افضل سيارة عائلية (يوكن /اكسبيدشن/ سيكويا)

[مخاوي الليل]

السلام عليكم ورحمة الله وبركاته

حياكم الله جميعا

اخوكم ناوي على سياره للعائله ومحتار بين الثلاث انواع

(يوكن /اكسبيدشن/ سيكويا)

ومن باب ما خاب من استشار

قلت مافيه افضل من اخواني في مكشات نشاورهم ويعطوننا العلم

ففضلا لا امرا

افيدونا بالأفضل من بين الأنواع الثلاث

ويعطيكم العافيه مقدما

[متيم البر]

اليوكون لا تتعداه

[شيخ المواتر]

السيكويا كأن فيه غلط في تصميمها.

مساحة التحميل الخلفية أصغر من السيارات الأخرى.

أم أن تكون أقصر منهم .

[asxz]

سكويا أوسع وأقوى 5700

[سايق الريم]

^^^^
يوكن دينالي 6200 441 حصان يعني خل السيكويا يستريح


من تجربة اليوكن بلا منااازع خصوصا بالخطوط الطويلة عزل الهواء جداً ممتااز

[abu fares]

وجهة نظر


استبعد السيكويا

وفاضل بين اليوكن والاكسبديشن

[ابو يوسف GX-R]

السلام عليكم مساكم الله بالخير جميعا
اخي الغالي نصيحه مني لك الاكسبدشن صيانته متعبه جدا واي مكانيكي يعرف موضوعه عندك اذا جيت تغير البواجي بالاكسبدشن احيانا ما يضبط اذا جا يفكه وش يصير ؟ ينكسر بالمكينه اذا انكسر لازم تفك نص المكينه
عشان تصلحه وهذا مكلف شوي اما عن اليوكن موتر حلو لاكن المساحه الخلفيه بعد المرتبه الثالثه ماتكفي (مركاه) اما السكويا اذا اخته تبي تررتاح اول شي بالخط راسي والمكينه كبيره والمساحه بعد المرتبه الثاله
اكبر من اليوكن بس السكويا عيبه واحد وهو كبر حجمه يعني مناطق ضيقه صعب يمر فيها
وهو سعره السكويا بالوكاله (دفرنسين -فتحه -حساسات-كشفات مرتبه السواق كهرب -مسجل 6 سيديات -14سماعه )تحصله المعارض طالع به اسم بي 156 الف تقريبا اما تحجزه بالوكاله ويجيبونه من جده بي 152 الف تقريبا )والله يسهل امرك يالغالي
الكلام عن تجربه يالغالي وفقك الله

[وهج الحياة]

اذا بغيت تحيره فخيره ، يعني اذا بغيت الواحد يحتار فخله يختار

الله يعينك يا اخوي وانا بعد نفس الشي افكر في الموضوع هذا

[سكب]

اخي الغالي

اليوكن
وخاصة الدينالي بدون منازع

الله يكتب لك الخير

[أبو إياس]

الإكسبدشن عليه عرض بـ 118000 ألف ريال دبل واليوم آخر يوم

[ساري 111]

لو انا مكانك اخذت اليوكون

اما انت هذا شي راجع لك

اذا يهمك الشكل يوكون
اذا يهمك المضمون سكويا

[لاندكروزر11]

السلام عليكم اخي الكريم ما خاب من استشار
اليوكن ,سياره حلوه لاكن ما تشيل عفشك المساحه الخلفيه ضيقه جدن يعني راعي بر لا تقربه ليش امريكي الباب الخلفي صغير يتعب الركاب الذاهبين للمرتبه الخلفيه لدخول والخروج المرتبه الخلفيه الثالثه تتعب الي جلس فيها ليش عشان المرتبه ملاصقه للارض والرساوه ماااافيه امش 160 الموتر يجنح
...............................

انسخ الربط وضعه في اليوتيوب وشكرا
اكسبيدشن ,صيانته غثيثه اول شي سياره تشريها وتسافر وترجع يطيح من سعرها واااجد
......................
الـــــــــــــــســـــــــــــــيــــــــــكـــــ ـــــــــويـــــــــــــــــــا
افضل موتر مر علي من ناحية العزم والرحاه جمع بين راحة الامريكي ورساوة الاندكروزر والقوه طبعن السيكويا فيه ثلاجه
ومراتبه وسيعه والميزه الحلوه فيه الغير موجوده في اليوكن الباب الخلفي كبير يسهل الركوب والنزول من مراتب الصف الثالث والمراتب الصف الثالث كبيره ورفيعه <غير ملاصقه بل ارض مثل اليوكن > تسارع من صفر ال100 بسبع ثواني
عيوب الموتر العرض ولاكن يوجد به حساس قدام في الزويا الصدام يعني الموتر ممتااااااااز وفي البر معك ياباني دبل ورح ونت مطمئن وانصك يااخي الكريم اذ صملت تاخذ سيكويا خذ فتحه <SR5> سماعه14استريو .ضغاطات بدركسون . مقعد السائق كهرب. فتحه المساحه الخلفيه واسعه بعكس اليوكن ونصيحه ونصيحه تاخذ السيكويا الموصفات هذاي موجوده عند معرض الشوراى بنسيم 155 وفي الوكاله 152 لاكن الوكاله تنتظر 21 يوم عشان يجي السياره جباره جباره وياليت تجربه قبل

[أبو مسفر]

انا معي يوكن ومع ذلك انصحك بالتاهو لأنه نفس اليوكن ومن وجهة نظري الشخصية ان شكله احسن من اليوكن
لكن اشوف في الاكسبديشن والسكويا ميزة وهي سفط المرتبة الثالثة من دون ما تنزلها كما هو الحال في اليوكن والتاهو وهذه ميزة انك متى ما احتجت للمرتبة الثالثة موجودم عندك .

وبالنسبة لي مثل ما قال أبو إياس اشوف الاكسبديشن عرضهم ممتاز فقط 118,000 ريال ودبل أيضاً يعني سعر منافس لجميع السيارات والسيارة واسعة ومريحة .

[Bader-M]

بنسبة لي افضل الاكسبدشن

تحياتي اليك

[abuslman88]

سكويا ولا تحتار
استئجر وحدة ولف فيها وشوف زينة أم لا
ثم استئجر يوكون وقرر بعد ذلك
والتجربة خير برهان