مقناص ( كينيا ) 2011/6/17

[شاهين2]

الله يجزاك خير يالخلاوي متعتنا الله يمتعك دنيا واخره
عندي سؤال بارك الله فيك الصيد محسوب عليكم يعني لك عدد معين باليوم والا لك عدد معين طول فتره صيدكم والا عادي صيد اللي يكفيك
واذا الصيد محدود هل فيه لسته بالترخيص يحدد لك فيها عدد الصيد ونوع الصيد؟

[راشد الخلاوي]

مرحبا بكم جميعاً

بالنسبة للصيد اخوي شاهين ماهو محدد علينا ولا يقولون لك شئ ولا عدد معين صيد اللي يكفيك والنوع اللي تبي

والصيد الجائر خسارة والمهم انه ما فيه احد ياكل علشان كذا ما نصيد واجد ونتخير في الأنواع معدل واحد في

الصباح وواحد من نوع اخر في العصر ولو المقصد الأكل فقط كان خليناها على الدقدق والحباري والدجاج

الحبشي والأرانب والقطا والكروان موجود والله ما ثارت علية

والبرنامج حلو يكون مرتب وضعك وصيدك وروحتك وجيتك واللي لقينا يمكن 5 انواع من الظبا كلها شيكنا عليها

ولله الحمد

علشان كذا حنا مبسوطين وهم مرتاحين

[mktt]

مشكووووووووووووووووووور

[العيسمود]

ماشاءالله تبارك الله
صايد وفايد
،،،

[رحال]

لاهنت يالخلاوي على التقرير ..
ماشاء الله عليكم رحلة شقرديه الله لايغير عليكم قول آمين اما الصيد جداً رائع وموفق اسأل الله العلي القدير ان يحفظكم من كل شر وصيدكم جعله بالعافيه

ننتظرك بالجديد
اخوك بوخليفه

[عاشق ورق]

صايد وفايد ماشاءالله عليكم
وخوياك على كيفك
الله يجمعكم علىطاعته
تحياتي

[t.d.m.c]

أخوي راشد الخلاوي
عز الله انك كفيت ووفيت وجعل يديك ويد كل مسلم تحرم عن النار
كنت ومازلت ابحث عن المتعه في البر اللي يطيب الخاطر والمقناص اللي يفز له القلب ماشاالله لاقوه الا بالله

ابيك تفيدني وتفيد الاخوان عن التفصايل المهمه مثل التذاكر وآجار الصناقيح الطخوم السود ^_^ باليوميه ولا وش العلم
وهل الاتصال بهم سهل والتصريح كذالك سهل وكم طلعت رحلتكم به اجمالي تقريبي
وكذالك المونه اللي خذيتوها من ديرتك وشي واللي من هناك وش
والسكن

ماودي اطول عليك لكن ابيك لبى قلبك تبرد قلوبنا


ودعتك الله ,,,,

[عديم الوصف]

ماشاء الله مقناص من الوزن الثقيل بكل شيء

بدء بالقوانيص وانتهاء بالطرايد والصيد

موفقين يالذيابه ..

[راشد الخلاوي]

ابشرو وكل اللي تبونه حاضر من التفاصيل

الرحلة من الدمام على الشارقه على نايروبي ومن نايروبي طيران داخلي على ما لندي

تكلفة التذاكر 2200 ريال والطيران الداخلي يمكن 250 ريال رايح جاي على موعد الرجوع والطيران الخطوط العربية

العزبة عزبتا اللي انتو خابرين كاملة وحدة للطبخ ووحدة للقوة

اليومية للى شفتو من سكن ومقناص وسيارات وسلاح والخوال والرخصة والسكن في الغابة محفولين مكفولين من الماء والبارد والثلج والغاز والذبح والصلخ والتنتيف للطيور

1000 ريال للواحد

يعني حنى اربعة 4000 ريال اليومية

قنصنا 3 ايام واليوم الرابع مشينا الظهر ومعنا اللى معنا من الصيد وحسبوة بدون شي من عندهم

والعلم عند واحد هو الكل في الكل والسنع عندة

وللمعلومية ما يستقبل اكثر من 4 اشخاص او 3 اشخاص

والتلفون عندي ويكون الأتفاق من هنا

[اللوذاني]

كفو يا راشد على التقرير الأكثر من رائع .

جمعتو الصيد الجزل كله ما شاء الله عليكم .

[يوسف الخليفة1]

وعليكم السلام ورحمة الله وبركاته

بارك الله فيك أخي العزيز الخلاوي

والشكر الجزيل

[الهداف]

كفو والله يالخلاوي
وصايدين وفايدين
بيض الله وجهك أنت واخوياك
والله يجمعكم على المعزة

[t.d.m.c]

كفيت ووفيت يا خوي راشد الخلاوي
جزاك الله خير ولاهنت ..

[عقيد حرب]

يعطيك العااافية وصايد وفايد والحمدلله على السلامة العوده

[الفارس 11]

كفوووووووووووووووووووووووووو والله تكفون ياربع اذا جتكم سفره عطونى خبر ودى بخوتكم