افضل سيارة عائلية (يوكن /اكسبيدشن/ سيكويا)

[لاندكروزر11]

حنا يا حبيبي نشري الاندكروزر لاكن مهب لابغينا نشري سيكويا نبيع الاندكروزر حبيبنا
...........

[لاندكروزر11]

ههههههههههه
ما سمعنا ان دبل الياباني يشتكي مشكله والله

[ولد الغلباء]

انا عن نفسي صراحة اايد السوكويا ثم واليوكن ثم الاكسبدشن وانا الان معي يوكن واستعماله خط وديرة وبر روعة

[شيخ بني تميم]

السكويا مكينته مكينت لكزس وقير لكزس وبتوفيق

[ملك الصيانه]

يوكن وخصوصا الدينالي .

طع شوري وانا اخوك استاجر وجرب ثم اختر
الله يوفقنا واياك

[hightech]

ياخوي ترى ×كلها سيارات زينه وقبل كل شي كلها توافيق من الله وانا مثلك كنت محتار ورحت وجربت السكويا صراحه انها×

سياره جباره وعليها قوة مهيب صاحيه بس حجمها كبير شوي احس بكذا اذا دخلت وطلعت من البايكه وفي نفس الوقت×

حصلت معارضه من العايله مارتاحوا لشكلها وبالاخير شريت تاهو وانا نفسي في السكويا والحمدالله على كل حال مرتاح برضه مع التاهو×

ومن ناحية الاكسبيدشن واحد من الاخوان عنده واحد ومبسوط معه وبالاخير انت جرب السكويا وعليك بصلاة الاستخاره والله يكتب اللي فيه خير للجميع

[الحمدآن]

اخوي كان تبي نصيحتي والي يتحمل وفي البر ملك وفي الخطوط ملك (( السوبربان )) شيفرولية والله ما يطلب منك الا بنزين وزيت ... من واقع تجربة ..... والله يوفقك

[طير شلوى نجد]

والله السيارت الثلاث قرييبات من بعض ووجه المقارنه بينهن صعب وكلهن سيارات عائليه درجه اولاء فأخوك بيدفع مبلغ وقدره فلمقارنه تكون وش السيارة الي تعجبه وتدخل مزاجه ولا ينسى الاستخاره والاذواق تختلف والدليل موضوعك كل واحديعطيك منضوره بسياره اعجب فيه(لولا اختلاف الاذواق لبارت السلع)بالتوفيق

[Aboabdulaziz]

مع احترامي لاراء الجميع نصيحة لوجه الله ومن خلال تجربه سابقه وقدددددديمه ال GMC ابعد عنها تغيرت كثير عن اول

ال FORD وش حليها اذا سلكت لكن عند البيع ما تسوى

الخيار الافضل تايوتا سكويا او نيسان ارماد


والله يوفق الجميع

[ابو يوسف GX-R]

مع احترامي لاراء الجميع نصيحة لوجه الله ومن خلال تجربه سابقه وقدددددديمه ال GMC ابعد عنها تغيرت كثير عن اول

ال FORD وش حليها اذا سلكت لكن عند البيع ما تسوى

الخيار الافضل تايوتا سكويا او نيسان ارماد


والله يوفق الجميع

لي الله درك يالغالي اختصرت الكلام كامل

[الهوى جنوبي]

بسم الله الرحمن الرحيم
ال gmc وخخخخخخخخخر عنها كثرة الالكترونيات اللي فيها خلت مستخدمينها يوسوسون وتوقع خرابها في اي لحظه حتى لو هي جديده وتصفح رابطة ملاكها وشوف التهاويل . انصحك بالford والله يدلك . تحياتي

[و لد ملهم]

الجمس حضك نصيبك خالي كان معه تاهوي أخو الجمس راح عليه القير بعد الضمان بشوي وزينه على حسابه و بعد فتره الموتر جته كتمه ما يمشي الا 70 و زينه ب4000 ريال في الصناعيه و خالي الثاني معه مثله ماشي معه زي العسل فيه ناس تمدح و ناس تذم لذلك ابتعد عنه و ريح راسك لكن أنصحك بالفورد و نيسان ارمادا

[المنيعي1]

أنا لو أردت شرأ سيارة عائلية لخترت أرمادا
أما من ضمن خياراتك يوكن

[سلطان_الهديبي]

اكسبديشن ما أنصح فيه معي من 2008 وكالة ومن خلال تجربتي معه خلال هالفترة أقدر ألخص تجربة الأربع سنوات بكلمة وحده فقط: غثيث.

اكسبيديشن لولا سعره رخييييص ولا ما أحد يطالع فيه.

اسكويا جربوه 5 زملاء لنا، 3 منهم باعوه واثنين منحدين عليه لأنه أجار منتهي بالتمليك ولو بيدهم رجعوه لكن يوم حسبوا ترجيعته حصلوا خسايرهم واجد

اليوكن موتر وما عليه كلام وإن كان كل السيارات فيها عيوب لكن يكفيك انه GMC وراحة ورحابة ورساوة وقوة وكشخة لك ولعايلتك لعشر سنوات وزملائنا اللي باعوا اسكويا اشتروا يوكون كلهم 2 منهم قصير بدبل وواحد طويل. وان كانك راعي بر كثير فعليك بالتاهو يبيض الوجه

والله يوفقك في الموتر اللي ترتاح له

[مخاوي الليل]

حقيقة

ماخاب من استشار اهل مكشات

ردود وافيه ونصايح جميله

وبعد الأستشاره والا ستخاره قررت بإذن الله على الإكسبيدشين

واقول للجميع

رايتكم بيضا