الدفع الرباعي..سوافي..الرماية..لتجهيز السيارات أيهم الافضل..شاركنا يا مجرب(سيف الظفير

[سيف الظفير]

السلام عليكم جميعاً

اسعد الله ايامكم بكل خير .. ومبروك عليكم قدوم الشهر يا اخواني جميعاً

بارك الله فيكم

الموضوع يتعلق بتجهيز السيارة بالبطارية الاضافية وما يلزمها

احتاج الى :

2 لمبة كبوت
2 بالشنطة الخلفية

بطارية اضافية 80 انبير
محول كهرب 350 وات (( او 600 ))

// او شراء بطارية اوبتيما الحمراء المعروفة // وتركيبها



معها مخارج كهرباء 220

1بالامام
1 بالخلف
1 بالشنطة الخلفية

مخرج V12 بالشنطة الخلفية

تمديد الايكوم وتسليك القاعدة بالديكور

كذلك

تسليك الثلاجة


متردد بالورشة الطيبة

ولان المعروف بالرياض هالثلاث

ابي الاحسن منها

الرماية سمعت عنهم علمً طيب وقريبين مني مرررررة

متفائل فيهم خير ولكن متردد

سوافي معروف ولكن زحمة وتعاملهم سئ والشكوى لله

الدفع الرباعي مشهورين ولكن ما اعرف احد اشتغل عندهم

نبي العلم منكم يا الغالين والافضل لي بعد توفيق الله

السيارة لاندكروزر 2009
وسييرا HD2500 2011

الثانية جديدة بقراطيسها وخايف من العبث بالكهرباء لانها خطيرة وحساسة الدوائر الكهربائية


والله اعلم

وبالتوفيق

[سيف الظفير]

31 ولا رد


اذكروا الله

[الصحافة 15]

عندك صناعية الدائري مخرج 17 أبو عبد العزيز الزمامي شغله فن وذمة أسم الورشة ذئاب الصحراء

[himaa]

مسااااااااك الله بالخير
اخوي سيف
اعرف 5 من الربع مشتغلين عند سوافي بصراحة شغل ذمة ويبرد الخااطر

ونا من ناحيتي ناوي اسير عليه واركب عنده

الرماية والدفع الرباعي ماخبر احد مشتغل عندهم

تقبل مروري

[النجم الطائر]

تبي النصيحة اشترلك محول كهرباء وريح راسك من تجريح الاسلاك والتماسات وغيره
واسعار هم نار و زود كلهم يتعلمون

[السومر]

بالنسبه لسوافي غالي سعرهم

أنا جربت ورشة الصبي شغلهم حلو ورخيص

بطاريه +القاعده+لمبتين كبوت+لمبه خلفيه+محول220 600 واط+فيشين 220 امامي وخلفي بــ 1100 ريال

موقعهم وانت جاي من الدائري الشرقي وجهك جنوب كأنك رايح للخرج

يجيك مخرج 15 بعد اسواق المجد ادخل معه يمين وجهك غرب تجيك اول اشاره ادخل معها يمين

اول محطه على يدك اليمين شف الورشه داخل ( ورشة الصبي )

[شاص نيسان 93]

ابعد عن سوافي وتجيك العافيه

فيه شباب سعوديين يشتغلون في استراحه افضل وارخص

وفيه واحد في ورشة جامعة الملك سعود حليل لكنه غويلي شوي
بس ارخص من الرمايه والدفع الرباعي

[سيف الظفير]

مشكورين على المرور والردود

نبي اكثر من مجربين يا الغالين والزين بذكر السعر


الرماية من جربهم يا اخويانا

[أبوهشام2]

اخوي أنا ركبت هالتجهيزات اللي قلتها في ورشة الصبي
السياره أف جي ٢٠١٠
صراحه شغل لا يعلا عليه
راعي الورشه سعودي يقال له ابو شهد
اخلاقه حلللوه ورجال اجودي يشرف على العمل بنفسه
هالرجال على ما سمعت ان محاضر في كلية التقنيه تخصص ميكانيكا اوكهربا ما ادري بالضبط
طبعا هالتجهيزات كلفتني ١٣٨٠ريال
٦٠٠ البطاريه بقاعدتها وفيوزاتها
٤٠٠ محول كهربا ٢٢٠ مشبوك ع البطاريه الاضافيه+فيش في الامام و فيش موصل للخلف
٣٠٠ منظم بطاريتين
٨٠ لمبتين في الكبوت×

واذا بغيت اي معلومات أنا جاهز

بالتوفيق

[سيف الظفير]

ابو هشام كفيت وووفيت يا الغالي واشهد بالله ما قصرت يا بعدي


الشعر مناسب وزين

انا قالي الرماية 1650 ولكن فيها كل ما ذكرت بالاعلى

[فيافي شقراء]

السوافي مجربها لكن سعره نار في نار ومزحومين في أيام البراد

[سيف الظفير]

هذي المشكلة السوافي اخذ الشهره الزينة ورفع السعر على الجميع

غيره بأقل ونفس الشغل ويمكن احسن