سكاكين ، مطوية ، خنجر ، ساطور ... المعرفة والخبرة ( موضوع متجدد )

[عصا الترحال]

السلام عليكم ورحمة الله وبركاته
الله يعطيك العافيه أخوي أبوعمر على ها الموضوع الشيق
وإللي بصراحة إستفدنا منه الكثير
مثل ماكلمتك البارح سويت طريقة جميله في نظري لتثبيت المسن مريحه في الحد بشكل كبير
وأيضا شكلها جميل وهي عباره عن جذع شجره فرغت فيه مكان للمسن
لكم بعض الصور ...

بعد كذا قمت وقصيت لي نوع من أنواع الخشب الممتاز
وحطيت عليه قطعه من الجلد المستخدم لحد الأمواس قديما
وطلع المسن ممتاز من حيث الشكل والإستخدام
وهذي بعض الصور ...

في الختام أتمنى أن تنال ها المشاركه أستحسانكم
وفقكم الله لما فيه الخير والصلاح ..

محبكم / أبوعبدالرحمن

ماشاء الله تبارك الله أبوعبدالرحمن
شغل مضبوط
وافتكيت من زحف المسن الحجر أثناء السن
وطريقة المسن الجلد روعة
بس شد انتباهي المسامير فوق
هل حفرت مكان لها بحيث إذا مشت السكين على الجلد
ماتحك فيها ولا اعتمدت على رفع السكين قبل ماتاصل المسامير
بارك الله فيك وفي انتظار بقية ابداعاتك
وخبراتك المتميز
شاكرا لك حرصك المستمر على نفع إخوانك بالمفيد

[abto93]

السلام عليكم حبيت أسألك ياأخي عصا الترحال
عن رأيك في المسن السويسري الموجود عند قصر الاواني..
وهل هو افضل من المسن الياباني اللي مقبضه خشب..
علما أنه لايهمني الفرق في السعر لكن أريد الأفضل في السن..ويعطيكم العافيه

[عصا الترحال]

السلام عليكم حبيت أسألك ياأخي عصا الترحال
عن رأيك في المسن السويسري الموجود عند قصر الاواني..
وهل هو افضل من المسن الياباني اللي مقبضه خشب..
علما أنه لايهمني الفرق في السعر لكن أريد الأفضل في السن..ويعطيكم العافيه

وعليكم السلام ورحمة الله وبركاته
إذا كان مايهمك السعر خذ السويسري
وأنت مغمض وإن لقيت الدائري أفضل من المفلطح
بارك الله فيك

[أبو ليان3]

السلام عليكم ورحمة الله وبركاته
أخوي / habshan أبو عبد الرحمن ،،،
لفت انتباهي جملة في تقريرك الرائع وهي ( وحطيت عليه قطعه من الجلد المستخدم لحد الأمواس قديما)
السؤال/ هل الجلد اللي استخدمته أفضل من جلد الحزام السوري الموجود في الأسواق اللي دلنا عليه أخونا وحبيبنا الغالي عصا الترحال -بهذه المناسبة أحب أسلم عليك يا بو عمر والله يسعد أوقاتك-.
وإذا كان أفضل وين نحصله.

[بارود المطيري]

يابعدهم..في سكين .؟ مشبوكه مع خشبه..$ وحدها قويه ... شفها عندي لها 4 سنين ولاقنصت تكون معي وانشالله اجيبلك اسمها

[عصا الترحال]

يابعدهم..في سكين .؟ مشبوكه مع خشبه..$ وحدها قويه ... شفها عندي لها 4 سنين ولاقنصت تكون معي وانشالله اجيبلك اسمها

ليتك تحط صورتها
بارك الله فيك

[أبو ليان3]

السلام عليكم ورحمة الله وبركاته
أخوي عصا الترحال وش رايك لو نستخدم قطعة أستك السيارات للتنعيم بدل الجلد وهل جربته أو سمعت أن أحد مجربة؟؟؟؟؟؟؟؟؟؟؟؟؟...

