خويكـم هواي البر يبي استشارة من اهل الخبره

[هواي البر فهد]

بسم الله الرحمن الرحيم
الأخوة الأفاضل
السلام عليكم ورحمة الله وبركاته

ما خاب من استخار ولا ندم من استشار


لي مده وانا ابي موتر جيب بر وخط
لاني اساافر واجد وبنفس الوقت ما قدر اصبر عن البر
المهم دراهمي 30 الف ولاقدر ازودهن

شفت موتر ربع تيوتا جي كس 97 لكن لقيتهن فوووووووووق غاليه حيييييييييييل

توجهت لربع نيسان
لكن ماعرف وش الفرق بين السفاري والباترل وين الافضل من ناحية قطع الغيار وخرابات ؟

وش يسون 1998 الي 2004 ؟؟

والي يخبرلي موتر وينصحن فيه لايقصر ؟

[العنابي 616]

السلام عليكم أخوي فهد
الله يوفقك في شرائك و يدلك على الصالح
إذا قدرت تزيد فلوسك و تاخذ لك جي اكس مديل 95 فهو ممتاز
و إذا ما قدرت فعليك بالنيسان بس 30 ألف بتجيبلك مديل 2000 على الكثير و تلقاه تعبان مرشوش أو... فخذلك من المديلات القديمة و يكون بابين أفضل مديل 95 و حولها أحسن زين و توفر من فلوسك 5000 الاف

هذا إقتراحي و بالتوفيق لك

[بدوي جنوبي]

ربع التيوتا ما ينفع للسفر
متعب وغير مريح وخطير على السرعات العاليه

وانا أفضل الربع النيسان لان تعليقه الامامى والخلفى
أكثر راحه من ربع التويوتا

[الدبل الرابع]

اتفق مع مشرفنا الفاضل بدوي جنوبي الربع ماينفع في الطريق ولاهو مناسب ابدخذ بالنصيحه وتوكل على الله ونيسان مناسب.

[التعـ King ـديل]

نصيحه اخو .. لاتبعد عن الباترول اربع ابواب من موديل 94 الى 97 بخاخ

موتر خط وبر وخفيف نفس

[زمان وطاف]

السلام عليكم ورحمة الله وبركاته

أخوي هواي البر

لييييه وش جاك على أم عزيز الدتسن

أخوي الله يوفقك بالموتر الي يطيب خاطركـ

فلوسكـ30 تجيب لكـ باترول مثل ماقال أخوي كنق التعديل

من 94 الى97

بس الـ97 ممكن تلقا فيه رش

شوف رح للمعارض شوف فيه سوبر سفاري

أحمر بذهبي بخاااااخ راعيه مطوع يقول انه مرشوش

بس والله ما سألته فيه سمكرهـ ولا لا

بس الظاهر انهـ مابهـ سمكرهـ

وراعي الموتر والله العظيم اني ما أعرفهـ لاكن الموتر
وقفته وشكله رووووعه ماودك العدو يشوفه


أسم المعرض على ماأعتقد معرض العمير

أو الي بجمبه الموتر واضح أول ماتدخل المعرض على يمينكـ


يقول مسيوم31 والظاهر انه يبيعه بهالسومه




وأهم شي اذا بغيت تشتري الموتر أفحصه أفحصه أفحصه

لأن الناس الحين والله ماتومن


والله يوفقك لما يحب ويرضا



أخوكـ/

زمــــان و طــــاف

[قناص*07]

تويوتا وبس

[VTC 2002]

هلا باخي هواي البر فهد
بصراحه ما انصحك بربع تويوتا لانه ما يصلح للمشاوير والاخوان ما قصروا بالنصح بس اشوف انهم نسوا سياره مريحة وقويه وهي الباثفيندر ولا تشتري الا من موديل ٢٠٠٣ وفوق صح قطع غياره غاليه بس اذا حافظت عليه راح يطربك
اتمنى لك التوفيق ويعطيك من خير السيارة اللي تشتريها ويكفيك شرها

[مخاوي الليل؛؛]

والله السيارات غاليه ذحين لخوي اخذله ربع 91 ب34 الف بس والله موتر ماشاء الله لارش ولاسمكر بودي بلاده
وخوي اخذ ربع نيسان 97 مرشوش كامل ب35 الف وزين الحمدلله

عموما اذا تبي موتر ينومسك زيد على فلوسك ودور ربع نيسان 97

[برادو 99]

السلام عليكم
فلوسك بجيبلك برادو من 98 الى 2002
اربع ابواب وتراه نشيط وخفيف نفس
والباترول جيد

[شعيب النمر]

ياخ فهد اصبر حت تاريخ 15/)/1432
وبإذن الله رايح تشتري بالفلوس هذي جيب موديل 2012 من صالات الحاج حسين

[هواي البر فهد]

بيض الله وجيهكم والله يجزاك خير
ماقصرتم يانشامه

خوني معروض على باترول سلقه مديل 99 جي ل مكيف وثلاجه وقزاز كهربا

حده رعيه علي ب 32 بديه وكاله مافي سمكره ولا رشه بس بويته مشمسه شوين
يقول خذ وفحص قير ودبلات ومكينه

لكن الفحص هو الفاصل

ابي ريكم ونصيحتكم

[عاشق السيل]

نصيحة اخو ومن القلب : لا تاخذ إلا بخاخ مهما كان الموديل ترى الكلبليتر بيتعبك !!!!!

أسأل الله لك التوفيق والسداد .....

[هواي البر فهد]

نصيحة اخو ومن القلب : لا تاخذ إلا بخاخ مهما كان الموديل ترى الكلبليتر بيتعبك !!!!!

أسأل الله لك التوفيق والسداد .....

بيـــــــــــــــــــــض الله وجهك
ماقصرت يابعد حييييييي

[كثير السؤال]

خذلك باترول ربع