سكاكين ، مطوية ، خنجر ، ساطور ... المعرفة والخبرة ( موضوع متجدد )

[عصا الترحال]

هذي يا إخوان سكين باكستانية
أصلها مبرد كاربون ستيل ( فولاذ )
صناعتها متقنة جدا قوية وروعة وحدها موس
وتسن ومن أول مسحه تعطيك حدها
والله ياإخوان عجيبة
ومما يميزها سعرها رخيص
لقيتها عند المقناص بالرياض
السعر
17 ريال فقط
والطويلة منها بـ 27 ريال
أترككم مع صورها











بارك الله فيكم

[عصا الترحال]

السلام عليكم
حسبي الله عليك ولعتنا في السكاكين ويا بلشة خير من نزل هالموضوع ورايح جاي على محلات الأواني بحثاً عن النوعية الممتازة،
لكن لللأسف عندنا في المدينة المحلات يمشي حالها وشوف أنواع النصب والتلاعب بالأسعار في ذي القعدة لقيت ساطور برازيلي مقبظ أسود ب45والبارحة رحت لنفس المحل وإذا بالسعر65لعب على كيفكلك .
تحية عطرةوتعظيم سلام على الموضوع
بس ودي أسأل عن الساطور البرتغالي كم سعره ووين نحصله، وكذلك وين نحصل السكين الساطور البرازيلية وكم السعر بارك الله فيك .

وعليكم السلام ورحمة الله وبركاته
كلنا مثلك متولعين والشكوى لله
وجيد الواحد يزور أكثر من محل ومنطقة
وعندك مكة وجدة فيها خير ونوعيات طيبة
كلها عمرة وزيارة لمحلات السكاكين
الساطور البرتغالي لقيته في محل بالوشم
بالرياض
وكذلك البرازيلي
بارك الله فيك

[عصا الترحال]

متابع بصمت

واصل بارك الله فيك

ومنكم نستفيد

وين نحصل الساطور البرتغالي مثل اللي عرضت؟

حياك الله
ومشكور على متابعة الصامتة
بالنسبة للساطور البرتغالي لقيته بالوشم
عند محل ثاني محل بعد شكري
واخذت كل اللي عنده كان عارض الواحد بـ60 ريال
واخذتهن كلهن الواحد بـ50 ريال
ولقيتهن عند كبير المغالين بالحلة
المفرد بـ 110 وبالجملة بـ 100
نصاب من الدرجة الأولى
اسم محله توجان راعيه تركي
وأي واحد يبي الساطور باقي عندي ثمانية
تراه برأس ماله وأنا ما أخذتهن علشان احتكرهن
بالعكس علشان ما أحد يلعب علينا
اللي يبي منهن شي يرسل لي على الخاص
مالي مكسب ولاشي بنفس قيمة الشرية بـ50 ريال
بارك الله فيك

[عصا الترحال]

الافضل عند التذكية ان تترك الذبيحة ترفس بدون مسكها من الايدي والأرجل حتى يخرج جميع مافيها من دم وتكون نقية
وبعد السلخ تترك لتبرد بحدود الساعه أذا ماكنت مستعجل ثم تقطع

مشكور جزاك الله خير
وبارك الله فيك

[عصا الترحال]

الاخ عصا الترحال موضوع لن يتكرر مليئ بالمعلومات المفيده الف الف شكر لك

والشكر موصول لكل من شارك فيه فقد استفدنا فائدة كبيرة

تمنياتي لك بالتوفيق وعلى كل من يملك معلومة لايتردد في وضعها هنا

وكل عام وانتم بخير

الله يجزاك خير على المشاعر النبيلة
والإخوان ماقصروا هم اللي شالوا التقرير
من أوله إلى آخره
وأنا المستفيد الأول
بارك الله فيك
وكل عام وأنت بخير

[ابو نجود]

عيدكم مبارك وكل عام والجميع بخير..وعساكم على القوة يابو عمر انت وباقي الاخوان..وارجو ان تحجز لي ساطور وسكين برتغالي من اللي عرضت...لان عندي مجموعة من هذه الشركة وتنقصني السكين والساطور الذي عرضت

[عصا الترحال]

عيدكم مبارك وكل عام والجميع بخير..وعساكم على القوة يابو عمر انت وباقي الاخوان..وارجو ان تحجز لي ساطور وسكين برتغالي من اللي عرضت...لان عندي مجموعة من هذه الشركة وتنقصني السكين والساطور الذي عرضت

ابشر يابونجود
بارك الله فيك
وكل عام وأنت بخير

[habshan]

الله يعطيك العافيه يابو عمر على ها المقاطع المميزه والصور الشيقه لها السكاكين
بصراحه روووعه وابداع وتخصص الله يحفظك من كل شر
انا سوالي يابو عمر من وين ها الذبيحه اللي بالمقطع ههههههه بصراحه شي طيب
الله يسعدك ويحفظك ويبارك في وقتك وولدك
وكل عام وانت والاخوان جميعا بالف خير وصحه وعافيه

[عصا الترحال]

الله يعطيك العافيه يابو عمر على ها المقاطع المميزه والصور الشيقه لها السكاكين
بصراحه روووعه وابداع وتخصص الله يحفظك من كل شر
انا سوالي يابو عمر من وين ها الذبيحه اللي بالمقطع ههههههه بصراحه شي طيب
الله يسعدك ويحفظك ويبارك في وقتك وولدك
وكل عام وانت والاخوان جميعا بالف خير وصحه وعافيه

الله يعافيك ويبارك فيك أبوعبدالرحمن
ماشاء الله تبارك الله
أنت أستاذنا بهذا التقرير لكنك قاطع الله يهديك
نطلبك الكثير من الخبرات والمعلومات المفيدة
حول السكاكين وعلومها
والذبيحة اللي بالمقطع ما أدري يمكن تطلب من النت
عبر أمازون دت كوم أو غيره ههههههههه
بارك الله فيك
وكل عام وأنت بخير وجميع الإخوان

[عصا الترحال]

هذا مقطع لسرعة السلخ
عجيب وماشاء الله تبارك الله على الرجال

بارك الله فيكم

[عصا الترحال]

احمدوا ربكم على نعمة الإسلام
طريقة ذبح امحقا وخنزير


هههههههههه

[أبو ليان3]

أبارك لجميع أعضاء المنتدى بحلول عيد الأضحى المبارك
وكل عام وأنتم بخير

[عصا الترحال]

هذا مقطع تقرير مصور
عن سن السكاكين في باكستان
وجدته في موقع روسيا اليوم
مشاهدة ممتعة
http://arabic.rt.com/news_all_news/news/570957
بارك الله فيكم

[aborian]

الأخ عصا الترحال ولا يهونون الخبراء

المقص أول ما تشتريه إذا قصيت به قماش ياسلام وإذا قصيت به ورق ورجعت قصيت به قماش يخرب ليش .
المعلومه هذي أخذتها من اللي يسن المقصات والسكاكين اللي في البلد في جدة
السؤال لماذا ؟
هل الورق يثلم المقص .

والله يحفظ الجميع

الاخ كانو تكفى وصف المحل ضروري وبالتفصيل الله يبارك فيك

وكل عام وانت بخير

اخوك ابوريان

[عصا الترحال]

أبارك لجميع أعضاء المنتدى بحلول عيد الأضحى المبارك
وكل عام وأنتم بخير

وكل عام وأنت بخير وعافية
تقبل الله منا ومنكم صالح الأعمال