[عصا الترحال]

السلام عليكم ورحمة الله وبركاته
أخوي / habshan أبو عبد الرحمن ،،،
لفت انتباهي جملة في تقريرك الرائع وهي ( وحطيت عليه قطعه من الجلد المستخدم لحد الأمواس قديما)
السؤال/ هل الجلد اللي استخدمته أفضل من جلد الحزام السوري الموجود في الأسواق اللي دلنا عليه أخونا وحبيبنا الغالي عصا الترحال -بهذه المناسبة أحب أسلم عليك يا بو عمر والله يسعد أوقاتك-.
وإذا كان أفضل وين نحصله.

أبوليان
وعليكم السلام ورحمة الله وبركاته
بالنسبة للجلد المستخدم لسن موس الحلاقة
القديم أللي يحلق فيه 200 واحد
هذي صورته

كان موجود ويباع عندنا بكثرة

وهذي صورته كاملا
إن حصلته فهو أفضل ولا الجلد السوري يقوم مقامه
بارك الله فيك

[عصا الترحال]

السلام عليكم ورحمة الله وبركاته
أخوي عصا الترحال وش رايك لو نستخدم قطعة أستك السيارات للتنعيم بدل الجلد وهل جربته أو سمعت أن أحد مجربة؟؟؟؟؟؟؟؟؟؟؟؟؟...

كانك تقصد اللستك حق الكفرات
فما يصلح أبدا
بارك الله فيك

[أبو ليان3]

السلام عليكم،،،،
بارك الله فيك يا أبو عمر و الله لا يحرمك الأجر.
سؤال لأخوي/ habshan أبو عبد الرحمن :
إذا أنت من أهل الرياض وين حصلت الحزام فيه بالضبط.
مع جزيل الشكر.

[أبو ليان3]

السلام عليكم أخوي أبو عمر اسمح لي أستغل وجودك قبل المغادرة وأسألك سؤال
حينما أسن السكين أحس أنها ما هي سنينه ولكنها تلعب في الورقة لعب إذا جربتها عليها
بس اللي يحيرني أنها ما تحلق الشعر وش يدل عليه هذا!!!!!!!!!!!!!!!!!!!!!!!!!!!
تقديري واحترامي،،،

[أبو ليان3]

خيرها في غيرها

[أبو ليان3]

لا يكون أزعجتك بكثرة الأسئلة
العذر والسموحة

[عصا الترحال]

السلام عليكم أخوي أبو عمر اسمح لي أستغل وجودك قبل المغادرة وأسألك سؤال
حينما أسن السكين أحس أنها ما هي سنينه ولكنها تلعب في الورقة لعب إذا جربتها عليها
بس اللي يحيرني أنها ما تحلق الشعر وش يدل عليه هذا!!!!!!!!!!!!!!!!!!!!!!!!!!!
تقديري واحترامي،،،

وعليكم السلام ورحمة الله وبركاته
المعذرة أبوليان
جاوبتك بالأول ورحت مشوار على طول
وبالعكس والله ماهنا كلافة ولا إزعاج الله يجزاك خير
وأعتذر مرة أخرى
بالنسبة للحد
إذا قطعت الورقة هل القطع نظيف ولا في خشونة
إذا كان نظيف فمعناه أن الحد ناعم جدا
وتستطيع أن تحلق بها
وإذا كان خشن فلم تصل بعد إلى مرحلة حلاقة الشعر
بارك الله فيك
وأجدد اعتذاري

[أبو ليان3]

السلام عليكم،،،
أنا اليوم مستلمك بالأسئلة والإستفسارات ههههههههههههههههههههههههه
اسمح لي أخوي أبو عمر أرجعك وراء شوي في صفحة رقم 16 الرد رقم 10 باسم أخونا كانو فيه مقطع لسن السكين لم يستخدم ماء أو زيت على مسن الحجر ثانيا اللي نعّم السكين عليها ما أعتقد أنها جلد مع أنه ما حط عليها شيء، أعتقد أنها قطعة أستك سيارات ولو تدقق في كلامه شوي اسمع إذا طلّع قطعة دائرية كأني أسمعه يقول أستك عشان كذا سألتك بارك الله فيك ومع هذا شوف ما شاء الله السكين تحلق الشعر،
واللي قاهرني بارك الله فيك ومن يقراء أني أسوي عكس اللي يسوي أهو ومع هذا زي ما قلت لك ما تحلق الشعر.
أكيد طولت عليك شوي بس ما عليه كما عهدناك وسيع صدر الله يجزاك الجنة ويبيض وجهك.