سواليفنا يارعين الديماكس ..

[ابوياسر1971]

نبي تكون هنا السواليف اللي خارج مواضيع الرابطه . بنا على اقتراح من الاخوان .

[الزافر]

اقتراح موفق

نبي رابط ديماكس لما خصص له
مما يخص من اعطال واخبار وترهيم واقتراحات الديماكس
ليكون اكثر فائده لزوار ولأعظاء
اشكر جميع من يساهم في نجاح هذا الرابط

[فنجال ورجال]

فعلاًِ كلامكم صحيح وفكرة ممتازة يكون موقع الرابط لما يخص الديماكس فقط وهنا ما يخص الديماكسيين يعني السوالف وأخذ العلوم نتمنى أن نجد هنا من العلوم المفيد والجديد

[ابوياسر1971]

هذي من طلعتنا الاخيره .

[ابوياسر1971]

ترى هذي الصوره بعد العشاء عشان كذا انا كبير . ما شاء الله علي .

[حادي العيس]

هذي من طلعتنا الاخيره .

ماشاءالله تبارك وش هالرشاقه المفرطه يا أبو ياسر ( لازلت أراهن عليك ) واعتبرك ورقه رابحة في الالمبياد القادم وانت مكينتناّ الديزليه في حصد ذهبيه مائه متر
الله الله بتمرين رقي الهيال بالريوس عساه ينفع لك

[ابوياسر1971]

ماشاءالله تبارك وش هالرشاقه المفرطه يا أبو ياسر ( لازلت أراهن عليك ) واعتبرك ورقه رابحة في الالمبياد القادم وانت مكينتناّ الديزليه في حصد ذهبيه مائه متر
الله الله بتمرين رقي الهيال بالريوس عساه ينفع لك

بس شرط مية متر حوجز ولا منيب مشارك ههههههههه . خل اشوفك بس .

[العطة]

السلام عليكم ورحمة الله وبركاته

هذا رابط لمشاركة سابقة لكشتة في جبال حائل بتاريخ 19-4-27

http://www.mekshat.com/vb/showthread.php?t=50818


ابوعبدالاله

ملاحظة اذا لم تظهر الصور افتح كل صورة في تبويب جديد

[بدر الواثق]

هذي من طلعتنا الاخيره .

منور ابوياسر بالمنتدى كله
كأني سمعت إنك تبي تبيع الديماكس وتاخذ جديد
ترى لي نظر إذا تماتيك
وتقبل موفور المحبة لشخصكم الكريم

[ابوياسر1971]

منور ابوياسر بالمنتدى كله
كأني سمعت إنك تبي تبيع الديماكس وتاخذ جديد
ترى لي نظر إذا تماتيك
وتقبل موفور المحبة لشخصكم الكريم

الله يرفع قدرك ياخيي اول واحد يقولي منور والله انت اللي منور وبعدين ترى هاذي اشاعه اخوي بدر موتري جديد وقير عادي , يمكن واحد غيري المقصود .

[أبـــ سعود ــــو]

هذي من طلعتنا الاخيره .

الله يبارك لك يابو ياسر
بغيت أسأل عن الشد بكم ركبته
أفكر لي بواحد مثله

[ابوياسر1971]

الله يبارك لك يابو ياسر
بغيت أسأل عن الشد بكم ركبته
أفكر لي بواحد مثله

كلفني 4000 مع النثريات وفصلته عند ؟ ارسلك على الخاص ان شاء الله .

[الهواوي_1]

اهل الطلعه..... بصفتكم ناس حبيبين ورجعتوا لي اكثر من نص لحم الهرش ذاك الليل قالوا الاولاد لازم تطلع تعشينا اياه في البر وطلعنا ابشركم وتعشيناه وشب علينا القز وعرضناه للبيع في المنتدى الشاهد الورعان يقولون كثر خيركم على لحمة الهرش

[فنجال ورجال]

اهل الطلعه..... بصفتكم ناس حبيبين ورجعتوا لي اكثر من نص لحم الهرش ذاك الليل قالوا الاولاد لازم تطلع تعشينا اياه في البر وطلعنا ابشركم وتعشيناه وشب علينا القز وعرضناه للبيع في المنتدى الشاهد الورعان يقولون كثر خيركم على لحمة الهرش

أغناك الله يا ابومهند واجعله بالعافية عليك وعلى العيال والحمد لله على السلامة
تصدق لو منك أمسك القز وأوريه شغله لين يعتدل جزاءً له وردعاً لأمثاله واقهره دايم طلعه في البر وصلح على واحد ثاني وهو خله للغسيل وحط عليه الأشياء الثقيله

[عاشق ورق]

الله يوفقكم يا الديمكسيون<<لا تتجنسون مكسيكيون>>
مهوب صح يا فنقال
دعائي لكم بالتوفيق والاجتماع على طاعة الله
تحياتي