موديل 82 من الخطوط السعودية جدة
طبعا الجيب طيب المكينة والقير والدبل جيدة اما البودي راح تشوفونه في الصور الاستمارة مجددة ومفحوصة العداد 75 واسمع سومكم
السوم يبدأ بريال

[محطم عنيد]

الله يرزقك يارب يارب

[abo_saleh]

بسم الله 6000 ريال

0565545000

[حر الحربي]

6500 شرط الفحص والله يرزقك. 0553015883

[ابو مناخ]

جزاك الله خير اخوي محطم عنيد
والاخوان سومن طيب نطلب من الله الزود

[المهاجر انا]

مافيه صور ياليت تضيفها مره ثانيه

[مغرم بالفتك]

الله يرزقك من واسع فضله

[ابو مناخ]

الله يجزاكم خير تمت البيعة وارجو من المشرفين اقفال الموضوع
ذبحة ذبيحة يوم بعته

[ابومنذر101]

ذبحة ذبيحة يوم بعته؟؟؟
ليه وش قصدك ؟
هل فيه مشاكل؟؟
ياليت تفيدني وانا خوك لانه معروض علي ربع 84 محركات على الشرط حسب كلام راعيه
ومرشوش على بوية بلده يعني على نظافه
ويقول فيه الدوده حق ذراع الدركسون؟؟
تكفى رد علي لاتوهق وانا خوك كيف قطعها وكيف استخدامها لاهنت

[ابو مناخ]

والله ياخوك السيارة قويه وحمار مكدة ومعروف بالقوة وقطعها متوفرة في كل مكان استغفر الله حتى البقالة
(خخخخخخخخخخخخخخخ قوية)
بس لا تلومني لاني تعذبت من المطبات السيارة سست ماهيب يايات
واضف الى ذلك الكربريتر كل فترة يحتاج تنضيف وسلامتك

[ابومنذر101]

الله يسلمك ويعافيك

يعني تنصحني بها لاني بمنطقه كلها جبال وطرق وعره بالباحه
تكفى رد لي خبر لاني متردد
الله لايهينك وانا خوك

[ابو مناخ]

خذه والرزق على الله

[abo_saleh]

الموديل القديم يعيبه الكلبرتر والحراره دائما

[ابو مناخ]

احسنت اخوي abo-saleh هاذا الي كرهني شوي فيه

[محطم عنيد]

الله يرزقك