سكاكين ، مطوية ، خنجر ، ساطور ... المعرفة والخبرة ( موضوع متجدد )

[عصا الترحال]

ابو عمر في تعديلك لسكين الكابار ما كانت هذي الطريقه افضل من الصنفره واسرع ؟

طريقته ممتازة خصوصا للسكين اللي مالها زاوية
لكن جربت المبرد مع الزاوية ياكلها مرة ويصعب
ترجعها سيرتها الأولى
والصنفرة المكينة وجربتها ماتعطي نتايج مثل اليدوية
والسبب أنها ممكن تاكل أكثر من المطلوب
بارك الله فيك

[القاائد.]

حياكم الله جميعا
ابحث عن حجر السن 1000-6000
110-220
انا بالقصيم دورته مالقيته

[عصا الترحال]

حياكم الله جميعا
ابحث عن حجر السن 1000-6000
110-220
انا بالقصيم دورته مالقيته

الله يحييك ويبقيك
موجود في متجر بيتي والرحلة
بارك الله فيك

[ssami]

السلام عليكم جميعاً ، ابو عمر عندي سكين كولد استيل مشطوف راسها ابي اعدله كيف ؟
وابي اعرف وش فائدة الشطف ؟

[m1m2m3m4m5m6]

شلون مشطوف؟ مثل التانتو قصدك؟

[ssami]

اسمه كولد استيل ريكون تانتو الصناعة ياباني شكلها مثل السيف السموراي اذا انا مصيب وشكراً لله ثم لكم

[m1m2m3m4m5m6]

حسب ما قرأت ان تصميم الطرف الاخير للتانتو والكاتانا ,, بهذا الشكل كي تستمر السماكه من اول النصل لأخره بدون ان يتم اخذ شيء من الحديد في الطرف ,, لأن استخدامه حربي وعلى الدروع ,,

[ssami]

جزاك الله كل خير وبارك الله في علمك اخوي اقدر اعدلها وكيف الطريقة

[عصا الترحال]

حسب ما قرأت ان تصميم الطرف الاخير للتانتو والكاتانا ,, بهذا الشكل كي تستمر السماكه من اول النصل لأخره بدون ان يتم اخذ شيء من الحديد في الطرف ,, لأن استخدامه حربي وعلى الدروع ,,

أبومساعد هل هذا الكلام ينطبق
على سكاكين المطبخ ؟
لأن الشكل نفسه موجود في
سكاكين المطبخ
بارك الله فيك

[m1m2m3m4m5m6]

انا والله يا ابو عمر ماشفت سكاكين المطبخ اللي رأسها محدود مثل التانتو ,, ولا ادري هل انا وانت نتكلم عن نفس القصه ولا لا

[مكشاتي مدني]

اذا تبي محل عندة جميع انواع السكاكين ابو طير السويسري والفريح الالماني والبرتغالي والبرازيلي والسيف الياباني والسواطير البرازيلية والبرتغالية محلات المهري في سوق السبالة كل شيء عندة سكاكين وسواطير وكل مايخطر على بالك حبيت اعلمكم للفائدة وبالتوفيق للجميع

[فتى العشة.]

اذا تبي محل عندة جميع انواع السكاكين ابو طير السويسري والفريح الالماني والبرتغالي والبرازيلي والسيف الياباني والسواطير البرازيلية والبرتغالية محلات المهري في سوق السبالة كل شيء عندة سكاكين وسواطير وكل مايخطر على بالك حبيت اعلمكم للفائدة وبالتوفيق للجميع

سوق السبالة وين محله؟الرياض؟

[Hamdi_an]

سوق السبالة وين محله؟الرياض؟

نعم
على الزاوية الشمالية الغربية من تقاطع طريق الملك فهد مع طريق المدينة.
http://wikimapia.org/#lang=en&lat=24...99882&z=17&m=b

[عصا الترحال]

انا والله يا ابو عمر ماشفت سكاكين المطبخ اللي رأسها محدود مثل التانتو ,, ولا ادري هل انا وانت نتكلم عن نفس القصه ولا لا

شف هالمقطع القصير أبومساعد

بارك الله فيك

[مكشاتي مدني]

سوق السبالة وين محله؟الرياض؟

شف ياطويل العمر وانت في طريق الملك فهد متجة من الشمال باتجاة الجنوب ادخل مخرج طريق المدينة المنورة و توقفك الاشارة لف يمين وتدخل مع طريق المدينة المنورة وتصير اسواق مكه على يسارك تبتل لين تجيك اشارة وبعدين تلف يمين باتجاة الشمال واذا مشيت يجيك اشارة عقب محطة بنزين بعد الاشارة علطول يجيك لفة صغيرة انتبة لها شارع اتجاة واحد هو شارع السبالة لف يمين والله يعينك لين تلقى موقف شارع سيد واحد وضيق شوي وبالتوفيق