السلام عليكم ورحمة الله وبركاته
هذه الرحلة كانت في 17 / 6 / 2011 اجتمعنا مع الشباب اعضاء الرحلة وقلنا
لا مانع من زرقة المذكور ترتبنا الأمور والحمد لله كل شئ كان على ما نحب العزبة
على فلان وافلان يزرق ايفيز والتذاكر على افلان وإلا الأمور اخر كلام.
المهم ان اللقافة ما انخليها شوي وإلا انا محضر عند الطيار وتقول اعرفه من زمان
وبسم الله نقلع
وهذا حنا رازين اوجيهينا اتعرف قدام الكامير ومسوين اتيكيت ومن الدمام على الشارقة على نايروبي والرحلة حوالي 5 ساعات
المطار في نايروبي ونلقط اغراضنا وتجهيزن لرحلة ثانيه لمالندي مشوارها حوالي ساعة ايضاً
وصلنا لمالندي وإلا الذيب قدامنا وحملن اغراضنا وعلى السكن اخذنا فيه ليلة لأن وصولنا كان الساعة التاسعة ليلاً
وهذا السكن وهو عبارة عن فندق غرف على كيفك ومكيفات ونا موسيات وشغل
ترتيب مع انهم باقي ايجهزون البركة وإلا كان شفتوني وانا اخطط البركة ههههه
ياابو الشباب تري الغر ما بعد طاح انتبه هذا ماينوكل
وفنجال مع الصباح واعلوم ارجال وفطور خفافي
وصلو الخوال وعلى الموعد المحدد ونحمل اغراضنا
وهذيه هي العدة المضبوطة اللي اموصي عليها الشايب
ثنتين ام خمس بريتا
ووحدة ام روحين
وقناصة بدربيلها على كيف كيوفك
وهذا عيار القناصة
ووين الطريق اللي يودي لبغدادي
هذا الطريق اللي للمقناص والقيعان اللي خابرها ياليتها والله اقريب والا اللي فيها
عندنا بين الحفر والنعيرية
والأجواء مثل ما أنتم شايفين اغيوم واجواء تفتح النفس وخضار في كل مكان
ولفينا اقطوع وانا والله اني احب ممشا القطوع دايم
ياحي ذا الشوف اثر الحباري متقاطعات مع العلم انه ما يحتاج اثر لاكن اللي في
القلب والله انها تخلفك اكثر من الظبا
ياحليلها الخرانيق
واول السيل قطرة
ثم الحباري وهذا اللي قدامنا والا العين للي يستاهل العنوة
ابشرو به التكتك او الدقدق عندهم وهو من احسن اللي كلينا واسهلها صيد
بالشوزن
وعسى الشباب يعدلون الصورة لأني حاولت ولا عرفت اعدلها
وانكمل لكم في الغد ان شاء الله باقي التقرير والصور الجميلة والصيد الجزل
وعسى انكون عند ضنكم فينا
وخلوكم معنا وصيفنا احلى
رد مع اقتباس
